Film izle hacklink kiralık bahis sitesi satılık bahis sitesi Adalet.az | YUNAN PATRİKİ TÜRKİYƏYƏ KƏLLƏ ATDI Adalet.az | YUNAN PATRİKİ TÜRKİYƏYƏ KƏLLƏ ATDI Adalet.az | Ədalət -
ANA SƏHİFƏ / YAZARLAR

YUNAN PATRİKİ TÜRKİYƏYƏ KƏLLƏ ATDI

(Gör nə günlərə qaldın, Balaş?!)

22984    |   2009-12-23 00:44
Şriftin ölçüsü:
A+ Böyütmək
A+ Balacalaşdır

Azərbaycan böyük qanlar bahasına, məhrumiyyətlər bahasına Kremldən qurtuldu. Çox təəssüf ki, millətimizin ikinci dövləti Türkiyə Kremlin əlində bir oyuncağa çevrilib. İntəhası bu Kreml Moskvada deyil, Vaşinqtondadı. Keçmişdə Azərbaycanda kimin xətrinə dəyirdilər Kremlə şikayət edirdilər, ya da Leninin goruna, yəni Mavzoleyinə.
   
   Köhnə kişilər kimi sözümün birini qoyum, o birisinə gedim.
   
   Azərbaycanın məşhur bir jurnalisti var idi, qəbri nurla dolsun, Nəriman Həsənəliyev, Bakıda bir erməni evində kirəkeş qalırdı. Götürüb Leninin goruna bir teleqram vurmuşdu: "Əziz Vladimir İliç, mən, anam və ailəm erməni Aşotun 16 kvadratmetrlik bir otağında kirəkeş yaşayıram. Erməninin iti Tezik təkcə 20 kvadratmetrlik otaqda yaşayır. Sizdən xahiş edirəm, bizimlə Tezikin otaqlarının dəyişdirilməsinə kömək edəsiniz".
   
   Teleqram Kremldən göndərilir bizim Mərkəzi Komitəyə. Mərkəzi Komitənin katiblərindən biri Nəriman Həsənəliyevi yanına çağırır və Nəriman müəllim otağa girən kimi əsəbi halda deyir:
   
   - Ə, avaranın biri avara, Lenin sağdı, Leninə teleqram vurmusan?
   
   Nəriman Həsənəliyev əhvalını pozmadan belə cavab verir:
   
   - Biz uşaqlıqdan oxuyuruq və eşidirik ki, Lenin yaşayıb, yaşayır və yaşayacaq. Necə oldu, ömründə bir dəfə yazıq Nərimana Lenin lazım oldu, onda da öldü?
   
   İndi Türkiyədə də kimin şikayəti varsa ABŞ-a, ABŞ-dakı Kremlə şikayət edir. Düzdür, orda Vaşinqtonun və ya Linkolnun goruna məktub yazmırlar, sağ prezidentlərə yazırlar.
   
   Və ABŞ da sanki Türkiyə bunun 53-cü əyalətidi, çağırır, danlayır, söyür, tapşırıqlarını verir, onu aç, bunu aç, buranı aç, oranı aç... Çox təəssüf ki, Türkiyə də deyir baş üstə.
   
   İndi İstanbuldakı yunan patriki ilan-qurbağa adına oxşar bir adı var, nə bilim, nə daus, nə isə, filan kərtənkələ ABŞ-ın ən məşhur telekanalına bir saatlıq müsahibə verib və Türkiyəni yaş yuyub quru sərib. Ağlına gələni yox, ağzına gələni danışıb. Sayın Ərdoğan haqqında yaraşmayan sözlər deyib. Qısası, ABŞ-a Türkiyə hökumətindən, sayın Ərdoğandan zırıltı bir şikayət edib. Və maraqlı burasıdır ki, aparıcı da onu yönləndirib və daha da qızışdırıb.
   
   Nə isə, ağa döymüş nökəri it də tutur bir yandan. ABŞ-dakı Kreml bütün itləri qısqırdıb Türkiyənin üstünə. Canım-gözüm Türkiyə də bu itləri çomağın altına salmaq əvəzinə, Türkiyəni bu itlərdən xilas etmək əvəzinə, bu itləri çomaq altına sala biləcək və Türkiyəni xilas edə biləcək ziyalıları, alimləri, bilim adamlarını, sərkərdələri, generalları "Ergenekon" adı altında yığıb həbsxanalara. Və özü də qalıb itlərin əlində, itlər onu yeyir.
   
   Bir sözlə, Türkiyədə daşları bağlayıb itləri açıblar.
   
   Allahın qaraçıları da artıq Türkiyə dövlətinə meydan oxumaqdadır.
   
   Adını bilmədiyim kərtənkələ hətta özünü Həzrəti İsaya bənzədib. Müsahibəsində deyir ki, mən özümü Türkiyədə çarmıxa çəkilmiş kimi hiss edirəm.
   
   Türkiyəyə bu qədər həqarət edən bir kəs əslində elə çarmıxa çəkilməlidir.
   
   Sonda. Türk qardaşlarımız vurhavur Akdamarda erməni kilsəsini təmir edirlər. Allah qoymasa, gələn il sentyabr ayının 12-də təntənə ilə açmaq fikrindədirlər.


YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-19
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK