ANA SƏHİFƏ / YAZARLAR

BİR YUXU KİMİ...

54380    |   2013-03-07 10:27
Şriftin ölçüsü:
A+ Böyütmək
A+ Balacalaşdır

...Bu dünya yuxu kimi bir şeydir. Bəzən gözünü yumursan və elə bilirsən ki, elə hər şey sakitliklə ötüb keçəcək. Amma gözünü açanda tamamilə başqa şeylərin şahidi olursan. Bir göz qırpımında hər şey dəyişir. Hər gün üzləşdiyin, görüşdüyün və söhbətini eşitdiyin adam günlərin bir günündə bir şirin yuxu kimi yoxa çıxır. Və elə təsəvvür edirsən ki, o adamla bir də görüşəcəksən. Düzdür, o adamla bir də görüşürsən, ancaq şirin yuxularda. Hiss edirsən ki, fani dünyanın öz qanunları və qaydaları varmış...
Onsuz da bu dünya bir səhnəyə bənzəyir. Allah-Təala hər insanı yaradıb və ona gözəl dünya bəxş edir. O adam da öz ömrünü, taleyini və qismətini yaşayır, günlərin birində də köçünü götürüb gedir. Hələ ki, hər şey bu cür baş verir. Hələ ki, insanları bu dünyada yaşadan onların qoyduğu iz və əməllərdir. Əgər o insan yaxşı iz və yaxşı əməl qoyubsa, dünyasını dəyişməyindən asılı olmayaraq, tez-tez yada düşəcək və xatırlanacaq. Bu anda yadıma böyük Mikayıl Müşfiqin aşağıdakı misraları düşür:

Bu vəfasız ömür, bu coşqun dərə,
Gərək boş-boşuna axıb keçməsin.
Bu gözəl cahanı sanıb pəncərə,
Hər gələn sadəcə baxıb keçməsin.

