ANA SƏHİFƏ / YAZARLAR

TURİST GƏLİR!!!

8691    |   2017-07-29 00:13
Şriftin ölçüsü:
A+ Böyütmək
A+ Balacalaşdır

(İkinci yazı)

Ölkəmizin inkişaf etmiş ölkələr siyahısında yer tutması, "varlı diyar" kimi tanınması milli qürurumuzu oxşasa da, bu inkişafdan, var-dövlətdən hər kəsin öz payını, halal haqqını ala bilməsi mütləqdir, gərəkdir. Dövlətimiz sosial rifahın yaxşılaşdırılması üçün hər bir zəruri tələbata malikdir, amma... Ammaya qədər yazılanlar giriş xarakteri daşıyır həmişə. Əsas çatdırılası fikir "amma"lardan sonra gəlir.
Müasir dünyamızda turizm istənilən ölkənin milli dəyərlərindən birinə çevrilib. Ölkə iqtisadiyyatına çox böyük həcmdə gəlir gətirən turizm sektoru istər milli mənfəətə, istərsə də ölkənin dünyada tanınmasına ciddi təsir göstərməkdədir. Bu sahənin inkişaf etdirilməsinin ölkə büdcəsinə nə qədər xeyir gətirəcəyi haqda dəfələrlə fikir bildirmişəm və həqiqətən də gözəl diyarımızda turistik guşələrin çoxluğu bu imkanı bizə verir.
Gələn turistləri yalnız əylənməyə deyil, eyni zamanda bu əyləncənin içində milli mənafeyi, dövlətçiliyi əks etdirən sahələrlə tanışlığa da dəvət etmək olar. Təbii ki, bu zorla deyil, təbliğat nəticəsində onların istəklərinə uyğun aparılmalıdır. Məndə bu fikir 1241-ci ildən fəaliyyət göstərən, indi isə tarixi abidə kimi qorunan Sinop Cəza Evinə axışan turistləri görərkən yarandı. İçəridəki abu-havadan az qala özünü cəza evində dustaq kimi hiss edirsən. Kameralar, yoğun zəncirlər bərkidilmiş zindan, görüş pəncərələri, dustaqların gəzinti yerləri, dustaqların daşındığı maşın... və dustaqların əl işləri. Bütün görüntü bunlardan ibarətdir. Ancaq gün ərzində gələn ziyarətçiləri nəzərə alsaq, 5 liradan bu külli miqdarda vəsaitdi. Bizim cənnət guşələrimizdən biri də Qubadır. Amma bu cənnətin içərisində bir əsl "Cəhənnəm" də yerləşir - erməni vandalizminin, vəhşiliyinin ən bariz nümunəsi - kütləvi şəkildə qətlə yetirilmiş insanların sümüklərinin qalıqları olan sahə. Bu sahəyə ayrılası diqqət, xarici qonaqlar arasında aparılası təbliğat yüz dəfə yürüşdən, erməni səfirliyi qarşısında nümayişlərdən qat-qat artıq effektli olar. O boş cəza evinə insanlar maraqla gedirlər, amma qoca, uşaq, qadın demədən qətlə yetirilmiş insanların qalıqlarını - dünyada bu dəhşəti görmək istəyən (həm də pullu girişlə!!!) çox insan olar, amma təbliğatımızın zəifliyindən biz qonaqları yalvararaq oraya götürürük. Nəysə, bunu sözgəlişi yazdım...
Bu günlər ölkəmizə turist gəlişi bir çox xeyri ilə birlikdə problemləri ilə də gündəmdədir. Xüsusilə, ərəb ölkələrindən gələn insanlar natəmizlikləri, antisanitariya qaydalarına əməl etməmələri ilə fərqlənirlər. Maddi durumlarının verdiyi sonsuz imkanla bütün dünyanı gəzən ərəblər turistik zonalarımıza axışmağa başlayandan Avropa ölkələri insanlarından davranışları, etik, estetik qaydaları saya salmamaları, getdikləri ölkənin mentalitetinə, milli adət-ənənələrinə hörmət etməmələri ilə kəskin fərqləndikləri açıq şəkildə ortadadır. Sanki onlar düşünürlər