hacklink Adalet.az | MÜQƏDDƏS MƏSLƏK Adalet.az | MÜQƏDDƏS MƏSLƏK Adalet.az | Ədalət -
ANA SƏHİFƏ / YAZARLAR

MÜQƏDDƏS MƏSLƏK

39233    |   2015-09-19 01:16
Şriftin ölçüsü:
A+ Böyütmək
A+ Balacalaşdır

"Öyrətmənlər yeni nəsil sizin əsəriniz olacaqdı"

Atatürk

15 sentyabr Anadolu və Azərbaycan Türkləri üçün xüsusi və tarixi məna daşıyır. 1918-ci ilin sentiyabr ayının 15-i günü Nuru Paşa və Mürsəl Bakı komandasındakı, Osmanlı, Azərbaycan və Dağıstan hissələrindən təşkil tapan Qafqaz İslam Ordusu Bakını Rus və erməni daşnaqlarının işğalından xilas edərək onların çəkdiyi bayrağı endirib yerə çaldı. Əzəli və əbədi qardaş olan Azərbaycan və Anadolu Türküyünün Məmmədçikləri çiyin-çiyinə döyüşərək bu gün də ulu tariximizə şanlı bir səhifə hədiyyə etdilər. O gündə şəhid olanların əbədi xatirəsi önündə baş əyir, onlara Ulu Tanrıdan nəhayətsiz rəhmət arzulayıram, məkanları cənnət olsun və bizləri onlara layiqli övladlar cərgəsinə daxil etsin.
Əslində bu günə, mənim fikrimcə Azərbaycan Dövlətçiliyinin möhkəmlənməsinin özülünün qoyulduğu gün deyilsəydi daha düzgün olardı. Əlbəttə hər şəxsin düşüncəsi özü üçün əzizdi və müqəddəsdi, mənim fikrimi bölüşməyənlər də ola bilər, onların tərcihinə hörmətlə yanaşıram.
15 sentyabr günü qapıları bağlı olan məktəblər də öz işinə başladı, gələcəyimizin təminatı olan gəncləri və gül balaları bilik öyrənəcəkləri sıralara səslədilər. İlk zəng xüsusilə məktəbə yenicə qədəm qoyan uşaqlar üçün həmişə qeyri-adi duyğular yaradıb. Məktəbə getdiyim ilk gün yadıma düşəndə ürəyimdə həmin duyğuların qırım-qırtısının tərpəndiyini hiss edirəm. O gün keçirdiyim hissləri bu gün belə istədiyim tərzdə təsvir etməkdən acizəm. O gün qorxunun, həyəcanın, nigarançılığın qatma-qarışıq olduğu bir duyğu kələfinin içinə tullanmışdım, ha əlləşirdim ki, ordan canımı xilas edəm, ancaq nə mümkün...g
Magistr təhsilini, o vaxt Folklor İnstitutunun direktoru olan Hüseyn İsmayılovun da tövsiyəsi ilə Bakı Avrasiya Universitetində almışdım. Universitetin hörmətli rektoru Nazim Hüseynli ilə o vaxtdan aramızda sarsılmaz bir dostluq yaranmışdı. Haçan Bakıya gəlsəm zəng edirdim və görüşüb söhbət edirdik. Nazim Hüseyinli bəy elə ilk görüşümüzdə həddən artıq ayıq, hərtərəfli məlumata sahib görkəmli bir alim, Türk dünyasını bütövlükdə qucaqlayan müqəddəs bir düşüncə anlayışına sahib özəl bir şəxs kimi mənə təsir bağışlamışdı.
Bu il iyulun 23-ündə dostlarım Namiq Hüseynli və Əhməd Oğuzla birlikdə Dağlıq Altaya getdik. Qayıtdıqda dostum Qafar Çaxmaqlı ilə görüşdük. Qafar bəy Kaysəridə yərləşən ərciyəs Universitetində Erməni kafedrasının rəhbəri vəzifəsində işləyir, Türkiyədə də böyük hörmət qazanmış bir eloğlumuzdu. Onunla hər görüşdükdə hey deyirdi ki, "akademik sahəyə yönəl, universitetlərin birində dərs de, bildiklərini özündə saxlama". Mən isə yorulmuşdum, TRT daxilindəki konfliktlər, 2003-cü ildəndir Türkiyədə hakimiyyət