ANA SƏHİFƏ / YAZARLAR

BİZ BELƏ TANIŞ OLDUQ...

Amma bilən olmadı

53930    |   2014-03-29 08:41
Şriftin ölçüsü:
A+ Böyütmək
A+ Balacalaşdır

Havalar bir balaca isinib... yazın nəfəsi duyulur. Necə deyərlər, təbiətin damarına istilik çilənib. Görünür, bu səbəbdəndir ki, indi adamların da bir növü damarına hərarət hopur. Bunu özümdən demirəm, real vəziyyətə söykənib bu qənaətə gəlmişəm. Belə ki, məhləmizdə yaşayan bir cavan oğlan neçə gündü tətildən istifadə edib "it ilindən" qalma köhnə maşınını yuyub təmizləmək bəhanəsi ilə maqnitafona gur səs verib və maqnitafonun da həmin o gur səsi ilə tanımadığım "ulduzlar" çığıra-çığıra oxuyurlar:

Sizə elçi göndərim,
Amma anam bilməsin...

Bu səs ilişib beynimə, özü də çox pis ilişib. Əvvəl səbəbini bilmirdim. Sonra yavaş-yavaş bu ilişmənin səbəbini anlamağa başladım. Anladım ki, burda məntiq yoxdu. Yəni bir halda ki, söhbət elçilikdən gedir və bu elçi də hansısa bir ünvana gələcəksə, deməli, evin bütün üzvləri kimi xanımı da, yəni ana da biləcək ki, söhbət nədən gedir, iş nə yerdədi. Bu mənada "anam bilməsin" fikri heç cür qəbul oluna bilməz, hətta mahnıda da...
İkincisi, bu cür əttökən mahnıları gur səslə ətrafa səsləndirmək, hamının əsəbi ilə oynamaq özü də bir anormallıqdı. Deməli, bu anormallığın kökündə həmin o damara istilik qaçması dayanıb. Yəni bu cavan oğlanın sümüyünə düşüb yaz havası. O da yavaş-yavaş isinən qanının coşması üçün belə coşqulu mahnılara könül verir ki, görsün kiminsə diqqətini çəkə bilirmi və yaxud da diqqətini çəkdiyini öz əhatə dairəsində saxlasın. Cavanlıqdı də, nə demək olar...
Hə, bax elə bu tətil günlərinin həmin o "coşqulu" musiqilərini dinləyə-dinləyə dağı arana çəkdim, aranı dağa. Xatırladığım məqamların qan qaraldanı da oldu, ürək açanı da. Mən də daha çox bayram ovqatını nəzərə alıb necə deyərlər, işıq gələnə, yəni könül açan məqamlara tərəf üz tutdum, o məqamlara ki, onu xatırlamaq həmişə xoşdu və nə yaxşı ki, ömrümüzün o könül açan günləri də olub... Və hərdən xatirələrin qanadında o günlərə aparan duyğular yaxşı ki, bizi tərk etməyib...
İndi o duyğulara söykənib, o xatirələrə baş vurub nə qədər düşünsəm də, necə tanış olduğumuzu xatırlaya bilmirəm, heç cür o tanışlıq gözlərimin qarşısında canlanmır. Nə o yer yadıma düşür, nə o məqam, nə də bütün o yerdə, o məqamda baş verənlər. Öz-özümə suallar ünvanlayıram:
- Harda, hansı şəraitdə, necə tanış olduq? Tanışlığımıza hanısısa bir səbəb, ehtiyac duyuldumu? Vasitəçi oldumu?..
Yox, yenə xatırlamadım. Deməli, heç tanış olmamışıq və yaxud da biz elə tanış da doğulmuşuq. Bir göyün altında, bir yerin üstündə, bir gündə, bir anda dünyaya gəlmişik. Gələn kimi də qarşılaşmışıq, tanış olmuşuq. Bu yazdıqlarım sənə də, hamıya da gülməli gələ bilər. Doğulursan və həmin anda tanış olursan. Maraqlıdı, elə deyilmi? Məncə heç bu sualın da yeri deyil. Ona görə ki, mən necə tanış olduğumuzu şeirə çevirmişəm. İndi o sualdansa, o şeirə daha çox ehtiyac duyuram.

Biz belə tanış olduq
Amma heç kim bilmədi.
Nə iləsə vurulduq -
Heç kim də qan silmədi...

Dillərimiz sükutda
Gözlərimiz tanışdı
Olduğumuz mühitdə -
Gözlərimiz danışdı...

Torpaq xəbər tutmadı
Göyə səda gec çatdı.
Ürəklər dinc durmadı -
Döyüntülərı artdı...

Biz belə tanış olduq
Aşkarda, amma gizlin...
Bu böyük məhəbbətin -
Allah vermişdi iznin!..


***
Həyatın bütün məqamları o vaxt maraqlı və yadda qalan olur ki, o, vərəq kimi çevrildikcə gözünə nəsə yaxşı bir şey dəyir, diqqətini çəkir. Və sən də həmin o diqqətini çəkənin ipucunu axtarıb tapırsan və başlayırsan çözməyə. Çözdükcə də bir-bir, necə deyərlər, anbaan hər şey bərpa olur, hər şey təzələnir... Belə təsəvvür edək ki, gözünün qarşısında bünövrə qazılır. Divar hörülür və yavaş-yavaş layihəsini əvvəlcədən hazırladığın bir saray, bir bina, lap elə adi bir sığınacaq hazır olur. Sən də o prossesin hamısında iştirak edirsən. İstər mühəndis kimi, istər fəhlə kimi, istərsə də tamaşaçı kimi...
Ən dəhşətlisi odur ki, çevrilən vərəqlərdə heç nə diqqətini çəkməsin. Heç nə gözlərinin önündə canlanmasın. Vərəqlər xəzəl yarpaqları kimi eləcə küləklərin, hətta mehin təsiri altında ovulub tökülsün, qorxasan ona toxunmağa. Özün də biləsən ki, heç nə yoxdu o vərəqlərdə, özün də biləsən ki, yaşanmamış, yazılmamış o vərəqlər ən yaxşı halda səssiz, sözsüz bir barmaq kağız parçasıdı, özü də heç kəsə gərək olmayan kağız parçası...
Hə, indi bütün bu yazdıqlarımı özümə tətbiq etmək, öz içimdən, yəni öz köynəyimdən keçirib dəyərləndirmək, urvata mindirmək istəyirəm. Ona görə də həmin o vərəqlərdə izlər axtarıram. Və şükür edirəm ki, bu axatırşlarım boş və mənasız cəhdlərdən ibarət deyil. Əksinə, bu axtarışın nəticəsi ortada olan bir dəli sevgidi, harda tanış olduğumuzu bilmədən, harda doğulduğunu da xatırlamadan yaşadığımız sevgidi...
Bax, elə ona görə də o vərəqlərə üz tutmaq, o vərəqləri çevirmək mənim üçün təkcə xatirələrə dalmaq deyil, həm də o dediyim sevgini yenidən qazanmaq, yenidən kəşf etməkdi. Şükürlər olsun ki, indi xatırladıqca yaşadığımız ağrı-acılara baxmayaraq, biz ruhən təzələnirik. Sanki hər şey ilk anına, ilk nöqtəsinə qayıdır və biz o yolu yenidən üzü bugünümüzə doğru gəlməyə başlayırıq. Belə olan məqamlarda istər-istəməz söz qoşmaq, şeir yazmaq istəyim də mənə dinclik vermir. Və mən bu istəyi də, o duyğuları da özüm üçün bir bəxtəvərlik sayıram.

Sevdiklərim sarılan
Baş daşı bəxtəvərdi
Sevdiklərim axıdan
Göz yaşı bəxtəvərdi -
Mənim üçün...

Açılan hər dan üzü
Oyadırsa o qızı
Yazı, yayı, payzı
Sərt qışı bəxtəvərdi -
Mənim üçün...

Qarası teldən düşə
Kəməri beldən düşə
Lap belə əldən düşə
Hər yaşı bəxtəvərdi -
Mənim üçün...

