ANA SƏHİFƏ / YAZARLAR

XƏZİNƏ

14459    |   2014-12-13 01:38
Şriftin ölçüsü:
A+ Böyütmək
A+ Balacalaşdır

Çox insanların xəyalı olub xəzinə tapmaq, birdən-birə varlanmaq, həyatının axarını dəyişmək. Bu xəyal bəzən həyata keçib. Bəzən həyata keçən bu arzu ilkin vəziyyətini dəyişərək ayrı-ayrı yerlərdə maraqlara uyğun şəkildə danışılıb. Azıx mağarasının yaxınlığında tarlada işləyən traktorçunun yeri qazarkən xəzinə dolu küp tapdığı dillərdə dolaşırdı. Amma bilənlər bilir ki, Azıx mağarası özü elə tariximizin ən böyük xəzinəsidir, varlığımızın nə qədər qədim olduğunu sübut etmək üçün və mağaradan çıxan ən qiymətli xəzinə insan sümüyü idi. Oradan tapılan ibtidai insanın alt çənə sümüyünün 350-400 min il əvvələ mənsub olduğu sübut olunub. Oradakı ocaq izləri isə 700 min əvvələ gedib çıxır. Bu xəzinə dünyada dörd ən qədim abidənin biridir.
Bir neçə gün əvvəl cənub bölgə rayonlarımızın bir kəndində külli miqdarda xəzinə tapıldığı elan olundu. Maraqlı və gülməli burasıdı ki, üstünə böyük daş qoyulan bu xəzinəni yüz il əvvəldən başlamış pir, ocaq adıyla həmin yerin camaatı qoruyub, ona sitayiş ediblər. ""Əli ayağı"" adlandırılan bu yerdə guya Əli(ə)-ın gəzdiyi və o daşa ayaq izinin düşdüyü ehtimal olunurdu. Maraq dolu düşüncələr məni o dövrə apardı. Deməli külli miqdarda qızılı olan adam bu var-dövlətini qorumaq üçün xalqın inancından istifadə edərək nə isə bir hiylə düşünüb, onları inandırıb və rahatca yaşamağa başlayıb. Sonra ""xalqın malı""na çevrilmiş o qorunan xəzinədən özünün də istifadə etmə imkanı olmayıb. Yüz il əvvəlin cənub bölgəsindəki vəziyyəti göz önünə gətirsək, ordakı camaatın kasıb durumunu fikirləşsək o xəzinə sahibinin heç də yaxşı biri olmadığını anlamaq elə də çətin olmaz. Nə yolla əldə etməsi də əsasdır. Çünki halal qazancla əldə edilmiş mal gizlədilməz. Hansı yolla qazanmasından asılı olmadan da bunu o dövrün çətin gününü yaşayan insanların yaşayışı üçün sərf etmək olardı. Baxmayaraq ki, bu gün də eyni vəziyyət davam edir. Varlı daha çox varlanmaq istəyir. Azı olan az xərcləyir, çoxu olan çox. Xəzinələrini isə daha torpağa basdırmağa ehtiyac yoxdur - xarici banklar, burda, xaricdə müxtəlif adlarda yatırımlar, villalar, təyyarələr, yaxtalar, maşınlar, fabrik-zavodlar, restoran-barlar şəklində davam edir. Yəni, xeyriyyə işləri olmasa da, heç olmasa iş yerləri kimi bir neçə ailəni dolandırma şansı var.
O, torpağa basdıranınsa nə özünə, nə də öz zamanında ətrafındakılara xeyri olmadı. Xəzinə barədə kitablar, filmlər həmişə diqqətçəkən olub. Ən az mənim üçün belədir. Onu gizlədənin kimliyi, zəmanəsi, dövrünün insanları, o xəzinəni basdırma səbəbi və sair çox maraqlıdır. Bu gün o yoxdur həyatda, varidatı isə nə özünə, nə yaxınlarına, nə o dövrdə başqalarına qismət oldu. Düşündükcə ağrılı bir mənzərədir. Bəlkə də heç övladlarına, xanımına da bildirməyib bu haqda. Gecə-gündüz rahatlığı olmayıb. Bəlkə də bu olayın tarixi Azərbaycanın iki hissəyə ayrıldığı dövrə təsadüf etdiyindən qızılı basdıran adam o tayda qalıb, ölüncə də qızılını düşünərək heyfsilənib. Bəlkə ölüm ayağında yaxınlarına danışıb və bunu, onun ölümqabağı sayıqlaması hesab ediblər. Bəlkə...bəlkələr...
Bu gün xəzinə, yatırım yığanları görür və bu vərdişəmi deyim, xəstəliyəmi anlam verə bilmirəm. İnsan ən çox yaşasa yüz əlli yaş yaşaya bilər. Bu illəri yaşamaq üçün, on nəsil də o tərəfini fikirləşsək, on qat artıq yemək, ev, maşın və sair insana gərəkli olan zəruri şeyləri əldə edənlər nədən yüz qatını, min qatını da yığmaq istəyirlər. Axı, var-dövlətini və il hesabıyla nə qədər yaşama şansının olduğunu hesablaya bilirsə, artıq mala, göz yaşları, itkilər, qarğışlar, ah-nalələr hesabına daha artığını toplamağa ehtiyac olmadığını anlamırmı?
Dövrümüzün imkanlı bir məmurunun həbs edilərkən fantastik var-dövlətini xalqa açıqlayarkən də bu düşüncələr mənə hakim kəsilmişdi. Villasından dəniz sahilindəki bağ evinə qədər yeraltı tuneli (tunel də adi tunel deyildi), hər ölkənin markasında paçka-paçka pullar, qızıl korpuslu brilliyant qaşlı saat kolleksiyası, kilolarla qızıl-ziynət əşyaları, maşınlar, evlər, adına obyektlər...nələr, nələr... var-dövlət şor su kimidir, deyirlər, içdikcə daha çox yanırsan. Görəsən insan niyə bu qədər acgöz yaranıb? Yox, belə yaranmayıb. İnsan təmiz yaranıb. Onu yoldan çıxaran şeytan var və nəfs də şeytanın ən çirkin sifətlərindən biridir.
Şeytandan uzaq olun! Ətrafınıza baxın, ehtiyacı olanları da görün, əl tutun, yardım edin. Əlacsızın bir duası milyonlarınızın öhdəsindən gələ bilmədiyi elə böyük bir müşkülünüzü aradan götürə bilər ki. Həm də o sədəqənin, əl tutmanın elə bir huzuru var ki, insanın içini rahatlayan, vicdanını sığallayan, qəlbinə sevinc dolduran... Bir yoxlayın, mən əminəm, çox gözəl bir hissdir!..




