Film izle hacklink kiralık bahis sitesi satılık bahis sitesi Adalet.az | Zaur Əhməd: "Həmkarlarımızdan kimsə hadisə baş vermədən öncə nəsə yazırsa..." Adalet.az | Zaur Əhməd: "Həmkarlarımızdan kimsə hadisə baş vermədən öncə nəsə yazırsa..." Adalet.az | Ədalət -
ANA SƏHİFƏ / YAZARLAR

Zaur Əhməd: "Həmkarlarımızdan kimsə hadisə baş vermədən öncə nəsə yazırsa..."

33283    |   2013-07-20 09:44
Şriftin ölçüsü:
A+ Böyütmək
A+ Balacalaşdır

Cəmi ikicə gündən sonra bayramımızdı. Çap və elektron mediada çalışan jurnalistlər Milli Mətbuat Gününü qeyd edəcək. Bayram sevincindən, təbrikdən istedadlı həmkarımız Zaur Əhmədə də pay düşür.
Onun imzası "Şərq", "Neytral", "Azadlıq", "Reytinq", "Gündəlik teleqraf" qəzetlərinin oxucularına yaxşı tanışdı. Zaur Əhməd 2010-cu ildən Müstəqil İnformasiya Agentliyinin - "Mia.az"ın redaktorudu.

