hacklink satın al hacklink al warez forum warez script hacklink Adalet.az | Sənədsiz evlərə görə kompensasiya verilsin, “kupça” üçün cüzi pul alınsın - TƏKLİFLƏR Adalet.az | Sənədsiz evlərə görə kompensasiya verilsin, “kupça” üçün cüzi pul alınsın - TƏKLİFLƏR Adalet.az | Ədalət -
ANA SƏHİFƏ / MƏMLƏKƏT

Sənədsiz evlərə görə kompensasiya verilsin, “kupça” üçün cüzi pul alınsın - TƏKLİFLƏR

4214    |   2019-08-05 13:00
Şriftin ölçüsü:
A+ Böyütmək
A+ Balacalaşdır

Son günlər ən çox müzakirə edilən məsələlərdən biri də "riskli ərazi” hesab edilən torpaqlarda inşa olunan qeydiyyatsız evlərin sahiblərinə kompensasiyanın verilib-verilməməsidir. İqtisadi və Sosial İnkişaf Mərkəzinin (CESD) hazırladığı təkliflər paketindəbelə evlərə kompensasiya ödənilməsi təklif olunur.

Bunu iqtisadi ekspert Vüqar Bayramov bildirib.

"Aydındır ki, Bakı və ətraf ərazilərdə yerli icra hakimiyyəti orqanlarının,eləcə də bələdiyyənin xəbəri olmadan nəinki ev tikmək, hətta evin bünövrəsini tökmək mümkün deyildi. Bu "xəbərdarlıq” üçün ev sahibləri əlavə ödəniş etmək məcburiyyətində qalırdılar. Buna görə də əgər belə ərazilərdə evlərin inşasına yerli icra hakimiyyəti orqanları və bələdiyyələr əksər hallarda müəyyən ödəniş müqabilində "göz yumublarsa”, niyə həmin ev sahiblərinə kompensasiya ödənilməməlidir?

Bu baxımdan, beyin mərkəzi olaraq, belə evlərin köçürülməsi baş verərsə, kompensasiya ödənilməsinivacib hesab edirik və bu köçürmələr də həmin evlərin inşasına imkan yaradan yerli icra hakimiyyəti orqanlarının daxili mənbələri hesabına həyata keçirilə bilər. Bununla da dövlət büdcəsinə ağırlıq yaratmadan qeydiyyatsız ev sahiblərinə kompensasiyanın ödənilməsi təmin oluna bilər”, - ekspert əlavə edib.

O qeyd edib ki, CESD-in təklifləri əmlak amnistiyasını nəzərdə tutur:

"Bu mənada yaxın zamanda sənədsiz əmlaka aministiya verilməsi məqsədəuyğun olardı. İlkin monitorinqlər göstərir ki, Bakı və ətrafdakı ərazilərdə sənədsiz həyət evlərinin sayı 450 mindir. Onların 70 minə yaxını inşaata icazə verilməyən və ya nisbətən riskli hesab edilən ərazilərdədir. Bunlar yüksək gərginlikli elektrik, mavi qaz, yaxud su xətlərinin, eləcə də nəqliyyat qovşaqlarının yaxınlığında yerləşən evlərdir. Təklif edirik ki, əgər elektrik, ya da su xəttinin istiqamətini dəyişmək mümkünsə, o zaman evə toxunulmasın. Bununla da həmin ərazi təhlükəli zona anlayışından çıxarılsın. Amma su, qaz xəttinin üstündə tikilən evlərə real təhlükə varsa, ev sahiblərinə kompensasiya ödənilməklə evlərin köçürülməsi təmin edilsin.

Əlavə edək ki, bizim konsepsiyada inkişaf etməkdə olan ölkələrdə, o cümlədən qonşu Türkiyə və Rusiyada tətbiq edilən praktikadan istifadə olunub. Burada söhbət dövlət tərəfindən müəyyənləşdirilmiş kiçik tariflərə uyğun olaraq məsələnin həllindən gedir. Çünki həmin evlərin böyük bir qisminin icra hakimiyyətlərindən, yaxud bələdiyyələrdən sənədləri var”.

V.Bayramovun fikrincə, mənzil sahiblərinin günahı deyil ki, bələdiyyə onlara sənəd verib, onlar da həmin sənədlə evlərini özəlləşdirə bilmirlər:

"Əgər bu cür sənədlərlə evi özəlləşdirmək mümkün deyilsə, həmin sənədlər verilməməli idi. Xüsusən də ev sahiblərinin həmin sənədləri müəyyən xərc bahasına aldıqları da nəzərə alınmalıdır. Bizim mexanizm ondan ibarətdir ki, evlərin rəsmiləşdirilməsi üçün çox simvolik məbləğ müəyyənləşdirilməli və məbləğ ev sahibi üçün hər hansı bir ağırlıq yaratmamalıdır. Məbləğ ödənildikdən sonra evlərin qeydə alınması və "kupça” ilə təmin olunması prosesi başlanmalıdır”.(oxu.az)




İmza:
SON XƏBƏRLƏR
2020-01-21


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (90%)
Pullsuz (10%)

ÇOX OXUNAN
GÜNÜN LƏTİFƏSİ

Sovet dönəmi. Vəli Xramçaylı universitetin jurnalistika fakültəsində oxuyur. Ateizm müəllimi Qədim Mustafayev Allahın yoxluğu ilə bağlı mühazirə oxuyur və sonda bir-bir tələbələri durğuzub deyir:

- Denən Allah yoxdur.

Hamı bir-bir deyir ki, Allah yoxdur. Axırda sıra Vəli Xramçaylıya çatır, o dillənmir. Qədim müəllim soruşur:

- Sən niyə demirsən?

Vəli Xramçaylı:

- Məllim, yoxdusa yoxdu, varsa niyə yoxdu deyib Allahla aramı vurum?!





digər lətifələr
ARXİV
FACEBOOK