ki, pul varsa, hər şey edə bilərlər. Buna bəzən şərait yaradan da özümüz oluruq. Piknikdən sonra onların oturduqları yer zibilxananı xatırladır. Bunu onlara göstərmək, təmizliyə riayət etmələrini tələb etmək lazım olduğu halda, onların verdiyi bəxşişlərlə susmağa məcbur olan işçilərə bu natəmizlik hardasa sərf edir. Taksiçilər mənzil başına iki-üç qat artıq qiymətə apararaq (bu yaxınlarda bir taksiçinin ərəb turistini "Sahil" metrosundan "28 May" stansiyasına 300 dollara apardığını oxudum - F.R.), otel, restoran, kafe sahibləri onların hesabına varlanmaqla hər çatışmazlıqlarına göz yummağa məcbur olurlar. Maddi asılılıq qüruru da, milliliyi də, təəssübkeşliyi də üstələyir.
Əgər əvvəllər ərəb turistlərinin yalnız Azərbaycanda ov etmə maraqlarından bəhs edilir, narazılıq ifadə olunurdusa, indi başqa "ovçuluq" şakərləri gündəmdədir. Əslinə qalsa, indiki ov üçün o quşları ovladıqları qədər əziyyət də çəkmirlər. Çünki "quşlar" özləri ovlanmaq istəyirlər.
Ötən ildən başlanan ərəblərin Azərbaycana axını bu il daha kütləvi hal alıb. Ölkəmizə gələn ərəblər ən bahalı otellərdə qalırlar ki, bu da turizmin inkişafı və gəlirlərin artması deməkdir. Ancaq ərəb vətəndaşlarla bağlı son vaxtlar yerli sakinləri narahat edən, hətta hiddətləndirən bəzi məsələlər var. Bu da qızlarımızın ərəb kişilərinə marağının artması, ərəb kişilərinin açıq şəkildə istədiyi xanımı (təbii ki, onları səbirsizliklə gözləyənlərdən söhbət gedir - F.R.) otelinə dəvət etməsidir. Sosial şəbəkələrdə uzun-uzadı müzakirələrə çıxarılan və birmənalı qarşılanmayan bu məsələ gündəmdə qalır və yəqin ki, turistlərin gedişinədək davam edəcək. Sıxıntı, yoxsulluq, sevgisizlik içərisində mentalitet, milli-mənəvi dəyərlər, abır-həya, el qınağı və sair kimi deyimlərdən bezmiş müasir qızlarımız istədikləri kimi həyat yaşamağı, ölkənin az bir hissə vətəndaşının yaşadığı lüks həyatı arzulayırlar. Onlar da gözəl geyinmək, yemək, bahalı restoranlara getmək, gözəl yerlərdə əylənmək istəyirlər. Buna öz maddi durumları ilə yüz ildən sonra da nail olmayacaqlarını anladıqlarından çıxış yolunu pullu ərəb kişilərində axtarırlar. Bu fikrim onlara haqq qazandırmaq deyil, amma onların da, istədikləri qədər olmasa da, rahat yaşamaq haqları var.
İlk baxışdan bu anormal görünsə də, hərəmxana saxlayan "pullu ərəblər" və işsizlikdən, pulsuzluqdan, sevgisizlikdən, cehizsilzikdən (ərsizlikdən) "gözü kənarda qalan" qızlarımız üçün bəlkə də normaldır...



YAZARIN ARXİVİ

2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-01-17
2018-01-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (71.43%)
Yox (28.57%)

ÇOX OXUNAN
GÜNÜN LƏTİFƏSİ
- İki dost işdən evə qayıdır.
Biri:
- Mənim arvadım çox yaxşıdır. Gedən kimi çəkmələrimi qarşımda cütləyir, qəlyanım dolu olur. İndi qəhvəm və mətbəxdə bir vedrə isti suyum hazırdır.
- Hamısı çox gözəldir, ancaq o mətbəxdə bir vedrə isti su nə üçündür?
- Vallah, mən soyuq su ilə bulaşıq qabları yuya bilmirəm.




digər lətifələr
ARXİV
FACEBOOK