ANA SƏHİFƏ / YAZARLAR

İL SONU KÖNÜL PIÇILTISI

Əbülfət MƏDƏTOĞLU

8426    |   2016-12-30 12:42
Şriftin ölçüsü:
A+ Böyütmək
A+ Balacalaşdır

Onun baş qəhrəmanı Sən və bir də duyğularımdı...

Hə, 2016-cının sonuncu yazısını yazıram. Bu ilin, yəni 2016-nın nə üstdə təhvil olunduğu yadımdan çıxıb, heç xatırlamaq da istəmirəm. Ona görə ki, 2016 yadımda ancaq ağrı-acı, göz yaşıyla qaldı. Və deyilənə görə, 2017 qapımızı xoruz banıyla döyür. Səhərin açılmasını xoruz həmişə xəbər verir. Və xatırlayıram ki, Azərbaycan radiosunda bir veriliş də var idi. Rəhmətlik, hər kəsin qəlbinə yol tapmış Hüseynağa Sadıqov o verilişdə «Xoruz baba» obrazını yaradırdı. İndi də səsi qulaqlarımdadı. Bunu sözgəlişi dedim. Amma, əslində bu gün səsi qulaqlarımda az səslənən tək-tək sənətkarlarımız var. Bilmirəm, bu zamanın günahıdı, yoxsa qloballaşmanın? Amma hər nədisə, indi sənətdən daha çox şoumenlik təşkil edilir hər yerdə. Nə isə…

Bəli, mən 2016-dan narazı qalmağımın səbəbini dəfələrlə vurğulamışam və bildirmişəm ki, həyatımın iki məqamından başqa, mənə heç bir şirinlik bəxş etmədi. 365-in içərisində iki məqam azdı, çoxdu, onu siz deyin. Mən isə Naxçıvan səfərimlə Trabzon xatirələrimi yaşadığımı uzun müddətdə unutmayacam. Çalışacağım isə 2016-nın mənə vurduğu zərbələrdən, sarsıntılardan qaçmaq olacaq. Yazını bilgisayara diktə edərkən Gülər xanım öncədən şərt kəsdi. Dedi ki, müəllim, son yazının kədərini, nostalji duyğularını ya bir kənara qoyun, ya da azaldın, bəlkə düşərli oldu. 2017 özünün ilk banıyla həyatımıza nəsə səmimi, xoş bir şey gətirdi. Təbii ki, mən də Gülər xanımla razılaşdım və razılaşmaya bilməzdim də. Küsərdi, yazını yazmazdı. Ya da yazsa, elə əsəbi bir formada yazardı ki, onun könlünü xoş etmək üçün üç-dörd dəfə haldan-hala düşməli olardım. Axı, ilin sonudu. Bir-birimizdən küsüb ayrılmanın heç yeri deyil. Bax, bütün bunlardan sonra qərara gəldim ki, mövzunun damarını yumşaldım və belə də etdim…

Bəli, 2016-da həcmcə böyük, kiçik kitablar, yazılar oxudum, şeirlərlə baş-başa qaldım. Onların bir çoxu ruhumu oxşadı, könlümə istirahət bəxş etdi. Bəziləri haqqında fikirlərimi də oxucularla bölüşdüm. Uğurlarına sevindiyim qələm adamlarının təkcə mənə yox, həm də ədəbiyyatımıza, söz dünyamıza bəxş etdiyi yeni nümunələr mənim üçün həm xatirə oldu, həm yaşam oldu, həm də məni də düşünməyə, sözə bir az da acıq gözlə baxmağa vadar etdi. Mütaliə etdiyim kitablar arasında çox hörmətli Sona xanım Vəliyevanın mətbuatımızın banisi Həsən bəy Zərdabi haqqında yazdığı «İşığa gedən yol» romanı xüsusi yer tutur. Və düşünürəm ki, bu roman 2016-nın ədəbiyyatımıza hədiyyəsidir. Təbii ki, şeirlərinə dönə-dönə üz tutduğum, hətta fikirlərimi ifadə etmək üçün yararlandığım şeirlərə görə də Sona xanım Vəliyevaya minnətdaram. Bu il yadımda qalan kitablardan biri də «Məktub» oldu. Bu kitabın da müəllifi Yusif İldırımzadədi. Anaya yazılmış bu «Məktub»lar çox kövrək notları, duyğuları qabardır və insanın həssas nöqtələrinə toxuna bilirdi.