- Zaur, 15 ilə yaxındı jurnalistikadasan. Siyasi mətbuatda çəkisi olan qəzetlərdə çalışmısan. Son illərdəki sayt bumu səni də cəlb elədi. Və günlərin birində sən də dəblə ayaqlaşıb "Mia.az"ı yaratdın...
- Dəb deyəndə ki... Son illər insanların internetə, elektron mediaya marağı, tələbi artıb. "Mia.az"da bu tələbatdan yarandı. Özümüzü elektron mediada sınamaq istəyi də var idi. "Mia.az"ı 2009-cu ildə qeydiyyatdan keçirdik, amma fəaliyyətə 2010-cu ilin martından başladıq. İlk gündən məqsədimiz adımıza layiq fəaliyyət göstərmək - müstəqil mövqeyimizi qorumaq olub. Gördüyün kimi, bu da dəblə ayaqlaşmağa, elliklə görülən işə oxşamır.
- Ümumiyyətlə, palaza bürünüb, elnən sürünməyə necə baxırsan?
- Palaza bürünməyin özünə heç də pis baxmıram. Palaz adamı soyuqdan, küləkdən qoruyur. Bəlkə elə ona görə də, palaza bürünmək istəyənlər bu qədər çoxdu. Atalar nə dediklərini biliblər. Şəxsən mən onların bu sözünə əməl etməyi sevmirəm.
- Bəzən xəbərdəki dəqiqlik operativliyə qurban verilir. Sən hansının tərəfindəsən- dəqiqliyin, yoxsa operativliyin?
- İnformasiya agentliyinin əsas işi xəbəri oxucuya, istifadəçiyə operativ çatdırmaqdı. Dəqiq xəbər vermək də jurnalistikanın əsas prinsiplərindəndi. Bəzən bunların arasındakı sərhədlər itir. Mən həm dəqiqliyin, həm də operativliyin tərəfindəyəm. Gündəlik işdə də buna əməl etməyə çalışıram. Lakin bu prinsipə hər dəfə əməl etmək mümkün olmur. Bunun da çeşidli və bəlli səbəbləri var.
- "Mia.az"ın ən səs-küylü xəbəri hansı olub?
- Bir zamanların çox populyar siyasətçisi, prezidentliyə namizəd, "Qeyrət" Partiyasının sədri Əşrəf Mehdiyevin vəfatı xəbərini birinci biz yaydıq. Xəbəri sırf təsadüf nəticəsində əldə etdim. Qohumuma zəng etmişdim, harda olduğunu soruşdum. Dəfn mərasimində olduğunu dedi. Fikirləşdim yəqin qohumlardan kimsə rəhmətə gedib. Soruşanda dedi ki, yerlimiz Əşrəf Mehdiyevi dəfn edirik. Təbii ki, mən dərhal xəbəri sayta yerləşdirdim. Həmin gün bütün mətbuat məhz bizim xəbərə istinad etdi.
Müdafiə Nazirliyinin yüksək rütbəli zabiti Mahmud Həmzəyevin işdən çıxarılması ilə bağlı yaydığımız xəbər də böyük səs-küy yaratdı və qəzetlərdə, saytlarda tirajlandı. Amma bu xəbəri hansı mənbədən aldığımı deyə bilməyəcəyəm.
Yəqin sən də razılaşarsan ki, bu gün Azərbaycanda səs-küy yarada bilən ciddi hadisə nadir hallarda baş verir. Qeyr-ciddi hadisə isə nə qədər istəsən var. Biz isə onlara önəm vermirik.
- Hadisə baş vermirsə, deməli onu yaratmaq lazımdı...
- Bunun bir ucu yenə gedib çıxır dezinformasiya yaymaqla məşğul olmağa. Azərbaycan mediası bu gün ciddi hadisə yaratmaq gücündə deyil.
- Neçə illərdi siyasət adamları ilə təmasdasan. Onların arasında ən asan müsahib kimdi?
- Jurnalist kimi ünsiyyət qurmaq problemim yoxdu, hamı ilə dil tapa bilirəm. Mətbuata açıq olmaq baxımından Pənah Hüseyn bəlkə də ən asan müsahibdi. Amma Pənah bəyin də bir özəl xüsusiyyəti var. O, jurnalist üçün lazım olan informasiyanı belə deyək, qızışandan sonra deyir. Bu proses də ən azından 20-25 dəqiqə vaxt aparır.
- Sənə görə ən çətin müsahib kimdi?
- Müsavat başqanı İsa Qəmbər. Düzdü, İsa bəy redaktəli danışır. Onun müsahibəsi üzərində əlavə çalışmağa ehtiyac qalmır. Amma İsa Qəmər jurnalistin mövzu ilə bağlı hazırlıqsız olduğunu görəndə bütün cavabları bir-iki sözdən ibarət olur- "Sizinlə razı deyiləm", "Deyə bilmərəm" və sairə...
- Məşhur bir bayatıda deyilir ki, "tar çalan simi gözlər". Bəs jurnalist nəyi gözlər?
- Təbii ki, hadisəni. Əgər hansısa bir həmkarımız hadisə baş verməzdən öncə nəsə yazırsa, o, jurnalistika ilə deyil, bədii yaradıcılıqla məşğul olur. Onun işi yazıçılıq, şairlikdi.
İnsan hər hansı bir sənəti seçəndə fikirləşir ki, görəsən onun işinin adı nədi?
Bakı Dövlət Universitetinin jurnalistika fakültəsinə qəbul olunandan sonra elə ilk görüşümüzdə müəllimimiz Zeynal Məmmədli dedi ki, jurnalist cəmiyyətin qoruyucu köpəyidi. Bu söz məni yaman tutdu. Öz-özümə dedim ki, müəllim nə danışır, necə yəni qoruyucu köpək?
Tələbəlik illərindən başlayaraq qəzetlərdə çalışdıqca başa düşdüm ki, ustadımız nə demək istəyirmiş. Düzdü, jurnalistika cəmiyyəti qorumalıdı. Təəssüf ki, bu gün həmin köpəyin dişləri çıxarılıb. Bu duruma görə də jurnalistika, həmkarlarımız yox, daha çox mühit günahkardı.
- Əslən Cəbrayıl rayonundansan, atan Qarabağ uğrunda gedən savaşda şəhid olub. Qələbə xəbərini ilk dəfə məhz "Mia.az"da necə verəcəyin barədə düşüncələrini təxmin edirəm...
- Qələbə xəbərini çatdırmaq həyatımda görə biləcəyim ən böyük işim olardı. Təəssüf ki, xəbərin başlığını hələ tapmamışam. Çünki hadisənin özü hələ baş verməyib.

Etibar CƏBRAYILOĞLU


İmza:

YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK