ANA SƏHİFƏ / YAZARLAR

Futbolumuzun ...yan problemi

Etibar Cəbrayıloğlu

26678    |   2017-05-26 18:25
Şriftin ölçüsü:
A+ Böyütmək
A+ Balacalaşdır

Mxitaryan meydana "Mançester Yunayted”lə çıxır, biz hələ...

İndi bizdə kimi dindirsən deyəcək ki, erməni düşmənimizdi. Düz də deyəcək, torpaqlarımızı işğal edən, dinc sakinlərə, məsum körpələrə, qoca və xəstələrə qarşı olmazın vəhşilik törədən erməniyə qardaş deməliyik?

İndi bizdə kimi dindirsən deyəcək ki, erməniləri gəldikləri yerə qədər qovub torpaqlarımızı onların murdar ayaqlarından təmizləyəcəyik. Düz də deyəcək, müvəqqəti itirdiyimiz əraziləri işğaldan azad edib gec-tez hər şəhərdə, hər kənddə üçboyalı bayrağımızı dalğalandıracağıq. Bunun başqa yolu-filanı yoxdu.

Ermənilər aradabir döyüş meydanında bizim gücümüzü görüb layiqli cavablarını alırlar, qırılanı qırılır, qaçanı qaçır urus ağalarının yanına. Bizim torpaqlarda ilişib qalanlarla söhbətimiz daha ciddi olacaq.

Amma bir məsələ də var ki, düşmənlə savaşı təkcə ordu apara bilməz axı, ona başqa sahələrdə də sarsıdıcı zərbə vurmağı bacarmalıyıq. Zərbə demişkən, götürək elə futbolu. İdmanın şahını! Sovet vaxtı ilə işim yox, baxmayaraq ki, o dövrün futbolunu o qədər də pis bilmirəm. Müstəqilliyimizi bərpa etdikdən sonrakı illəri müqayisə etsək daha yaxşıdı məncə. Futbolda erməniləri uduruq, yoxsa uduzuruq? Belə baxanda deyəsən uduruq. "Neftçi” rəhmətlik "Birlik kuboku”nda bir dəfə ermənilərin çempion komandasını diz üstə oturdub, növbəti dəfə isə erməni komandası "Neftçi” ilə elə həmin rəhmətlik "Birlik kuboku”nda meydançaya çıxmaqdan qorxub, erməni futbolçular tuman-köynəklərini də düz-əməlli toplamadan oteldən qaçıblar. Deyəsən vəssalam... Bu iki olay da çoxdan baş verib, həmin vaxt top qovan futbolçularımız indi daha top qovmur, səbəb də bəllidi, artıq yaşa dolublar.

Allah neftimizi, qazımızı bol verəndən dövlət idmana diqqət və qayğını da artırıb. Futbolumuza ayrılan pul bəlkə də o biri idman növlərinə xərclənəndən xeyli çoxdu bəlkə də. Dövlətimizin futbola ayırdığı pul artdıqca futbolumuzun səviyyəsi azalır, premyer-liqadakı klublar bir-bir "aradan çıxırlar”, indi cəmi səkkizi qalıb. Yaxşı ki, heç olmasa "Qarabağ”la "Qəbələ” qitə miqyaslı yarışlarda üzümüzü güldürür. Bu iki klubun hesabına premyer-liqamızın abrını örtə bilirik. Azərbaycanın hər hansı bir futbolçusunun qardaş və qonşu Türkiyənin 3-cü liqasındakı hansısa "Armudustəkanspor”un əvəzedici heyətinə düşməsini idman saytlarımız az qala baş xəbər kimi təqdim edirlər.

Uşaq futbolundakı vəziyyəti isə heç yazmağa dəyməz. Təsəvvür edin ki, millimizin və "Qarabağ”ın kapitanı Rəşad Sadıqov zədələnəndə bütün azarkeşlərimizin əli göydə olur, Allaha yalvarırıq ki, kapitan tez sıraya dönsün. Çünki Rəşadın mövqeyində oynaya bilən ikinci bir futbolçu yetişdirə bilməmişik. Hətta aşağı yaş qrupları üzrə milli komandalarımız da xaricdən yalvarıb gətirdiyimiz futbolçularla doludu. Soruşanda da bu məsələyə cavabdeh olanlar deyirlər ki, səsə salmayın, əcnəbi uşaqların ya babaları, ya da nənələri Azərbaycanla bağlı adamlardı. Babalarını başa düşmək olar, nə vaxtsa xəritədə Azərbaycanı görüblər, bəs onların nənələrini bizim ölkə ilə nə bağlayır?

Yazının bu hissəsində nəfəs dərib Azərbaycanın gənclərdən ibarət milli komandasının bu günlərdə ölkəmizdə keçirilən IV İslam Həmrəyliyi Oyunlarının qızıl medalına layiq görüldüyünü xatırlayanlar çox olacaq. Azərbaycan yığması həqiqətən də bu yarışın qalibi oldu, faktı danmaq mümkünmü? Amma gəlin bir az səmimi olaq, İslam Həmrəyliyi Oyunlarının futbol yarışını Dünya və Avropa çempionatları ilə, UEFA-nın Çempionlar Liqası və ya Avropa Liqası ilə müqayisə etmək olarmı? Elə sonuncu turnirdən danışsaq, yenə mənfur ermənilər sözümüzün yolunu kəsəcəklər. Mənfur düşmənimiz ermənilər dünya futbolunun nəhənglərindən biri- "Mançester Yunayted” klubunun əsas heyətində möhkəmlənməyi bacaran Henrix Mxitaryan kimi futbolçu yetişdiriblər. Həmin futbolçu o gün Avro Liqanın finalında qol vurdu və klubu ilə birgə kuboku başının üzərinə qaldırdı. Finalı Rusiya telekanallından biri üçün şərh edən aparıcının dili ağzına sığmırdı, Mxitaryana görə stadionun Ermənistan bayraqları ilə dolu olduğunu elə şövqlə deyirdi ki...

Erməni Henrix Mxitaryan meydana "Mançester Yunayted”lə çıxır, biz isə hələ də Türkiyənin 3-cü liqasındakı hansısa "Armudustəkanspor”un əsas heyətində özümüzə yer qazanmağa çalışırıq.

Ermənistan son illər yetişdirdiyi bu məşhur futbolçusuna 1 dram da pul ayırmayıb. Heç ayıra da bilməz, çünki yaxşı bilirik ki, mənfur düşmənimiz ermənilər acından günorta dururlar...




İmza:

YAZARIN ARXİVİ

2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2018-09-25
2018-09-24


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ

Aşot Moskvadan bir urus qız alır. Gəlir İrəvanda da toy edir. Aradan on beş gün keçir, gəlin gileylənir:

- Bu necə olacaq, nə atanın, nə də ananın məndən xoşu gəlmir.

Aşot:

- Onları boş ver, əsas odur ki, müdirimin səndən xoşu gəlir.





digər lətifələr
ARXİV
FACEBOOK