ANA SƏHİFƏ / YAZARLAR

AYRILIQ BİR DƏNİZMİŞ...

34291    |   2015-01-31 09:39
Şriftin ölçüsü:
A+ Böyütmək
A+ Balacalaşdır

Gənclik illərimizin bir çox ədəbiyyat, mədəniyyət, sənət adamları vardı ki, öz yaradıcılıqları ilə yaşamımıza müsbət aura qataraq gələcək haqda düşüncələrimizə stimul verirdilər. Bu insanlardan biri də həm şeirləri, həm ssenariləri ilə xüsusi seçilən Vaqif Səmədoğlu idi.
İnsanın daxilində kin-küdurət, paxıllıq, naqislik olmayanda daha rahat yaşaya bilir və başqalarına da içindəki işıqdan, nurdan pay düşür. Belə insanlar cismən qocalsalar da, ruhən hey cavan qalırlar və bu gənclik həvəsi, həyatsevərlik onların hərəkətlərində, yaşam tərzində, ətrafdakılara münasibətlərində aydın hiss olunur. Vaqif Səmədoğlu az-az ədəbiyyat adamlarından idi ki, hər iki dövr insanlar tərəfindən sevilirdi. Gənclərin ona xüsusi hörməti, sayqısı hər an duyulurdu. Dəfələrlə "Kulis.az"ın gənc jurnalistlərinin ondan götürdüyü səmimi müsahibələri oxumuşam. Yaşadığı mühitdə bütün nəsil insanlar tərəfindən sevilmək hər kəsə nəsib olmayan bir xoşbəxtlikdir və bu pay onun qismətinə düşmüşdü. Gənclər onu sonuncu mogikan, ədəbiyyat fədaisi adlandırdılar. Bu qədər, həm də yaradıcı insanların sevgisi hər kəsə nəsib olan deyil.Gənc yazar Şəhriyar Del geraninin onun haqqında söylədiklərindən:
Vaqif Səmədoğlu bizim cavan nəslin əksəriyyətindən daha gənc, daha koloritli idi...
Nə bilim, hələ nə ağlaya bilmişəm bu itkiyə, nə də kövrələ. Böyük bir boşluq... Sonuncu xoş görüşümüzü belə xatırlayıram: hərbi xidmətdə olanda yanıma gəlmişdi, xeyli zarafatlaşdıq. Elə bilirəm ən gənc dostlarımdan biri gedib yanımdan. Ruhu şad olsun...
Məşhur Azərbaycan şairi Səməd Vurğunun ailəsində anadan olması, Bülbül adına musiqi məktəbində, Üzeyir Hacıbəyov adına Azərbaycan Dövlət Konservatoriyasında təhsil alması, Azərbaycan Sovet Ensiklopediyası Baş redaksiyasında incəsənət redaksiyasının müdiri, "Oğuz eli" qəzetinin baş redaktoru vəzifələrində çalışması, Çaykovski adına Moskva Konservatoriyasında ixtisas kursu keçib Azərbaycan Dövlət Konservatoriyasında fortepiano üzrə ixtisas müəllimi, C.Cabbarlı adına "Azərbaycanfilm" kinostudiyasında kino-aktyor teatrının ədəbi hissə müdiri, işləməsi, poeziya, teatr və dramaturgiya sahəsində də ciddi fəaliyyəti, Azərbaycanın Milli Məclisinə deputat seçilməsi, Azərbaycan Respublikasının Xalq Şairi, "Əməkdar İncəsənət Xadimi", "İstiqlal" ordeni, "Şərəf" ordeni, "Humay" mükafatı laureatı olması, "Nəsimi" mükafatı...... heç biri bu insanın sadə xarakterində dəyişməyə səbəb olmadı.
Şairi yaşadan ən böyük nemət hər zaman etiraf etdiyi kimi, əzəli-əbədi mövzu olan məhəbbəti: "Gözəl xanım dünya siyasətindən qat-qat maraqlıdır" deyirdi şair və "İnsanda ilk məhəbbət olur, hamımız keçmişik ondan. Bir də son məhəbbət olur. Bax bu son məhəbbətdən qorxuram. Çünki bilirəm ki, ən iztirablı ilk məhəbbət səadətdir, amma ən uğurlu son məhəbbət fəlakətdir. Ona görə də bir rahat ölüm istəyirəm, bir də son məhəbbətin olmamasını. Olsa da, olsun da..." deyirdi.
Ölümcül xəstəliyi də mərdliklə yola verdi, ölümü də zarafatla qarşıladı. Xanımının söylədiklərinə görə, ölümündən bir az əvvəl "Ölürəm" deyib, amma xanımın qoxduğunu görüb göz vurub ki, zarafat edirəm...
Onun bu ağır xəstəliklə yubileyində iştirakını gözləmirdilər. Gəlişi çoxlarına sürpriz oldu. Son dəfə yubileyindəki çıxışında varlığında yoxluğunu hiss etdirdi şair. Hər kəs bu görüşün onunla vida görüşü olduğunu bilirdi...
Vaqif Səmədoğlu yazdı, yaratdı, sevildi. Amma şairin dediyi kimi, "nə qədər yazırsan yaz, nə qədər yaşayırsan yaşa, ömrün də, yaradıcılığın da yarımçıq qalacaq..."
... Halıma yanan gərək, səsin düşəndə yada
Ötən günləri qoru, yaxşı bax, vermə bada.
Ayrılıq bir dənizmiş,
sən uzaq, yaşıl ada...


YAZARIN ARXİVİ

2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-04-21
2018-04-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
“Bavariya”, yoxsa "Real" Madrid?

“Bavariya” (46.15%)
"Real" Madrid (53.85%)

ÇOX OXUNAN
GÜNÜN LƏTİFƏSİ
Qız falçının yanında:
- Məni iki oğlan istəyir, Tofiq və Tağı. Deyiniz görüm bunlardan hansının bəxti gətirəcəkdir?
Falçı kartları yayır:
- Tofiqin bəxtı gətirəcək, sən Tağıya ərə gedəcəksən...




digər lətifələr
ARXİV
FACEBOOK