Film izle hacklink kiralık bahis sitesi satılık bahis sitesi Adalet.az | Səni kim zəhərlədi, Messi? Adalet.az | Səni kim zəhərlədi, Messi? Adalet.az | Ədalət -
ANA SƏHİFƏ / YAZARLAR

Səni kim zəhərlədi, Messi?

17444    |   2018-06-23 00:25
Şriftin ölçüsü:
A+ Böyütmək
A+ Balacalaşdır


Ölmədik, bu günü də gördük. Futbol üzrə Dünya Çempionatı düz qapımızın ağzınacan gəldi. Çempionatın canlı yayımlanan oyunlarına baxdıqca bəzən mənə elə gəlir ki, Qusar tərəfdən sərhəd məntəqəsini adlayan kimi dünya futbol ulduzları ilə rastlaşa biləcəyəm. Messi, Ronaldo, Modriç, Qrizman, Marselo, İnyesta, Ramos, Məsut Özil, Məhəmməd Salah, Koutinyo, Qomes... kimi nəhənglərlə görüşüb selfi çəkdirmək, kolbasa çörək yemək, qara tum çırtlamaq, lətifə danışmaq olacaq.
Ömründə bircə dəfə futbola düz-əməlli baxmayıb şərh verən, palaz-palaz yazılar uyduran bəzi həmkarlarımın məqalələrindən öyrənmişəm ki, Messi maraqlı həmsöhbətdir. Dünyanı heyran qoyan bu argentinalı balası ilə problemsiz ünsiyyət qurmaq olur, ulduz futbolçu özünü çox sadə aparır. Öz aramızdı, sadə aparmayıb nə edəcək ki? Minnəti olsun Messinin, görüşəndə döyməyəcəkdim-söyməyəcəkdim... Keyfini-əhvalını soruşacaqdım, Elza Seyidcahanın poetik düşüncələri barədə danışacaqdım, Əli Mirəliyevin, Zay Zaurun aparıcılıq qabiliyyətindən bir-iki kəlmə deyəcəkdim, ürəyimi boşaldacaqdım.
Amma və lakin alınmadı. Nə sərhədi o yana addayıb qonşu Rusiyada keçirilən futbol üzrə Dünya Çempionatına gedəsi oldum, nə də Messi, Ronaldo, Qrizman, Salah kimi ulduz oyunçularla tum çırtlaya bildim. Ustad jurnalist Azər Həsrətin "Hakimiyyəti dəyişə bilmirsənsə özünü dəyiş" dördcildliyinin ikinci cildinin 765-ci səhifəsində necə yazılmışdı-Sən saydığını say, gör FİFA nə sayır...
Çoxlarının çempion kimi görmək istədiyi Argentina çəpərimizin o tərəfində keçirilən Dünya Çempionatında biabır oldu. Əri döyən arvadı it də qapdı bir yandan. Əfsanəvi Maradonanın həmyerliləri İslandiya millisi ilə oyunda xal itirdi, sonra da Xorvatiya Argentinanın daşını daş üstə qoymadı. Müğənni olduğu deyilən Afaq Aslanın soyunmağı heç belə müsibət olmamışdı...
Messinin Rusiyada içdiyi "Yesentuki" suyu futbol akademiki üçün zəhərə döndü. Zəhər demişkən, argentinalı ulduz barədə yeni iddia ortaya atılıb. Adının çəkilməsini istəməyən şərurlu Cəfərin yaydığı xəbərə görə, Messi zəhərlənib. Daha doğrusu, Rusiyaya gələnə qədər meydançalarda sözün əsl mənasında möcüzələr yaradan futbolçunu zəhərləyiblər.
Bilirəm, çoxları yayılan bu söz-söhbətə inanmayacaq, deyəcək ki, Messi Yevlaxda, İmişlidə, Tərtərdə pambıq yığır ki, zəhərlənsin? Ona qalsa, elə mən də bilirəm ki, Messi ömründə bircə saat Yevlaxda pambıq yığmayıb, yuxusunda belə İmişlidəki pambıq sahəsinin yanından ötməyib. Amma və lakin adının çəkilməsini istəməyən şərurlu Cəfər and-aman edir ki, Messini zəhərləyiblər. Özü də bizim pambıqçıların yolunu xəstəxanalıq edən dərmanla. Deyir, Messi ola, rəqib qapılarına tərəf düz-əməlli zərbə də vura bilməyə? Deməli, argentinalı ulduz futbolçunu yevlaxlı pambıqçı kimi kimlərsə zəhərləyiblər. Bu iddianı araşdırmaq mənim işim deyil. Rusiyada bu işə görə kim maaş alırsa, gecəsini gündüzünə qatıb araşdırsın. İndi qarışıq zəmanədir. Heç kim pulsuz-parasız çalışmaq istəmir.
Ustad jurnalist Azər Həsrət "Qıratım altımda, qrantım cibimdə" beşcildliyinin üçüncü cildinin 876-cı səhfəsində yazır-Dünyada təsadüfi heç nə olmur! Mən Əməkdarın bu fikri ilə tam razıyam. Bütün planetin başını qatan Rusiyadakı Dünya Çempionatı ilə bizim bəzi rayonlarda pambıqçıların kütləvi zəhərlənməsinin bir bağlılığı var yəqin. Bizdə bir çox klubların başını pambıqla kəsməyiblər? İndi bəzi həmkarlarım AFFA-nı, PFL-i yeri gəldi-gəlmədi tənqid etməyi özünə həyat tərzi seçib.
Guya AFFA regionlarda futbolu qəsdən məhv edir, guya PFL rayon klublarına mane olur, daha nə bilim nə... AFFA lap düz edir, PFL-in əlinin içindən gəlir. Futbolumuzun cavabdeh şəxsləri Yevlaxda, İmişlidə, Tərtərdə dünən bu işə şərait yaratsaydılar bu gün həmin rayonlarda stadionlara çıxan hər bir gənc futbolçu zəhərlənəcəkdi, lap Messiyə oxşayacaqdı.
Futbolçularımızın Messiyə oxşamasını kim istəyir?



YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK