SON DƏQİQƏ:

Nizami Gəncəvi Beynəlxalq Mərkəzi Ermənistanın hərbi təxribatlarını pisləyən bəyanat yayıb

  9860   |  
Şriftin ölçüsü  

Nizami Gəncəvi Beynəlxalq Mərkəzinin həmsədrləri və üzvləri Ermənistanın törətdiyi son hərbi təxribatları pisləyən bəyanat yayıblar.

AZƏRTAC xəbər verir ki, bəyanatda bütün dünyanın diqqətini BMT Baş Assambleyasının 75-ci ildönümünə yönəltdiyi bir vaxtda Azərbaycan və Ermənistan arasında səhər saatlarında baş verən toqquşmalarla bağlı xəbərlə sarsıldığı bildirilir.

Qeyd edilir ki, BMT Baş katibinin bir çox dünya liderlərinin də dəstəklədiyi, beynəlxalq hüququn prinsiplərindən irəli gələn çoxtərəfli dünya nizamına bir daha çağırış etdiyi zamanda biz də Ermənistan silahlı qüvvələrinin Azərbaycana qarşı artilleriya hücumlarını şiddətli şəkildə qınayırıq. 1994-cü ildə elan olunmuş atəşkəs birinci dəfə deyil ki, pozulur və sıravi vətəndaşlar da xəsarət alır. Dünya ictimaiyyətinə xatırladılmalıdır ki, Ermənistan Respublikası BMT Təhlükəsizlik Şurasının Azərbaycan Respublikasının işğal edilmiş bütün torpaqlarından tamamilə və qeyd-şərtsiz çıxmasını nəzərdə tutan 822, 853, 874 və 884 qətnamələrini indiyədək yerinə yetirməkdən qaçır.

Bəyanatda deyilir ki, Nizami Gəncəvi Beynəlxalq Mərkəzinin həmsədrləri və üzvləri tolerantlığa, dialoqa və qarşılıqlı anlaşmaya sadiq qalaraq Azərbaycan xalqı ilə tam həmrəylik ifadə edirlər. Azərbaycan xalqı davamlı olaraq beynəlxalq hüququn pozulması faktları ilə üz-üzə qalır. Azərbaycan Respublikasının suverenliyi və ərazi bütövlüyü beynəlxalq miqyasda tanınır, dəfələrlə BMT və digər beynəlxalq təşkilatlar tərəfindən dəstəklənib.

Biz Ermənistanın təxribatlarının çoxaldığı bir vaxtda baş verən silahlı münaqişədə həyatını itirənlərin ailələrinə ən dərin hüznlə başsağlığı veririk. Biz Azərbaycan Respublikasının öz ərazi bütövlüyünü bərpa etmək üçün göstərdiyi bütün səyləri tamamilə dəstəkləyirik. Biz beynəlxalq ictimaiyyəti, xüsusən də Avropada Təhlükəsizlik və Əməkdaşlıq Təşkilatını öz qanuni öhdəliklərinə və mənəvi məsuliyyətlərinə sadiq qalaraq lazımi addımlar atmağa, o cümlədən Dağlıq Qarabağ və Azərbaycanın işğal edilmiş digər əraziləri ilə bağlı uzun zamandır dondurulmuş münaqişə hesab olunan problemi həll etməyə çağırırıq.

Hər yerdə olduğu kimi, Azərbaycandakı bir milyon qaçqın və məcburi köçkün də öz torpaqlarına qayıtmaq hüququnu gözləyir.

Vayra Vike-Freyberqa
Nizami Gəncəvi Beynəlxalq Mərkəzinin həmsədri,
1999-2007-ci illərdə Latviya Respublikasının Prezidenti
 
İsmail Serageldin
Nizami Gəncəvi Beynəlxalq Mərkəzinin həmsədri,
1992-2000-ci illərdə Dünya Bankının vitse-prezidenti
 
Zlatko Laqumciya
2001-2002-ci illərdə Bosniya və Herseqovinanın Baş Naziri,
2012-2015-ci illərdə Bosniya və Herseqovinanın Baş Nazirinin müavini, Xarici İşlər naziri
 
Filip Vuyanoviç
2003-2018-ci illərdə Monteneqronun Prezidenti
 
Jan Fişer
2009-2010-cu illərdə Çex Respublikasının Baş Naziri
 
Hikmət Çətin
1991-1994-cü illərdə Türkiyənin Xarici İşlər naziri
 
Mladen İvaniç
2014-2018-ci illərdə Bosniya və Herseqovinanın Rəyasət Heyətinin üzvü
 
Ekmələddin İhsanoğlu
2004-2014-cü illərdə İslam Əməkdaşlıq Təşkilatının Baş katibi
 
Eka Tkeşelaşvili
2010-2012-ci illərdə Gürcüstanın Baş Nazirinin müavini
 
Katerina Yuşenko
2005-2010-cu illərdə Ukraynanın birinci xanımı,
“Ukrayna 3000” Beynəlxalq Xeyriyyə Fondunun Müşahidə Şurasının rəhbəri
 
İvo Yosipoviç
2010-2015-ci illərdə Xorvatiyanın Prezidenti
 
Əmr Musa
2001-2011-ci illərdə Ərəb Dövlətləri Liqasının Baş katibi,
1991-2001-ci illərdə Misirin Xarici İşlər naziri
 
Elza Papademitiou,
Yunanıstan Parlamentinin sabiq vitse-prezidenti
 
Petar Stoyanov
1997-2002-ci illərdə Bolqarıstanın Prezidenti.

Dosta Göndər :

  

SON XƏBƏRLƏR

2020-10-21

Video

Yazarlar

MARAQLI

DÜNYA

ƏDALƏT BU GÜN
October: 20, 17, 15, 13, 10, 08, 06, 03, 01,
September: 29,

Redaktor seçimi

FOTOREPORTAJ

GÜNÜN SİTATI

SORĞU

Silahlı Qüvvələrə yardım etmisinizmi?

ÇOX OXUNAN

GÜNÜN LƏTİFƏSİ

Vəli Xramçaylı eşidir ki, Eskobarın  bacısı  oğlu dayısının evində  təmir işləri  apararkən divardan 17 milyon  dollar və xeyli ləl-cəvahirat  tapıb. Tərpənir  Qazaxa, gedir dayısıgilə. Bir  külüng götürüb başlayır   dayısının   evinin divarını  sökməyə. Dayısı  qalır  mat-məəttəl:

- Ə, nağeyrırsan?

- Eskobarın  bajısıoğlu dayısının evinin divarını  sökəndə on yeddi  milyon  dollar  pul tapeyib. Görüm sən nə qədər  pul gizlədifsən?

- Ay axmaq, mənim pulummu  var?

Vəli dayısına  fikir  verməyib  başlayır  divarı   sökməyə, bu vaxt  divardan  20-30  dəftər  tökülür. Vəli tez dəftəri  götürüb  deyir:

- Dayı,  bə bunnar nədi?

- Heş, a bajoğlu, şeirlərimdi, gələjək nəsillər üçün  saxleyram.

Vəli hirslə deyir:

- Bəy babam Nikolayın  kağız pullarını  gizlətmişdi, tapanda  bir  qəfiyə dəymədi, sən də şeirlərini. Yaxşı ki  mən tafdım,  gör  nəvələrin   tafanda səni nə qədər  söyəjeydilər.

ARXİV

TƏQVİM

FACEBOOK