ANA SƏHİFƏ / YAZARLAR

Aqil ABBAS: AD QOYA BİLMƏDİYİM YAZI

14196    |   2018-03-13 11:52
Şriftin ölçüsü:
A+ Böyütmək
A+ Balacalaşdır

Təhsil eksperti Kamran Əsədov belə bir açıqlama verib ki, son 3-4 ildə 1200 məktəbli qız (9,10,11-ci siniflər) abort etdirib. Saytlar və qəzetlər bu açıqlamanı tirajlayıb. Açıqlama gündəmə oturub və sosial şəbəkələrdə də müzakirələr gedir.

Çox qorxunc rəqəmdi. Və həqiqətə nə qədər uyğundur ? Çox təəssüf ki, aidiyyəti qurumlar, deyək ki, Səhiyyə Nazirliyi, Dövlət Statistika Komitəsi, eləcə də Ailə, Qadın və Uşaq Problemləri Komitəsi bununla bağlı hələ də bir açıqlama verməyib.

Bu məsələ ilə bağlı mən də nəsə yazmaq istədim, amma Sevinc Telmanqızının «Müsavat.com» saytında Kamran Əsədovun açıqlamasına cavab olaraq çox ciddi, ağıllı və tutarlı yazısını oxudum. Belə qərara gəldim ki, Sevinc xanımın yazısını həm saytımızda, həm də qəzetimizdə dərc edim ki, insanlar o qədər vahiməyə düşməsinlər. Sağ olsun Sevinc xanım ki, yuxarıda adlarını çəkdiyim üç qurumun əvəzinə Kamran Əsədovun açıqlamasına cavab verib (Yazını çapa verərəkən eşitdim ki, nəhayət Səhiyyə naziri bununla bağlı bir açıqlama verib.).

Mən başqa bir nüansa toxunmaq istəyirəm, belə bir açıqlamanın çox ciddi bir zərəri ola bilər. Bu fakta söykənib dini siyasəti alət edənlər ara qarışdırmağa cəhd edə bilərlər. Belə bir açıqlama onların əlinə göydəndüşmə bir fürsət verə bilər. Necə ki millət vəkili Fazil Mustafa APA TV-yə açıqlamasında bildirib ki, əsrin əvvəlində bizdə ayrıca qızlar məktəbi olub və sair və ilaxır. Hörmətli Fazil bəy, 20-ci sərin əvvəlinəmi qayıdaq?!. Sizi Azərbaycanda ən böyük türkçülərdən biri sayırlar. Türklərin tarixini, kültürünü, mədəniyyətini, ənənələrini məndən də yaxşı bilirsiniz.Türklərdə həmişə qadınla kişi bərabər hüquqa malik olub. Xanımlar eşləri ilə birlikdə ova gediblər, döyüşə gediblər. Qarabağ savaşında da qadınlarımız ərləri ilə, qardaşları ilə, hətta oğulları ilə bərabər çiyin-çiynə vuruşurdular. Bu gün Türkiyənin haqlı olaraq həyata keçirtdiyi "Zeytun Dalı” əməliyyatında da bunun şahidiyik.

Hətta din nə qədər düz göstərsə də, türk xalaqlarında qadın kişi bərabərliyini poza bilməyib.

Belə ki, dini siyasəti alət edənlər həm qızları məktəbdən yayındırmağa çalışarlar, həm də qızlarla oğlanların ayrı-ayrı məktəblərdə oxumasını şüar edə bilər. Düzdür, buna nail ola bilməzlər, amma hər halda qan qaralda bilərlər.

Necə ki qardaş Türkiyədə artıq bu yöndə addımlar atılıb və atılmaqdadı, xüsusi qız məktəbləri açılır və getdikcə bunun sayı da artmaqdadı. Bildiyiniz kimi, hətta Türkiyədə məsələ qaldırılıb ki, qadınlarla kişilər bir metroda, bir avtobusda getməsinlər, hətta bir yerdə liftdən istifadə etməsinlər və sair və ilaxır, at gəldi örkən apardı. Artıq bir çox bələdiyyələrdə də belə avtobuslar ayrılmaqdadı.

Hələ qardaş ölkədə çox səfeh bir qanun da hazırlayırlar, üstündə də bərk mübahisələr gedir. Deməli, 12 yaşdan yuxarı qızları zorlayanlar əgər həmin qızla evlənsələr, cinayət məsuliyyətindən yaxa qurtara bilərlər.

Əcnəbilər seyrə balonlarda uçur, balonlarda uçmur ey, Marsda kartof əkir, müsəlmanlar isə görün nəylə məşğuldurlar?!

Bəli, hazırda ciddiyə almadığımız bu məsələ gələcəkdə ciddi problemə çevrilə bilər.

Kamran Əsədovu təhsilimizin problemlərini çox gözəl bilən ciddi bir ekspert kimi tanıyıram. Amma gərək bu məsələdə bir az diqqətli olaydı.

Bir məsələni də qeyd edim.

Azyaşlı qızların ərə getməsi həqiqətən də həll olunmayan böyük bir problemə çevrilib. Qanuna görə, 18 yaşdan aşağı oğlan və qızların ailə qurması qadağandır. Amma deyəsən, qanunun bu maddəsi işləmir. Demək olar ki, tez-tez belə halların şahidi oluruq. Bunlar kimdilər, bunlara kim kəbin kəsir? Xüsusilə kəndlərdə baş verən bu hadisələrin şahidi olan icra nümayəndələri, bələdiyyə sədrləri hara baxırlar, nə işlə məşğuldular, niyə vaxtında bununla bağlı hüquq-mühafizə orqanlarına məlumat vermirlər? Bu günə qədər azyaşlı ilə ailə quran bir kimsə haqqında cəza tədbiri görüldüyünü hardasa oxumusunuzmu? Və ya bunlara kəbin kəsən rəsmi qurumun və ya din xadiminin cəzalandığını eşitmisinizmi? Eşitməmisiniz.

Heç olmasa, görən bundan sonra eşidə biləcəyikmi?

Eşidə bilmək arzusu ilə.

Sonda. Əslində 18 yaş da çox erkəndi. Bu yaşda uşaq nə bilir ailə nədi, atalıq nədi, analıq nədi, cocuq nədi? Bu rəqəm 20-yə qaldırılmalıdı.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2018-06-22
17:29 ÜMİD
15:24 İNSAN


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Sizcə bu komandalardan hansı çempion olacaq?

Braziliya (22.23%)
Argentina (11.11%)
İspaniya (22.22%)
Almanıya (44.44%)
Fransa (0%)

ÇOX OXUNAN
GÜNÜN LƏTİFƏSİ

Ermənilərlə bacı-qardaş olduğumuz vaxtlardı. Moskvada Yazıçılar Evinin restoranında Zakir Fəxri yeyib-içir. Bu vaxt bir erməni yazıçı da gəlib onunla bir stolda oturur. Hesab vaxtı gələndə erməninin 20 qəpiyi düşür stolun altına. Erməni əyilib pulu axtarır. Zakir Fəxri dərhal bir iyirmi beşliyi yandırıb tutur stolun altına, erməniyə deyir:

- Kirvə, axtar.

Erməni pərt olur. Restorandan çıxırlar, asılqandan paltolarını götürəndə erməni Zakirin acığına asılqanda işləyən kişiyə bir əllilik verir.

Zakir əlini atır cibinə, görür ki, o qədər pulu yoxdu, əlini yelləyib deyir:

- Brat, paltonu bağışladım sənə, geyinərsən. Mən dünən QUM-dan fransuzski əla bir palto almışam.





digər lətifələr
ARXİV
FACEBOOK