***
İllər öncəsi heç kimin - nə sənin, nə mənim, hətta bizləri istəyib-istəməyənlərin də ağlına gəlməzdi ki, həyatımızda bu cür dönəmlər olacaq... Düşmənin qurduğu tor bizləri pərən salacaq... Həyatın sərt sınaqları qapıları döyəcək... yurdsuz-yuvasız, evsiz-eşiksiz bir ömür payını təkcə yaşamayacağıq, həm də özümüzə yük edəcəyik. Həmin o yaşadığımız və yaşamadığımız nədisə, onu övladların da, doğmaların da probleminə çevrilən məqamları olacaq... onlar da dadacaq bu acını, şirini. Və biz onların da daddığı bu acının, şirinin yükü nədisə ona da uşaqların gözlərindən kənarda, gizlin bir yerdə dözməli olacağıq. Əgər buna dözmək demək mümkünsə...
Təəssüf ki, dünyada, həyatda hər şey təkcə mənim, sənin istəyincə, ürəyincə olmur. Əgər belə olsaydı, nə gileylənməyə, nə də nisgil yaşamağa heç bir səbəb tapılmazdı. Sadəcə, ürəyimizin, istəyimizin verdiyini həyatdan alıb qayğısız bir ömür yaşayardıq. Görünür, yeri-göyü yaradan insanın həmişə eyni mühitdə, eyni durumda, lap obrazlı desəm, standart bir qəlbdə yaşamasına ona görə imkan verməyib, şərait yaratmayıb ki, insan dünyadan, həyatdan bezməsin, özündən baş götürüb qaçmasın. Axı eyni şərait, eyni rəng, eyni durum, eyni fikirlər, eyni həyat tərzi, bir sözlə, həmişə ağ rəng görmək insanı necə yorursa, bax o dediklərim də, o eyniyyət də o cür yorur, o cür doydurur adamı. Ona görə də biz daha çox rəngarəngliyə meyl edirik, şəhərdən baş götürüb təbiətə qaçırıq. Orda keçirdiyimiz müəyyən zamının verdiyi hər nədisə, onun hesabına bir az təzələnirik, bir az sanki cilalanıb duruluruq. Bax, bu da yaşamaq həvəsimizi müəyyən qədər artırır, işimsizin qulpundan bir qədər həvəslə tuturuq. Deməli, ölü nöqtədən uzaqlaşırıq.
Mən yazının əvvəlində bir cavan oğlanın dinlədiyi musiqidən söz açdım. Bu da səbəbsiz deyildi. İndi həmin səbəbə qayıdıram. Elə həmin oğlanın timsalında ötən illəri xatırlayıram. O illərin Məni dayanır qarşımda - bir az iddialı, bir az ərkəsöyün, bir az özünə sığışmayan və bir az da özündənrazı... Sanki bütün dünya - yer, göy hamısı onun ixtiyarındadı, onun himayəsi altındadı. Amma haqq üçünə etiraf edim ki, o yaşda, o sevdada olanların hamısı elə bu cür düşünür və onlara da qalan elə bu düşüncələr olur...
Bəli, indi həmin o keçmişdə qalan mənim bugününü sanki güzgüdə sorğu-suala tuturam. Ona görə güzgüdə ki, qarşılaşan mənlər bir-birlərinə o qədər bağlıdılar ki, fərqli məqamları etiraf etməyəcəklər, bir-birlərinin xətirlərinə dəyməyəcəklər, güzəştə gedəcəklər. Mən isə bu günümə söykənib dünənim üçün güzəşt istəmirəm. Axı, bütün olanların günahkarı özüməm. Bir halda ki, günahkar da bəllidi, onda güzəştdən və yaxud da başqa hansısa məqamlardan danışmağın heç yeri qalmır. Və mən də yalnız susmaq, sükuta qərq olmaq deyil, həm də o güzgüdə üz-üzə dayandığım bugünümlə yol yoldaşlığı etməyə bir növü məhkumam. Odur ki, yenə fikirlərimi misralara çevirirəm. Tam əminəm ki, dünəndə qalan Mən bu gündə olan Məni olduğu kimi görəcək.

Mən indi
nə qədər
tənha olduğumu
və əslində
elə tənhalıq üçün
doğulduğumu
sənin gözlərindən
oxudum...
Sonra da
sən
heç nə demədən
gözlərini
götürüb getdin
mən isə
oxuduğum gerçəyin
yeddinci qatında
yəni
sənin tərk etdiyin
həyatımda
bir cəsəd kimi qaldım...

... Bizim heç kimə bəlli olmayan və Allahdan başqa kiminsə şahidi olmadığı tanışlığımızın yaşantılarıdı bütün bunlar. Mən onu duya-duya, sevə-sevə yaşayıram. Və istəyirəm ki, sən də bu tanışlığın bütün məqamlarını duya-duya, sevə-sevə yaşayasan...

Əbülfət MƏDƏTOĞLU
[email protected]


İmza:

YAZARIN ARXİVİ

2018-02-01 : "O SÖZƏCƏN..."
2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : MƏKTUB…
2016-08-12 : HAVA
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : Tofiq Abdinlə
2015-11-13 : ÜZ SUYU
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : PERSONAJ
2007-10-06 : ƏBƏDİ ÜNVAN
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-06-22
17:29 ÜMİD
15:24 İNSAN


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Sizcə bu komandalardan hansı çempion olacaq?

Braziliya (22.23%)
Argentina (11.11%)
İspaniya (22.22%)
Almanıya (44.44%)
Fransa (0%)

ÇOX OXUNAN
GÜNÜN LƏTİFƏSİ

Ermənilərlə bacı-qardaş olduğumuz vaxtlardı. Moskvada Yazıçılar Evinin restoranında Zakir Fəxri yeyib-içir. Bu vaxt bir erməni yazıçı da gəlib onunla bir stolda oturur. Hesab vaxtı gələndə erməninin 20 qəpiyi düşür stolun altına. Erməni əyilib pulu axtarır. Zakir Fəxri dərhal bir iyirmi beşliyi yandırıb tutur stolun altına, erməniyə deyir:

- Kirvə, axtar.

Erməni pərt olur. Restorandan çıxırlar, asılqandan paltolarını götürəndə erməni Zakirin acığına asılqanda işləyən kişiyə bir əllilik verir.

Zakir əlini atır cibinə, görür ki, o qədər pulu yoxdu, əlini yelləyib deyir:

- Brat, paltonu bağışladım sənə, geyinərsən. Mən dünən QUM-dan fransuzski əla bir palto almışam.





digər lətifələr
ARXİV
FACEBOOK