ANA SƏHİFƏ / GÜNDƏM

Aqil Abbas “Fəzail Ağamalı-Vüqar Səfərli davası”ndan DANIŞDI

6786    |   2019-11-01 11:23
Şriftin ölçüsü:
A+ Böyütmək
A+ Balacalaşdır

Son günlər deputat Fəzail Ağamalı ilə Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli arasında söz savaşı gedir. Medianın diqqətdə saxladığı bu məsələdə tərəflər bir-birini qarşılıqlı ittiham edirlər. F.Ağamalı KİVDF sədrini Prezidentin xidmətlərini öz adına çıxmaqda günahlandırarkən, Vüqar Səfərli deputatın dediklərini "Fonda qarşı qərəzli yanaşma”, o cümlədən "dövlətin media siyasətinin mahiyyətini gözdən salmağa xidmət edən məkrli kampaniya” adlandırıb.

Milli Məclisin deputatı, Mətbuat Şurasının İdarə Heyətinin üzvü, əməkdar jurnalist Aqil Abbashəmkarlarının söz savaşı ilə bağlıModern.az-a danışıb.

O bildirib ki, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu mətbuata dəstək məqsədilə yaradılıb:


"Fond yaradıldı ki, mətbuatın geriləməsinin qarşısını alsın və buna da xidmət edir. Doğrudur, müəyyən məsələlərdə mənim də KİVDF-dən narazılıqlarım var. Məsələn, qəzetləri kateqoriyaya bölmək ən ayıb bir şeydir. 30 ildir gündəlik çıxan "Ədalət” qəzetini 3-cü kateqoriyaya aid etmək gülüncdür. Daha belə qərar verilib, nə etmək olar?... KİVDF gərək bəzi məsələlərdə möhkəm dayana ki, "525-ci qəzet”, "Ədalət” qəzeti, "Şərq” qəzeti 1-ci kateqoriya olsun. Çünki bu qəzetlər yarananda indi 1-ci kateqoriyada olan qəzetlərin bir yazısı da yox idi. Bu qəzetlər oxucular tərəfindən sevilir, ictimaiyyət tərəfindən qəbul olunur.

Xalqın inandığı qəzetlər var. Mən hamısının adını çəkmirəm. 7 qəzet 1-ci kateqoriya, digərləri də 2-ci və 3-cü kateqoriyaya aid edilib. 1-ci kateqoriyada olan 7 qəzetin içində "Ədalət” qəzetindən yuxarı olan bir dənə olsun qəzet qəbul etmirəm və etməyəcəyəm də”.

Aqil Abbas həmçinin KİVDF-nin ləğv olunması ilə bağlı tələblərə də münasibət bildirib:

"KİVDF-nin ləğvini tələb etmək doğru deyil. KİVDF ləğv olunsa, Azərbaycanda qəzetlər ölər. Amma bir həqiqət də var ki, mən bunu Mətbuat Şurasının üzvü, KİVDF-nin içində olan bir adam kimi tam məsuliyyətimlə deyirəm. İddia edirlər ki, guya KİVDF kimlərdənsə nəsə umur. Bu, qətiyyən mümkün deyil. Ola bilər ki, elə məslələr var ki, KİVDF-lik deyil”.

KİVDF daha səmərəli hala gətirilə bilər

A.Abbas bildirib ki, proseslərin içərisində olmayan adam söz deyəndə diqqətli olmalıdır:

"Bəzi yoldaşlar işin içində olmadığından Mətbuat Şurası, KİVDF ilə bağlı fikir söyləyəndə düzgün mövqe tutmurlar. Ümumilikdə KİVDF-də, Prezident Administrasiyasında bu məsələ ilə bağlı işlərə yenidən baxıla bilər. KİVDF-nin işinin təşkili daha səmərəli hala gətirilə bilər”.

Bu qəzetlərə niyə vəsait ayrılır?

Deputat bəzi qəzetlərə maliyyə vəsaiti ayrılmasına qarşı çıxıb:

""Səs”, "Yeni Azərbaycan” qəzetlərinə maliyyə ayrılmalı deyil. Çünki bunlar Yeni Azərbaycan Partiyasının mətbuat orqanlarıdır. Deyirlər, partiyanın 800 min üzvü var. Əgər 800 minin 1500-ü qəzetə abunə yazılmırsa, deməli bu qəzet ölkəyə lazım deyil. Belə anlaşılır ki, Yeni Azərbaycan Partiyasının üzvləri bu qəzetləri oxumurlar. "Yeni Müsavat”ı oxuyurlar, amma öz qəzetlərini oxumurlar. Necə ki, "Azərbaycan”, "Xalq qəzeti”nə pul ayrılmır, bunlara da ayrılmamalıdır. Yox əgər ayırlırsa, onda Azərbaycandakı bütün partiyaların qəzetlərinə pul ayrılsın. Mən bunu əvvəllər də dəfələrlə demişəm, bir daha deyirəm, əgər bir partiyanın 700-800 min üzvü olduğu halda, qəzetinin 1500-2000 abunəçisi yoxdursa, deməli o qəzeti oxuyan yoxdur”.




İmza:

Prezident “Ağcabədi-2” elektrik yarımstansiyasının istifadəyə verilməsi mərasimində iştirak edib

İbrahim Məmmədov: Karantin qaydalarının yenidən sərtləşdirilməsi məsələsi müzakirə edilir

Azərbaycanda daha 325 nəfər koronavirusa yoluxdu, 101 nəfər sağaldı, 5 nəfər öldü

İlham Əliyevdən xəritəyə görə icra başçısına irad

Vergi ödəyicilərinə hansı güzəştlər ediləcək? - RƏSMİ AÇIQLAMA

Müharibə veteranları ilə bağlı qanunvericiliyə yeni TƏKLİF

Prezident Ağdamda “N” saylı hərbi hissədə olub

Tərtərin Xoruzlu kəndində yeni ümumtəhsil məktəbi tikiləcək

Bakıda pandemiya dövründə əhali ərzağa daha çox pul xərcləyib

İbuprofenin koronavirusa qarşı sınaqları başlayıb

Maskadan istifadə etməyən bəzi vətəndaşlar cərimələndi

ÜST: Koronavirusun ikinci dalğası qaçılmaz deyil

SON XƏBƏRLƏR
2020-06-03


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.39%)
Pullsuz (10.61%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK