ANA SƏHİFƏ / YAZARLAR

BU DA SİZƏ UŞAQLAR GÜNÜ ÜÇÜN - İlqar Rəsul yazır

21677    |   2020-06-02 09:44
Şriftin ölçüsü:
A+ Böyütmək
A+ Balacalaşdır

Yaxşı bir rayon istəyirəm. Məni günorta yuxusundan həyətdə yumurtlamağa yer axtaran toyuqların səsi oyatsın. Bir nənə tut ağacının kölgəsinə palaz sərib, üstündə süfrə açıb, qırağına iki dənə mütəkkə atmış olsun. Palazın yanında qaynayan samovar, süfrədə yekə, qalın, büllur stəkana süzülmüş xoruzquyruğu çay, kəllə qənd, çobansalatı, göy-göyərti, doğranıb, üstünə nar sıxılmış soğan, motal pendiri, toyuq- kartof- badımcan qızartası, qabığı soyulmuş soyutma yumurtalar, isti təndir çörəyi də olsun. 

Həyətin içindən axan kəhrizin buz kimi suyunda əl-üzünü, boyun-boğazını yuyub, sərinlədib, gəlib öünü yıxasan palazın üstünə, mütəkkəyə dirsəklənib, kəllə qəndi batırasan çaya, dişləyib "xoruzquyruğu"dan bir-iki qurtum alasan, nənə deyə "o çayı qoy qırağa, yemək ye, nənən gözlətinə qurban". Gözünü yumub düşünəsən ki, nənə sağ, ev-eşik, həyət-baca yerindədirsə, demək sonradan ölənlər də hələ ölməyiblər. Özün də nənəyin sağlığındakı qədər uşaq olmayasan. Yəni oxumayasan ikinci sinifdə, oxuyasan səkkizinci sinifdə. Yəni bir az yekə olasan ki, hər şeyin qədir-qiymətini daha yaxşı anlayasan. Və hasarın başından dostların oynamağa şağırsalar getməyəsən. Qorxasan ki, oynamaqdan qayıdanda gəlib yenə hər yeri yanmış, hamını ölmüş görərsən...

Lap elə 1993-cü ldəki oyunlardan sonra olduğu kimi...




İmza:

YAZARIN ARXİVİ

SON XƏBƏRLƏR
2020-07-11
2020-07-10


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.89%)
Pullsuz (11.11%)

ÇOX OXUNAN
GÜNÜN LƏTİFƏSİ

Siyasətçi ilə dolu bir avtobus seçki kampaniyası üçün kənd-kənd gəzirlərmiş. Avtobus böyük bir fermanın yanından keçərkən avtobus sürücünün diqqətsizliyindən dərəyə aşır.

Fermer qaçaraq gəlir və gecə qurda-quşa yem olmasın deyə cəsədləri basdırmağa başlayır.

Ertəsi gün polis sorğu üçün fermaya gəlir.

Fermerdən soruşur:

- Deməli, avtobusdakı bütün siyasətçiləri basdırdın. Hamısının ölü olduğundan əminsən?

Fermer cavab verir:

- Bəziləri yaşadıqlarını iddia elədilər, amma siyasətçiləri bilirsiniz də, necə yalan danışırlar. Amma məni aldada bilmədilər.




digər lətifələr
ARXİV
FACEBOOK