deneme bonusu viagra sipariş bahis siteleri viagra satış kacak bahis viagra fiyatları viagra fiyatı kaçak bahis mobil ödeme bahis time4bets kaçak bahis canlı bahis güvenilir bahis siteleri deneme bonusu bonusal deneme bonusu hacklink yobit.net Adalet.az | MƏNİM BİLMƏDİYİM ŞEYLƏR... Adalet.az | MƏNİM BİLMƏDİYİM ŞEYLƏR... Adalet.az | Ədalət -
ANA SƏHİFƏ / YAZARLAR

MƏNİM BİLMƏDİYİM ŞEYLƏR...

16564    |   2011-06-18 07:59
Şriftin ölçüsü:
A+ Böyütmək
A+ Balacalaşdır


   
   "Yaşlandım, ancaq müdrik olmadım"
   
   Bir filmdən
   
   
   
   Axır ki, mən də qürrələnməyə bir şey tapdım. Həm də hər kəsdə olmayan bir şey... Mən, bilmədiklərinin hələ bildiklərindən xeyli çox olduğunu boynuna alan tək-tək adamlardanam, desəm, təəccüblənməyin. Dedim axı, öyünməli çox az işlərim var. Bir az irəli getsəm, özümü lap Sokrata da oxşada bilərəm. Ancaq əndazəni aşmaq istəmirəm. Hələ bilmədiyim çox-çox şeylərlə yanaşı təvazökarlığım da var mənim.
   
   Bildiklərimlə bilmədiklərim arasında çox böyük fərqin olduğunu həmişə bilmişəm. Bildikcə də qorxmuşam. Biliksizliyi gücsüzlük sayıb qorxmuşam. Ən zəif yerim bilib bu nöqtədən vuracaqlarından ehtiyat eləmişəm. Eyni dərəcədə də qarşımdakının biliksizliyindən çəkinmişəm. Anam böyük Nizaminin bir sözünü tez-tez təkrar edərdi: "Anlamazla nərd oynamaq çətindi". Nərd oynamağa nə var ki,... İstəməzsən, qapağını örtüb qalxıb gedərsən. Bununla da hər şey bitər. Vay o gündən ki, anlamaz həmişə böyründə ola. Lap elə sənin doğman, əzizin ola. Yadları ömründən qovmaq, çıxarmaq elə də müşkül məsələ deyil. Ən böyük talesizlik odur ki, sənin qismətinə, ömrünə düşənlər səni anlamasın, qanmasın. Bundan ağır faciə təsəvvür eləmirəm...
   
   Amma mən bilmədiyim şeylərdən danışmaq istəyirdim. Söz çox olanda, fikir haçalananda cümlələrin də əlini-ayağını yığmaq olmur. Demək istədiklərinə mətləbə dəxli olmayan sözləri də qatırsan. Bir də görürsən, mövzu harda, sən harda...
   
   Hərdən elə bilirəm bütün bildiklərim mənə ağırlıq edir. Məmnuniyyətlə hər şeyi unutmaq, dincəlmək istəyirəm. Onda da ağlıma qəribə fikirlər gəlir: görəsən, boş kəllə ilə, duyğusuz ürəklə necə yaşamaq olar?! Arada bəsit adamlara həsəd aparıram. Yükləri yüngüldü, deyirəm. Yoxsa, bizim kimi? Hər şeyi bilmək, öyrənmək, başımıza, qəlbimizə yükləmək acgözlüyü nədən yaranıb bəzilərimizdə?! Heç nədən xəbəri olmayanlar elə bilirlər ki, dünya onların ayaqları altındadı. Elə rahat ürəklə, sakit əsəblərlə yaşayırlar ki, adamın qibtə eləməkdən başqa əlacı qalmır. Üstəlik, belələrinin işi daha asan, rəvan gedir, məqsədlərinə daha tez çatırlar. Bəlkə öz həyatlarını mürəkkəbləşdirmirlər, ona görə?! Bəlkə, elə dünyanı necə tutarsan, elə də gedər fikrində danılmaz bir həqiqət var?! Eh, deyəsən, yenə hər şeyi qatıb-qarışdırdım...
   
   Əli qələm tutanlarımız bu milləti həmişə biliyə, savada səsləyiblər. Həm də yana-yana, göynəyə-göynəyə səsləyiblər. Elmdən, təhsildən bəhrələnən millətləri misal çəkiblər, onlardan nümunə götürməyə çağırıblır. Mirzə Cəlilin "Danabaş kəndinin məktəbi" pyesindəki müəllimin dili qabar olmuşdu deməkdən: "Oxumaq işıqdı, oxumamaq zülmət!" Biz də elliklə oxuduq. Diplomlularımızın sayı ilə qürurlandıq. İndi də oxuyuruq, lap iki-üç institut bitirməyi də dəb halına salmışıq. Bəs, bu oxumağın, savadlanmağın işığı hanı?!
   
   Yüz-yüz əlli il əvvəl bu məmləkətdəki savadlıları barmaqla saymaq olardı. Rusiyanın, Avropanın şəhərlərində təhsil alıb vətənə dönənlərimiz millətin ayılması, məlumatlanması, işıqlı günlərə çıxması üçün hər şeyi edirdilər. Ehtiyacdan, təqiblərdən, dəstək almamaqdan qorxmurdular. Ömürləri bahasına da olsa, çox şeylər edə bildilər. Bəs, bugünkü oxuyanlarımız necə, onlar da belə edirlərmi?! Deyəsən, hamı oxuyub təhsilli olandan sonra daha millət, Vətən anlayışı arxa plana keçdi. Hamı özünü və özünküləri düşünməyə başladı. Bir millətin içində hamı bir nəfər kimi elmli, məlumatlı, gözüaçıq ola bilməz. Ən sivil millətlərdə belə yəqin ki, bisavad, öz hüququnu anlamayanlar var. Və hər millətin başbilənləri də öz xalqının nümayəndələrini müdafiə etmək, qorumaq, hüquqlarını anlatmaq vəzifələrini yerinə yetirirlər. Bunu şərəf və vicdan məsələsi bilirlər. Təəssüf ki, bizdə məsələnin məhz bu tərəfi axsayır. Hər kəs qarşısında avam və başıqapazlı vətəndaş görmək istəyir. Təki heç nə anlamasın, mən də istədiyim kimi onun ciblərini soyum. Müəllim gözüaçıq, tələbkar valideyni sevmir. Həkim qəbuluna gələn xəstənin öz sağlamlığı barədə nəsə bilmək hüququnu belə tanımaq istəmir. Suallarına acıqla, hiddətlə cavab verir, ya da heç vermir. Qəssab-qoyun münasibəti...Vətəndaşlarımızın böyük əksəriyyəti öz hüquqlarını anlamır. Lazımi yerlərdə özünü, mülkünü müdafiə edə bilmir. Çünki hüquqi biliklərin təbliği zəifdi, yaxud yox dərəcəsindədi. Hüquqşünaslarımız adamları müdafiə eləməkdən çox, dolaşdırmaq elmini daha yaxşı mənimsəyiblər. Qarşısındakını quş tək dimdiyindən tələyə salmağı vərdişə çeviriblər. Yenə mühafizəkarların mızıltısını eşidirəm. Mızıldanmayın, bərkdən danışın! Kim əlini cibinə salmadan, minnətçi, köməkçi axtarmadan, tapşırılmadan müalicə olunursa, haqqını ala bilirsə, hüquqları qorunursa, bir addım qabağa çıxsın. Mən hər cür mübahisəyə hazıram. Bu dərdlər də, çatışmazlıqlar da, bu Vətən də, onun yaraları da bizimdi. Təriflə yaralar sağalmır. Əgər Vətənimizi, millətimizi seviriksə, onun qüdrətini arzulayırıqsa, bir-birimizə can yandırırıqsa, hər cür təriflərdən, üzgörənliklərdən üz çevirməliyik! İşıq, Düzlük, Təmizlik, Haqq, Ədalət hardadırsa, ora yönəlməliyik! İstəsək də, istəməsək də bu belədir. Zamanın tələbidir!
   
   Mənim bilmədiyim şeylərin arasında elmə, biliyə dəxli olmayanları da çoxdu. Lap elə bayaqdan bəri saydıqlarım, həm də içdən göynəyə-göynəyə saydıqlarım şüurumun dərk edə bilmədikləridi. Axı, pul, vəzifə, maşınlar, villalar nə olan şeydi ki, dünyanın bütün gözəlliklərinə sahib olan insanı öz xislətindən bu qədər uzaqlaşdıra bilir?! Bu qüdrəti cansız kağıza və cansız əşyalara kim verib? Yəqin ki, biz özümüz. İnsan özü öz yaratdıqlarının əsiri olub, əlində oyuncağa çevrilib. Nəticədə tək qalıb, tənhalaşıb, öz içinə sığınıb. Öz içində də tamahdan, nəfsdən başqa bir şey tapmayan adamın aqibəti necə olmalıdı?! Cavabı hamıya aydındı. Sadəcə heç kəs cəsarət edib sürüdən ayrıla bilmir, sadə, halal bir ömür sürməyə özündə güc tapmır. Bəlkə, cəhd edək?! Mən inanıram. İnanıram ki, nəsə alınacaq!
   
   
   
   Əgər alınmasa...
   
   Yenə də günah
   
   özümüzdədi...
   
   Deməli, hər şeyin
   
   düzənini pozmuşuq...
   
   Cəzasını da özümüz
   
   çəkirik...
   
   Hələ bu başlanğıcdı...
   
   Hələ ki, düşünməyə
   
   vaxtımız var...
   
   


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-07-15


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirəcəksiniz?

Evdə (77.57%)
İşdə (22.43%)

ÇOX OXUNAN
GÜNÜN LƏTİFƏSİ

İki kişi restoranda oturublar. Yanlarında ofisiant keçir. Biri ona qışqırır:

- İki pivə xahiş edirəm!

İkincisi əlavə edir:

- Təmiz bakalda olsun xahiş edirəm!

Bir neçə dəqiqədən sonra ofisiant əlində iki bakal pivə gəlir və soruşur:

- Təmiz bakalda kim istəmişdi?





digər lətifələr
ARXİV
FACEBOOK