Şeir aləmində isə xüsusi olaraq Elçin Mirzəbəylinin, Əli Hacının, Dəyanət Osmanlının, Səhər Əhmədin, Rüstəm Beyrudinin kitabları stolumun üstündən əskik olmadı. Və bütün bu söz dünyasının içərisində mən də öz duyğularımı pıçıldağama çalışdım. İstədim ki, sözlərin yanında, sırasında mənim də sözüm görünsün. Bilmirəm necə alındı, ümumiyyətlə, sözüm yadda qaldı-qalmadı, amma bütün hallarda sözlə yaşamışam, yaşayıram və bundan sonra da ömür payım nə olsa, sözün qulluğunda dayanacam. Hətta gileyli, incik şeirlərimdə də, sevgi duyğularını ifadə edən misralarımda da.


Mən

uydurduğum

hər cür bəhanəylə

özü də qəsdən

və billə-bilə

səsini

eşitmək istəyirəm…

sən isə

bilmirəm

nədənsə

ya da qəsdən

hər cür bəhanəsiz

səsini gizlədirsən!..

amma

hələ bu da

deyil son -

ortada

günahkar var

o da

zəng çatmayan

telefon!..


***

Bəli, 2016 ilə vidalaşdığım bir məqamda qapımızda banlamağa hazırlaşan xoruzun sədasını eşitməmiş könül pıçıltılarını ifadə etməyə çalışıram. İstəyirəm ki, bugünə qədər mənimlə olan, məni yaşadan, mənə qol-qanad verib oyaq saxlayan duyğularımın mövcudluğu üçün Tanrıma şükürlər edim. Əlimi açıb ondan bəxş etdiyi bu sevgiyə görə, yerdən göyün son nöqtəsinə qədər razı olduğumu dilə gətirim. Çünki həyatımın mənası sevgi, sevgimin mənası yaşadıqlarımdı. Deməli, hər iki halda böyük Allahın mənə çəkə biləcəyim qədər dərd, ürəyimin daşıya biləcəyi qədər sevgi verib. Bu, sonsuz bir mükafatdı… bu, dəyəri, qiyməti olmayan bir diqqətdi, ehtiramdı. Ona görə qarşısında baş əyib özümü bütün varlığımla borclu saydığım Allahımın məni köklədiyi notlar üstündə pıçıldayıram:


Mənim gizlinim yox, gizlənməyim yox

Qaçacam bəxtimdən mən hara qədər?!

Bütün bu dünyadan və hamıdan çox -

Mən sevdim, sən sevdin bəs hara qədər?!


Yeridim, yüyürdüm, durdum və baxdım,

Amma yarımadım nə mən, nə baxtım…

Könlümü üzük tək könlünə taxdın -

Üzatdım əlimi mən yara qədər!..


Gecəyə, gündüzə ruhum şam oldu,

Sevincim görüntü, qəmim tam oldu!..

Hər zaman umduğum vüsal - kam oldu -

Ağrısın duymadın sən, yara qədər…


Acını acıma qatıb bal etdim…

Dilmi önündə hər an lal etdim.

Gözü nurdan saldım, saçı çal etdim -

Ömrümün mənası sən - vara qədər!


Yaşamaq haqqından sevgim, yasaqsan

Yayın ortasında şaxta, sazaqsan…

Özün də bilirsən mənə uzaqsan -

Gözlə qaşda olan sən ara qədər!..


Bəli, bilmirəm bu şeir ürəyinizcə olacaq, yoxsa yox, amma hər halda mən ürəyimin diktəsiylə yazmışam bu şeiri. Və düşünürəm ki, ürək pıçıltısı Allaha daha tez gedib çatır, nəinki yaxa cırıb, baş yolmaq, hay-həşir salmaq. Necə deyərlər, sevinci də, kədəri də pıçıltıyla söyləyəndə onun tutumu, onun təsiri daha çox olur. Çünki pıçıltı diqqəti çəkir. Mən bütün zamanlarda hər kəsdən diqqət ummuşam. Çünki gücüm, imkanım, qabiliyyətim daxilində kimsədən diqqət əsirgəməmişəm. İstəmişəm ki, bir salamla, bir əhval soruşmaqla qarşılaşdığım insanın, xatırladığım Allah bəndəsinin ruhunu sevindirim, könlünü səksəndirim. Bu nə qədər alınıb-alınmayıb, onu məni tanıyanlar bilir. Hər halda eni-boyu 4 saatlıq, təbii ki, avtomobilə, məsafə olan bu məmləkətdə gizlənmək də mümkün deyil, yalan danışmaq da!..

