adalet.az header logo
  • Bakı 9°C
  • USD 1.7
27 Oktyabr 2020 13:00
17520
SİYASƏT
A- A+

Pakistan səfiri: Azərbaycanı, onun hüquqi haqqını dəstəkləyirik

Azərbaycan başqasının torpağında yox, öz torpağında döyüşür və uzun müddətdir işğal altında olan torpaqlarını azad etməyə çalışır.

Adalet.az-ın məlumatına görə, bunu Pakistanın Azərbaycandakı səfiri Bilal Hayee jurnalistlərə açıqlamasında deyib.

Səfir qeyd edib ki, Azərbaycanın cəsur Ordusunun öz torpaqlarını işğaldan necə azad etdiyini yaxından izləyirlər:

“Biz bunu hüquqi, legitim mübarizə hesab edirik. Bu, beynəlxalq hüquqda da öz əksini tapıb. Öz ərazinizi, Vətəninizi müdafiə etmək sizin haqqınızdır. Buna görə də biz bu məsələdə Azərbaycanı, onun hüquqi haqqını dəstəkləyirik”.