Adalet.az | BAL KİMİ ŞİRİN Adalet.az | BAL KİMİ ŞİRİN Adalet.az | Ədalət -
ANA SƏHİFƏ / YAZARLAR

BAL KİMİ ŞİRİN

41736    |   2015-09-18 02:47
Şriftin ölçüsü:
A+ Böyütmək
A+ Balacalaşdır

Təkcə bal şirin deyil, həm də elə kəlam və söz var ki, o sözdən, o kəlamdan bal damır. Zamanından və məkanından asılı olmayaraq söz və kəlam insanı yaşadır, ona ömür verir və həyatını nura qərq edir. Hər adamın da qələmə aldığı kitab bir o qədər də yaddaqalan olmur. Amma şair-publisist və gözəl ziyalı Səməndər Məmmədovun araya-ərsəyə gətirdiyi "El sevəni aləm sevər" kitabının 3-cü cildi də əvvəlkilər kimi oxunaqlı, maraqlı və orijinaldır.
Öncədən qeyd edək ki, kitab "Elm və Təhsil" nəşriyyatı tərəfindən 2015-ci ildə nəşr edilib. Redaktoru istedadlı yazar Musa Nəbioğludur. Kitab 4 bölmədən ibarətdir: birinci bölmə "El sevəni aləm sevər", ikinci bölmə "Səməndərə həyat verən odun var", üçüncü bölmə "Bilirəm yerini - ürəklərdəsən", dördüncü bölmə isə "Altmış illik yubileyə təbriklər" adlanır. Bir sözlə, bu kitabda istedadlı şair-publisistin portret-oçerkləri, resenziyaları və şeirləri toplanıb.
Ən önəmlisi odur ki, Səməndər müəllim hansı mövzudan asılı olmayaraq toxunduğu məsələni o qədər özünəməxsus və şirin dildə ifadə edir ki, oxucu buna məəttəl qalır. Çünki Səməndər Məmmədov xalq şairi Zəlimxan Yaqubun dili ilə demiş olsaq, dolu bir ziyalıdır, işıqlı bir insandır. Onunla beş saat, altı saat yol gedərsən, amma hiss etməzsən ki, mənzil başına necə çatmısan. Ona görə ki, o qədər şirin və səmimi söhbətlər edir ki, elə bilirsən ki, elə indicə onunla söhbət edirdin.
Kitabda çox gözəl və yaddaqalan oçerklər var: "Sərt qayalar əyilməz ki, əyilməz", "Elmin yollarında ağaran saçlar, döndü bir millətin üzağlığına", "Uca sözün işığında yazılan kitab", "Həqiqət yolundan dönməsə heç kəs", "Ürəkdə od qalasın", "Açsa da çiçəyi qalmadı barı", "Vicdan insanın Allahıdır" oçerkləri dil və üslub xüsusiyyətləri ilə oxucunu ovsunlayır. Bu yazıları oxuyanda sanki hansısa maraqlı bir filmə, yaxud tamaşaya baxırsan. Çünki Səməndər müəllim sözlə o qədər ustalıqla davranır ki və o sözün sehrinə heyran qalırsan. Bu da onunla bağlıdır ki, Səməndər Məmmədov Azərbaycan folklor sənətini, şifahi xalq ədəbiyyatını çox gözəl bilir. Üstəlik də onu özünəməxsus formada elə təqdim edir ki, bu sözlər ona məxsus olur.
Kitabdakı "Sərt qayalar əyilməz ki, əyilməz" oçerki sonunda Zəlimxan Yaqubun aşağıdakı misraları ilə tamamlanır:

Ömrü boyu mətin olar, mərd olar,
Sərt qayalar əyilməz ki, əyilməz.

Yaxud professor, gözəl ziyalı Şamil Qurbanov barəsində yazılmış oçerkə diqqət yetirsək görərik ki, burda da "möcüzələr" baş verir. Çünki bu yazı başdan-ayağa Şamil Qurbanovun işığının, nurunun vəsfinə həsr olunur. O Şamil Qurbanov ki, heç kəsin qabağında əyilməyib, vətəninə, millətinə, xalqına namusla xidmət edib. Bu cür kişilər barmaqla sayılır və həmişə də tarixin yaddaşında qalır. Şamil Qurbanov xeyli vaxtdır ki, Allahın dərgahına qovuşub, amma öz əməlləri, işıqlı hərəkətləri ilə bu millətin yaddaşında əbədi bir iz qoyub.
Səməndər Məmmədovun həm də gözəl şeirləri və bir-birindən rəngarəng qələmə aldığı poetik fikirləri də var. Onun "Ana", "Ocaq", "Borçalı", "Faxralı", "Gözəl dağı", "Səndədir", "Zəlimxan", "Bala", "Dindir", "Nur tökə-tökə" və s. şeirləri insan ürəyinin pıçıltılarını əks elətdirir. Şair "Ana" şeirində çox obrazlı və bədii dildə ümumxalq məhəbbətini belə ifadə edir:

Zamanın xalları tellərindədi,
Möcüzəli sirlər əllərindədi,
Doyulmaz nə varsa, dillərindədi,
Xoş gələn günlərim, anımsan, ana!

Yaxud "Faxralı" şeirində bu misraya, bu bəndə diqqət yetirək:

Qartalqonmaz dağlarını anıram,
Sönməmişəm, qucağında yanıram.
Səngərində duruş tapan mamıram,
Əzəl andım, son məkanım Faxralı...

Eşq olsun bu odlu və səmimi misraların sahibi olan qələm sahibinə! Əgər bir söz, bir kəlmə insanın qəlbini titrədirsə, onun gözünü yaşadırsa, ürəyini kövrəldirsə, deməli, şair istəyinə nail olub.
Oxucunu hər yazar təəccübləndirə bilməz. Ən azından ona görə ki, indi o qədər kitab çap olunur sayı-hesabı da bilinmir. Amma oxucunun bir sözlə, bir kəlmə ilə də qəlbini fəth etmək olar. Ancaq onda gərək Səməndər müəllim kimi hər sözündən, hər kəlməndən bal dama...



YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-08-15
2018-08-14


VİDEO