Bəli, indi içimdəki duyğuların kökləndiyi 2017 havası mənə ömrümün yeni ilinin başlanğıcını da pıçıldamağa başlayıb. Özüm özümü bəri başdan «dünyamıza xoş gəldin» təbrikinə hazırlayıram. Bilirəm ki, o təbriki beş-üç nəfər də olsa, deyəcək. Heç kim də deməsə, Sən deyəcəksən, Sən xatırlayacaqsan. Ən azından həyatında bir işartı kimi olduğum üçün. Və mən də o təbriki ən böyük mükafat, ən böyük dəyər kimi qarşılayacam. Çünki o, sənin dilindən qopacaq. Axı, sən həmişə məni hamıdan öncə dekabr ayının son gecəsinin, son saniyəsinin ötdüyü anda təbrik etmisən. Və mən də yeni ilin son saniyələrinə sənin təbrikinlə qədəm qoymuşam. Yəqin ki, bu il də belə olacaq. Amma sənə də, hər kəsə də tam etiraf edim ki, 2016 məndə 2017-ni, öncəki illəri qarşıladığım həvəsi qoymayıb. Ona görə də bu ilin son şeirlərindən biri olan misraları özüm özümə hədiyyə edirəm.


Çəkirəm başıma dərdi dərman tək

Elə bil acıma bal qatıram, bal…

Kirpiyin ucuna yapışıb qalan -

Damladan könlümə xal salıram, xal…


Anıram bir anlıq köhnə düzəni

Məstliyin içində qu tək üzəni.

Hər şeyə, hər kəsə gülüb gəzəni -

Xatirə kürkünə qal salıram, qal!..


İllər axarında nimdaşlaşan mən

Qırılan simlərlə simdaşlaşan mən…

Gəlib dərdləriylə sirdaşlaşan mən -

Budaqdan ümidi kal dərirəm, kal!..


***

Bəli, qarşıdan gələn ilin adını da bildik, həyatımıza daxil olacağı anlardan da xəbərdarıq. Ona görə də köhnənin ağrı-acısını yavaş-yavaş atılmalı olan nələrləsə bir yerdə toplayıb qapıdan kəndara qoymaq lazımdı. Dünyanın bir çox məmləkətlərində ilin sonunda həmişə nələrisə atırlar. Mən düşünürəm ki, bizdə də atılmalı, atmalı yox ha, həqiqətən atılmalı nələrsə var - hər birmizin həyatında, hər birimizin həyətində və bütövlükdə məmləkətimizin özündə. Ona görə də ilin son günündən düşünüb, daşınıb yaxşı istifadə etməliyik. Nəyi atacağıq? Niyə atacağıq! – qərarını verməliyik. Zənnimcə, verəcəyimiz qərar sonra bizə başağrısı, peşmançılıq gətirməyəcək. Mən də doğum günümlə başlayan 2017-nin hər birimizin ömrünə xoş anlar, uğurlar gətirməsini diləyirəm. İstəyirəm ki, tanıdığım, tanımdağım, sevdiyim, sevmədiyim hər kəsin, bütövlükdə Azərbaycanın yeni ili uğurlu, düşərli olsun. Və məni həmişə yazılarıma görə keçmişin adamı sayanlar da elə bundan sonra da öz fikirlərində qalsınlar. Çünki keçmiş gələcəyin bünövrəsidi. Yəqin ki, mənimlə razılaşarsınız. Və bir daha bayramınız mübarək olsun!

Son olaraq mən elə ilin sizlərə ünvanlanan son pıçıltısını

Sona Vəliyevanın misraları ilə cilalayır və deyirəm:

İtirdiklərimizdən əlimizi üzüb,

İtirmədiklərimizi gəzirik.


Deməli, doğrudan da biz yaşamağa ümidliyik, elə mən də o ümidlə öz misralarım ilə ilə nöqtə qoyuram.


Sürünür səhərə tərəf

Yolunu kəsə etmir ki!

Gecənin tərsliyi tutub,

Mənimlə yola getmir ki –

Açıl sabah!..


Kirpiklərim bir-birinə

Küsüb, baxmaq da istəmir...

Utanım gecə yerinə -

Səni səhər də səsləmir –

Açıl sabah!..


Yaramın qanı kəsmir ki,

Canımı alır canımdan...

Bir damcı meh də əsmir ki,

Səpəm gecəyə qanımdan –

Açıl sabah!..


Sabahlarımız xoruz banıyla hər birimizin üzünə xeyirlə açılsın!




İmza:

YAZARIN ARXİVİ

2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : MƏKTUB…
2016-08-12 : HAVA
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : ÜZ SUYU
2015-11-13 : Tofiq Abdinlə
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : PERSONAJ
2007-10-06 : ƏBƏDİ ÜNVAN
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2017-01-20


VİDEO