hacklink Adalet.az | ÖLÜMÜ GÖZLƏYƏNLƏR Adalet.az | ÖLÜMÜ GÖZLƏYƏNLƏR Adalet.az | Ədalət -
ANA SƏHİFƏ / YAZARLAR

ÖLÜMÜ GÖZLƏYƏNLƏR

Fəridə RƏHİMLİ

6439    |   2019-02-01 14:14
Şriftin ölçüsü:
A+ Böyütmək
A+ Balacalaşdır

Başlığı oxuyanda bəlkə də ölüm hökmü verilmiş məhbusu, yaxud güllə qarşısında saralaraq əsənləri, təqib, təhdid olunanları göz önünə gətirdiniz, amma bu yazıda tamam başqa bir mövzuya toxunacam.

Uzun illərdən bəri valideynlərini "Qocalar evi”nə yerləşdirən övladlar qınanıb, bəzən lənətlənib də. Bu, təkcə mentalitetlə bağlı deyil, həm də insanlıq baxımından yanaşdıqda, qəbulolunmazdı. İmkanı, şəraiti olub, anasına evində bir küncü, süfrəsində bir loxma çörəyi çox görən "oğullar” nə çoxdu. Və çox olub belə övladları tənqid etdiyim, qınadığım. Düşünə bilməmişəm ki, insan onu dünyaya gətirən, əziyyətini çəkən, böyüdən, tərbiyə verən, oxudan, evləndirən... bircə yuxusuz gecəsini əvəz edə bilmədiyimiz ana zəhmətini, haqqını necə laqeydcəsinə unuda bilər?!.

Tanıdığım çox insanlar var, eyni gileyləri edirlər yaşlılar haqqında. Daim narazıdılar - niyə gec gəldin, yenəmi gedirsən, barı istirahət günləri evdə otur, məni evdə qoruqçumu saxlayırsınız, ölsəm canım qurtarardı bu həyatdan, xəstəyəm, canım ağrıyır, mənlə maraqlanmırsınız və s. kimi suallar, şikayətlər. O doğrudur ki, insan yaşlandıqca həm də uşaqlaşır. Sağlığında problemlər yaşanır, əmək qabiliyyəti azalır, məşğuliyyəti tükənir, hərəkəti zəifləyir və ona görə də kaprizləri başlayır, deyingənlik adət halını alır. Buna dözməyən övladlar onun etdiklərini gözə almadan başlarından eləmək üçün evdən uzaqlaşdırırlar.

Bir də var anasını gözündən uzağa buraxmayıb özü baxan övladlar. Onlar da ailənin ehtiyacını təmin etmək üçün işləməyə məcburdular. Aydın məsələdir ki, sabah evdən çıxıb, axşam qayıdırlar. Əgər evdə oğul da, gəlin də işləyirsə, valideynin də biri dünyasını dəyişibsə, o biri tək qalmaq məcburiyyətindədir. Bu işləyən övlad anasını "Qocalar evi”nə qoymaq haqda düşünmür, onu özünə sığışdırmır, əksiklik sayır, vicdanı qəbul etmir və sair. Yəni, onu yaxşı övlad hesab edə bilərik. Amma bir düşünsək, bu onlar üçün "ölümü gözləmə” sürəsi deyilmi? Bu duruma bir də o yaşlı insan tərəfdən də baxmağı bacarsaq...

Gün ərzində sabahdan axaşama qədər bir insan üzü görmək ehtiyacını yaşayan analar, atalar var, evdə tək qalırlar. Sabahdan axşama qədər gözü saatda, qapıda qalan, "Xoşqədəmə, Elgizə baxmaqdan” gözləri olan nurunu da itirən, ən çox sevindiyi gün şənbə-bazar olan, bəzən o günlərdə də övladları harasa gedən bu insanların darıxmaması üçün nə edə bilirik? Yaxud dövlətin bu barədə, yəni yaşlıların həyatına, yaşamına əyləncə qatmaq, vaxtını səmərəli, maraqlı keçirmək üçün bir tədbiri, planı varmı?..