YAZARIN ARXİVİ

2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-04-19
2018-04-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
“Bavariya”, yoxsa "Real" Madrid?

“Bavariya” (41.67%)
"Real" Madrid (58.33%)

ÇOX OXUNAN
GÜNÜN LƏTİFƏSİ

Qarabağın məşhur bəstəkarlarından biri Xosrov Fərəcov Musiqi Texnikumunun direktoru idi. Çox zəhmli adamıydı, hətta Texnikumda az qala hərbi nizam-intizam yaratmışdı. Bir məsələ də vardı ki, Ağdamın bütün ünlü xanəndələri və ifaçıları bu Texnikumda müəllim işləyirdilər. Və təbii ki, tez-tez də toylara çağırılırdılar, nəticədə dərsi buraxmalı olurdular. Ona görə də Xosrov müəllim toya gedən müəllimlərə haqq qoymuşdu: 25 manat.

Bir gün Ağdamdan çıxan böyük sənətkarların demək olar ki hamısının muğam müəllimi olan məşhur tarzən Məşədi Nəriman hardasa möhkəm yeyib-içib gəlir məktəbə. Tez qaçıb Xosrov müəllimə satırlar ki, məşədi Nəriman içib gəlib, həyətdə də hamıyla məzələnir. Xosrov müəllim üçün görünməmiş hadisə, dərhal düşür həyətə. Görür, həə, Nəriman müəllim babatdı.

Əsəbi halda deyir:

- Nəriman müəllim, bu nədi?

Nəriman müəllim təbii ki, ayılır, bir diqqətlə Xosrov müəllimi süzür, sonra cibindən bir 25-lik çıxarıb basır Xosrov müəllimin döş cibinə və deyir:

- Xosrov müəllim, mən ölüm, məni bu gün toyda bil.





digər lətifələr
ARXİV
FACEBOOK