cilovunu əlində saxlayan şəxslərin mənim kimi düşünən insanlara qarşı yeritdiyi qərəzli siyasət əsəblərimi kökündən laxlatmışdı, bu səbəblə bir az dincəlmək istəyirdim. Dağlıq Altaydan qayıdanda Nazim bəyə zəng çaldım, "yanıma gəl bir üzünü görək" dedi. Qafar bəylə yanına getdik, bizi hədsiz bir məhəbbətlə qarşıladı, hal-əhval tutandan sonra epey söhbət elədik. "Yenə TRT-desənmi?" dedikdə təqaüdə çıxdığımı bildirdim. "Onda gəlirsən və bizim universitetdə dərs deyirsən, yoldaşına zəng elə vəziyyəti de" dedi. Artıq mənə görə əzizdən də əziz olan belə bir dostun xahişini yerə sala bilməzdim. Zəng edib həyat yoldaşım Fatma xanıma vəziyyəti danışdım. "Sən hardasansa mən də ordayam, dostun sözünü yerə salmaq olmaz" dedi. Bu görüşdən sonra təkrar görüşdük, hətta bir süfrə başında oturub çörək də kəsdik.
Xalqımızın tarix boyu missiyası belə olub, dostuna nəinki süfrəsini, ürəyini açıb. Ona görə Azərbaycan xalqı əvəzsizdi. Ermənilər rusun tələsinə düşüb bu xalqın qiymətini bilmədi, ona görə onlar ömür boyu zillət içində yaşayacaq.
İyul ayının dördündə Ankaradan öz maşınımızla hərəkət elədik və ayın beşində gecə saat ikinin yarısında artıq Bakıdaydıq. Bir haqqı ta təslim etməliyəm. Sarp sərhəd qapısını ötərkən dostum, qardaşım Aqil Abbasa zəng çaldım ki, biz sərhəddi keçdik axşam tərəfi sınıq körpüdə olacayıq. "Narahat olmayın, Azərbaycan xalqının qonaqpərvər olduğunu, bu dövlətin də Qafqazın ən güclü və qüdrətli dövləti olduğunu bilirsən, əmin və arxayın şəkildə sərhəddi keçəcəksiniz, heç nədən nigaran olmayın dedi". Doğrudan da sərhədə çatdıqda həddən artıq hörmət və izzət, nizam-intizam gördük. Gömrük məmurları da, polislər də bizim kimi digər insanlara lazımi köməkliyi göstərirdi. Köksümüz bir daha qürur hissilə doldu. Qardaş dövlətin sərhəddində, qardaş diyara ayaq basarkən əsl qardaş kimi qarşılanmaq insanda ayrı duyğular oyandırır.
Bakıya çatan kimi əziz dostum Rəşid Hüseynovun Sahil metrosuna yaxın evində düşərgə salmalıydıq. Mərhum qardaşı Səyyad Bəyin oğlu Zöhrab bizi o evdə gözləyirdi. Saat hardasa ikiyə çatırdı, gəldiyimizi duyuş dərhal düşüb gəldi və bizə lazımi köməkliyi göstərib evə yerləşdirdikdən sonra öz evinə getdi. Ya Rəbb bunlar unudulası şəylərdi??? Bir neçə gündən sonra artıq yənidən müqəddəs müəllimlik peşəsinə qayıtdım.
15 sentiyabr günü yeni dərs ili qədəm götürdü. Mən də Bakı Avrasiya Universitetində öz ixtisasımla əlaqəli dərsləri götürdüm, tələbələrimə malik olduğum biliyi ən yüksək səviyyədə çatdırmağa, Azərbaycana və bütövlükdə Türk dünyasına layiqli kadrlar yetişdirməyə başladım. Onsuz da missiyam ömrü boyu Türkiyə ilə Azərbaycan arasında körpü rolunu oynamaq olub. Bu rolumu indi Bakı Avrasiya Universiteti vasitəsilə həyata keçirməyə çalışacağam.
Tanrım sən rüsxət ver, məni doğma xalqım, xalqlarım və tarix qarşısında gözü kölgəli etmə, ulu atam Oğuzun qarşısına üzü ağ çıxmaq istəyirəm...



Seyfəddin Altaylı,
Ankara,
altaylı_s@yahoo.com


İmza:

YAZARIN ARXİVİ

2019-02-26 : SALAMLARLA
2018-06-01 : SON ZƏNG
2018-04-28 : YALANÇININ ŞAMI
2018-02-24 : TARİXİ ADDIM
2017-10-21 : NƏ YAZIM?
2017-03-10 : XOCALI-DӘNİZLİ
2017-03-04 : XOCALI-DӘNİZLİ
2016-12-17 : Etimad, kimə???
2016-11-12 : TANRININ DOSTLARI
2016-09-24 : Salam, Dostlar
2016-05-28 : ATA YURDUMUZDA
2016-03-05 : XOCALI HƏFTƏSİ
2015-12-30 : YENİ İL
2015-12-26 : BİZİM DÜNYAMIZ
2015-12-05 : KÜLƏK ƏKƏN...
2015-11-28 : ÜÇ GÖMRÜK
2015-10-31 : SEÇKİLƏRİMİZ
2015-10-17 : KÖÇÜMÜZ
2015-08-29 : ALTAYDAN QAFQAZA
2015-06-20 : KİMDİR QATİL?!
2015-06-06 : LÜKSEMBURQDAN
2015-05-02 : 24 NİSAN
2015-03-14 : 8 MARTIN ARDINDAN
2015-03-07 : XOCALINI ANLAMAQ
2014-12-27 : BODUN
2014-11-29 : XƏZƏRİN MEHİ
2013-10-26 : XƏYALİ
2013-10-05 : ZEHTABİNİ ANDIQ
2013-09-28 : SAĞ OL, BAKI
2013-08-17 : KEÇƏN GÜNLƏR
2013-08-03 : BELƏ DÜNYANIN
2013-03-30 : BAYRAMIN ƏZABI
2013-03-16 : XOCALI HƏFTƏSİ
2013-02-02 : ADIMIZLA BAĞLI
2012-11-21 : VAXT
2012-11-17 : VAXT
2012-09-01 : TİFLİS-BAKI
2012-04-07 : İNGİLİS OYUNU
2012-02-25 : XOCALI DƏRDİ
2011-10-29 : VƏHHABİLİK
2011-10-08 : VƏHHABİLİK
2011-09-17 : ELƏ GÜVƏNMƏK
2011-09-10 : ALTAY BİLİK
2011-08-13 : NƏJDƏT QOÇAQ
2011-06-04 : 28 MAYI ANLAMAQ
2011-05-28 : YALANÇININ ŞAMI
2011-04-16 : SİZ NƏSİNİZ?
2011-04-09 : ANA - OĞUL
2011-03-12 : ONLAR VƏ BİZ
2011-02-26 : XOCALI SOYQIRIMI
2011-02-05 : QURULTAYIMIZ
2011-01-29 : MAŞA SARKİSYAN
2010-10-30 : BAKI QEYDLƏRİ
2010-10-02 : AXTA-MAR
2010-07-10 : 35 QURUŞ
2010-05-15 : ZİDDİYYƏT
2010-04-24 : BAYQUŞLAR
2010-02-27 : TÜRKÜN ANALARI
2010-02-13 : ÇİÇİ
2009-11-27 : TÜRK MİLLƏTİ
2009-10-31 : BAYRAQ
SON XƏBƏRLƏR
2019-11-15
2019-11-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (93.33%)
Pullsuz (6.67%)

ÇOX OXUNAN
GÜNÜN LƏTİFƏSİ
"- Orda danışdığın anektodu mənə də danışa bilərsən?"

"Lavrov: 

- Hansını? Mollanın Teymurla olan fil anektodunu?"



digər lətifələr
ARXİV
FACEBOOK