Oturub ölümünü gözləyən bu insanların maraq dairəsi, istəyi, arzusu nədir sizcə? Bir qulaq yoldaşına ehtiyacları var, sadəcə bir qulaq yoldaşına. O yaxını da ola bilər, qonşu da ola bilər, yoldan keçən də, təki "dağı arana, aranı dağa” yalnız daşımasınlar!

Belə insanların ömürlərinin son illərini rahat keçirmələri üçün bir tədbir planı hazırlamaq olmazmı? Məsələn, məhəllələrdə, yaxud rayonun müəyyən bir ərazisində (söhbət Bakı rayonlarından gedir, çünki kəndlərdə belə problemlər olmur- F.R) dövlətin dəstəyiylə (ictimai təşkilat da ola bilər!) pansionat yaradıb o ərazidəki yaşlıları oraya cəlb etmək. Axşamlar işdən sonra, necə ki, onlar zamanında bizləri uşaq bağçalarına aparıb, axşam evə dönəndə götürərdilər, eləcə götürmək olar. Onları ünvanına aparıb-gətirmək üçün avtobuslar da ayırmaq da

mümkündü. Qalmaq istəyən qalsın, istəməyən axşam övladları ilə evinə dönsün. Belə olarsa, onlar həyatdan küsmüş olmazlar, hamısının problemi, sağlıq durumları bənzər olduğu üçün məsələni çox da böyütməzlər, evdəki onların gileylərindən yaranan əsəbilik sona yetər, yorğun övladlar da valideynlərini halından məmnun görüncə rahat olarlar. Ölkədə mövcud olan "Qocalar evi”ndə hər bir şərait yaradılsa da, oradakı insanların gözlərindən həsrət, nisgil, dərd tökülür. Düşünün ki, illərlə min bir zəhmətlə ev qur, övlad böyüt, dincəlmək vaxtında səni lazımsız əşya kimi evdən atsınlar. Bundan ağırı varmı valideyn üçün?!. Ən çox nəvələri üçün darıxırlar. Bəzən ora atılandan sonra nəvə üzünə ömürlük həsrət qalırlar. Biri onları ziyarətə gedəndə bəzisi övladlarının nankorluğundan yana-yana danışır, bəziləri o vəziyyətdə də övladını qorumağa, haqlı çıxarmağa çalışır. Hamısının oxşar dərdləri – atılmaq qırqınlığı rahat yaşamağa imkan vermir. Amma mənim təsəvvürümdə yaratdığım pansianatdakı qocaların şad-xürrəm, rahat, məmnun olacaqlarına əminəm, çünki axşam övladlarının yanına dönəcəklər...

Bunun üçün dövlətin çox vəsaiti xərclənməz, çünki o yaşlılar əyləncə üçün gənclər qədər məsrəf etməyəcəklər. Yemək-içməkləri də çox olmaz. Hətta pensiyalarını da oraya yatıra bilərlər. Bu yolla oturub ölümü gözləməkdənsə, orada qulaq yoldaşı tapar, ömürlərinin son günlərini mənalı keçirmiş olarlar, hətta məncə ömürləri uzanar, həyatsevərlikləri də artar.

Güman etmirəm ki, bunu məndən əvvəl düşünən olmayıb, amma birinci addım atmaq lazımdı. Mütləq lazımdı! Ölümü gözləmək dəhşətli bir şeydi...




İmza:

YAZARIN ARXİVİ

2019-04-05 : YALTAQ
2019-03-20 : YENİ GÜN OVQATI
2019-03-07 : QADIN
2019-02-22 : QAR QAN AĞLAR...
2019-02-08 : YEYİM,YEMƏYİM?
2018-12-22 : GƏL...
2018-12-08 : ZƏRURƏT
2018-11-24 : ALO...
2018-11-08 : PALÇIQ VANNASI
2018-09-14 : ŞİLLƏTERAPİYA
2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2019-11-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (93.33%)
Pullsuz (6.67%)

ÇOX OXUNAN
GÜNÜN LƏTİFƏSİ
"- Orda danışdığın anektodu mənə də danışa bilərsən?"

"Lavrov: 

- Hansını? Mollanın Teymurla olan fil anektodunu?"



digər lətifələr
ARXİV
FACEBOOK