Dost itkisi ağır olur. Çünki həmin adamla uzun müddət çörək kəsirsən, yoldaşlıq eləyirsən və bütün xasiyyətinə dərindən bələd olursan. Fikirləşirsən ki, həmin adamla lap dünyanın o başına getmək olar və ordan da geriyə sağ-salamat dönə bilərsən. Fikirləşirsən ki, bu dosta arxalana bilərsən və çətin anda sənə kömək olar. Bax, haqqında söhbət açdığım gözəl ziyalı və müəllim Razim Mirzəyev də belə insanlardan idi. Onun barəsində keçmiş zamanda danışmaq mənim üçün çox çətindir. Ən azından ona görə ki, bu gün də hiss edirəm Razim müəllim elə dostlarının, qohum-əqrəbasının və onu sevənlərin arasındadır. Bunu mən belə təsəvvür edirəm!
"Azərbaycan" nəşriyyatının birinci mərtəbəsində onun çox yaxın qohumu və gözəl insan Zirəddin müəllimlə bir neçə gün bundan qabaq görüşdüm. Həmişə də görüşəndə son dərəcə səmimi bir münasibət sərgiləyir. Bu dəfə də mənimlə öpüşüb-görüşdü və gördü ki, yuxarı qalxmaq istəyirəm. Sıxıla-sıxıla dedi ki, bəs Razim müəllim rəhmətə getdi. Bəlkə də bunu Zirəddin dostumuz mənə demək istəmirdi və istəmirdi ki, bu bəd xəbəri ondan eşidim. Amma deməsəydi və başqasından eşitsəydim, təbii ki, onda inciyərdim. Əlavə elədi ki, Razim müəllimi dəfn elədik. Gözləri yaşardı və mənim də gözüm doldu. Gördü ki, həddindən artıq pis vəziyyətə düşmüşəm, özü mənə təsəlli verirdi: onsuz da bir gün yaranan, bir gün də getməlidir. O da Allahın dərgahına qovuşdu. Martın 5-də 7-dir.
Elə 7-si günü də Razim müəllimin yas mərasimində iştirak elədik. Dostları, tanışları, ziyalılar hamısı onunu məclisində idi. Gözləri də dikilmişdi məclisin yuxarı başına vurulmuş şəkilə. Razim müəllim bu şəkildən elə boylanırdı, sanki demək istəyirdi ki, mənim dostlarım, tanışlarım, qohumlarım hamısı sədaqətlidir. Heç kim məni bu ağır gündə yaddan çıxarmayıb. Gözəl ziyalı Vidadi müəllimlə də burda görüşürəm. Onun da yanında bir neçə müəllim əyləşib. Hamısı qəmin, kədərin, dərdin içində. Heç kimin üzü gülmür. Özgə vaxtlar şirin danışıqdan doymayan Vidadi müəllim bir kəlmə söz deyir: "Razim müəllimin yeri həmişə görünəcək".
Razim Mirzəyev 1956-cı ilin fevralın 28-də Tovuz rayonunda anadan olub. Ömrünü təhsilə həsr edib. Uzun müddət Xətai rayonundakı peşə təhsil liseyində direktor işləyib. Bir ilə yaxın idi ki, onu Qaradağ rayonunun Qızıldaş qəsəbəsindəki peşə liseyinə göndərmişdilər. Rəhmətlik deyirdi ki, mənə tapşırıblar orda qayda-qanun yaradım, intizamı möhkəmləndirim. Elə az müddətdə də Razim Mirzəyev həmin məktəbdə böyük islahatlar həyata keçirdi. İstər müəllimlər, istər şagirdlər, istərsə də valideynlər onun ziyalı münasibətindən və ədalətli mövqeyindən razı qaldılar. Bir-iki dəfə mənimlə telefonla danışmışdı. Demişdi ki, ad günümdə Ziyəddini, səni və bütün dostlarımı bir stol arxasına yığacam. Vidadi müəllim yaxşı şeir deyər, o biri dostlar da yeyib-içərlər. Onun bizi bir stol arxasına yığmağa Allah möhlət vermədi. Ad gününə bir gün qalmış köçünü götürüb Allahın dərgahına getdi. Heç özü də bilmədi ki, bir göz qırpımında mələklərin qanadında Allahın dərgahına necə qovuşdu.
Tez-tez ürəyindən şikayət eləyirdi. Deyirdi ki, ürəyim sözümə baxmır. Almaniyada olmuşam, həkimlər bildirib ki, əməliyyat edilməlisən. Orda müalicədən qayıdandan sonra bir müddət yaxşılaşdı. Hətta Xətai rayonunda olanda hiss eləyirdin ki, ovqatı da yaxşıdır və ağrı-acını özünə yaxın qoymaq istəmir. Razim müəllim nə qədər ağrısa da, acısa da heç vaxt bunu dostlarına bildirməzdi. Kimsə onun yanına gələndə çöhrəsinə baxan kimi hiss edirdi ki, qan təzyiqi yüksəlib. Amma bunların heç birinə o əhəmiyyət verməz, katibə qıza deyərdi ki, çay gətir, dostlarım soyuqdan gəlib, içib qızışsınlar!
Razim müəllim nə qədər ziyalı idisə, bir o qədər də ağayana bir insan idi. Yıxılana arxa durar, kimsəsizə kömək eləyər, çətin vəziyyətə düşənlərə "qorxma" deyərdi. O, bu dünyada olarkən elə bir hörmət qazanıb, iz qoyub ki, həmişə övladları atalarının adını eşidəndə buna görə qürur hissi keçirəcəklər. Çünki adam var bu dünyada var-dövlət yığır, evlər alır, pul qazanır, amma Razim müəllim dünya malında gözü olmayan ziyalı idi. O, bu dünyada ancaq kimlərəsə yaxşılıq edib və dost qazanıb. Elə o dostlar da onun ən böyük sərvətidir. Razim müəllimin 2 oğlu, 1 qızı var. Oğluna və qızına toy eləyib. Neçə-neçə nəvəsi dünyaya gəlib. Deyərdi ki, nəvələrim mənim qol-qanadımdır. Oğlu Teymur eynən özünə oxşayıb: səbirli, təmkinli və ağayana!
Ata itkisi ağır dərddir. Bu dərdə çiyin vermək və ona dözmək övladlardan böyük səbr və dözüm tələb edir. O, uşaqlar da atalarının ölümü ilə bəlkə də razılaşmırlar. Amma yas məclisində yüzlərlə adamın iştirakı göstərir ki, onların atası bu dünyada çox böyük yaxşılıqlar edib və hörmət qazanıb. Bax onların da dərdini yüngülləşdirən, qəmini azaldan bu insanların Razim müəllimə olan böyük sevgisi idi. Övladları görürdü ki, Razim müəllimin dostları, yaxınları və doğmaları onun xatirəsini və adını necə uca tutur. Yaxşı insanlar, əməli-saleh adamlar həmişə yaşayır və həmişə də yaşayacaq. Razim Mirzəyev də gözəl əməlləri, xeyirxah işləri və ən nəhayət ağayana hərəkətləri ilə dostlarının qəlbində əbədi bir iz qoyub.
Faiq QİSMƏTOĞLU


İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-06-21


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Sizcə bu komandalardan hansı çempion olacaq?

Braziliya (22.23%)
Argentina (11.11%)
İspaniya (22.22%)
Almanıya (44.44%)
Fransa (0%)

ÇOX OXUNAN
GÜNÜN LƏTİFƏSİ
Zakir Fəxri səhər-səhər nəşriyyata gəlir. Hidayət müəllim:
- Ə, Zakir, deyəsən yenə axşamdan babat vurmusan, ayaqqabılarının birini qara, birini də ağ geyinmisən. Tez get evə ayaqqabılarını dəyiş.
Zakir Fəxri:
- Qağa, vallah, evdən çıxanda qonşum da dedi. Tez qayıtdım evə dəyişəm, gördüm ayə, evdəkilərin də biri qara, biri ağdı.




digər lətifələr
ARXİV
FACEBOOK