ANA SƏHİFƏ / YAZARLAR

QAYTAR ŞƏHİDLƏRİ, DƏNİZ!

51946    |   2015-12-12 00:05
Şriftin ölçüsü:
A+ Böyütmək
A+ Balacalaşdır

Neçə gündü gözlər sənə dikilib, Xəzər! Sahilində dincələnləri, səndən zövq alanları, səndən qidalananları... qorxutdun, dəniz!..
Gözlər sənə dikilib, amma bu dəfə gözəlliyini seyr etmək üçün deyil... Bir möcüzə görəcəklərinə inanırlar. Bir saman çöpü ümid gözləyirlər səndən. Bir ürək rahatlayıcı xəbərə möhtac halda sənə yalvarırlar.
Neftçi ailəsi səndə qərq olanları səndən geri istəyir, qəddar görünən dəniz. Gözü yolda, qulağı səsdə nigaranların yuxusu ərşə çəkilib, bir az yuxuya gedəndə isə əzizlərini səninlə, amansız küləklə çarpışan görürlər.
Müqəssir axtarmaq durumunda olmayan, bir tək, əzizinin dönməsinə dünyadakı hər şeyini qurban verməyə hazır olan insanlar səndən imdad diləyir, dəniz! Qaytar qurbanları! Dizinə çırpıb mələr qalan, balasını çağırmaqdan səsi batmış anaya, hönkür-hönkür ağlamaqdan özünü saxlaya bilməyən ataya, gözləri qan çanağına dönmüş həyat yoldaşına, qardaşından sonra sənə nifrət edən qardaş-bacıya, səndən atasını istəyən körpə qıza nə cavab verəcəksən:

Dərya,qaytar atamı,
Üzündən öpüm,apar.
Əbədi ayrılıqdır,
Gözündən öpüm, apar!

Vallah, onsuz evimiz,
Odu sönmüş ocaqdı.
Dənizdən qayıdanda,
Mənə don alacaqdı!...
(Fikrət Məmmədli)

Dözə bilirsənmi bu ah-nalələrə? Dayana bilirsənmi bu nifrətin, qəzəbin qarşısında? Bəlkə günahkar sən deyilsən, səni qurban verənlər səndən sipər kimi istifadə etdilər? Bəlkə həm sənin dalğalarında qərq olan yarımçıq taleli insanlara, həm günahsızkən günahkar duruma düşmənə ağlayırsan sən də! Göz yaşların duzlu sularına qarışdığından heç kim hiss etmir, duymur səni!?.
Mən səni anlayıram, ağlama, dəniz! Səndə gizli heç nə qalmaz, üzə çıxarırsan gec, tez hər şeyi...
Onların qasırğanın əlindən alıb qoynunda saxlamaq istədiyini, hələ də onlara layla çaldığını bilirəm.
Qəza anında partlayışdan alışıb diri-diri yananları da, platformanın dəmirlərinə çırpılaraq sümükləri qırılanları, qanları sularına qarışanları da, bir anın içində gələn ölümdən çıxış yolunun olmadığını qəbul edərək taleyinə üsyan edəni də, sakitcə ölümü qədəri bilib qarşılayanı da, həyata yoldaşına zəng edib: "Xilasedici qayığa minirik, burda yanğın baş verib, xilas olmağa çalışırıq, qayıtmasam, uşaqlardan muğayat ol, məni bağışla" deyəni də, "Sizə yalvarırıq, bizə su tökün, biz istidən öləcəyik..." fəryadını da, mesajla əmisi oğluna "Məni anamın yanında dəfn edərsiniz" vəsiyyətini yazanı da, yanğından suya atılıb istinad üçün bir saman çöpü də tapmayan, ucsuz-bucaqsız sulara baxıb ümidi üzülən, amma yenə də əl-qol ataraq xilas olmağa çalışanları da... ilk sən ağlamısan, bilirəm. Kimsə görmədi ağrılarını.
Son vəsiyyətlərini sənə etdilər - nə dedilər, dəniz?! Heç evlənməmiş gənc nə istədi səndən? Körpə balasının gözünü yolda qoyan ata nə xahiş etdi səndən? Çox sevdiyi həyat yoldaşının, uşaqlarının halına acıyan ata onları sənə necə tapşırdı? Çoxmu əzab çəkdilər ölərkən? Son nəfəsdə analarınımı səslədilər, balalarınımı, Allahımı?..
Onlar sənə də əziz idilər, bilirəm. Gecə-gündüz sənə yoldaş, sirdaş idilər. Onun üçün hələ də layla deyərək qoynundan buraxmaq istəmirsən. Son dəfə bir neçə gün qucağında saxlamaq istəyirsən. Amma gözü yolda qalanlar var, dəniz, burax onları evlərinə dönsünlər! Əzizlərinin ölümünə vaysınanlar bir də "heç olmasa məzarı olsun" deməsinlər! Qaytar onları, dəniz! Adını, sularını məzarıstana çevirmə! "Bəlkə"lərlə boş ümidlərə salma onları...
Bax, 33 nəfər xilas oldu qasırğadan amma günahkar səni bildilər. Birdə sənə dönəcəklərmi, yoxsa səndən həmişəlik üz döndərəcəklər zaman göstərəcək. Yeddi nəfəri qaytardın, qalan iyirmi üç nəfəri də qaytar! Sən qatil deyilsən dəniz, girov saxlama onları, səni qatil edənlərin cəzasını Tanrı verəcək. Mavi gözlərindəki kədəri, utancı görürəm.
O dəhşəti gözüylə görən xilasedicilərdən birinin söylədiyi sənin özün qoynunda baş verirdi: "Qayığın biri platformaya ilişmişdi.Onların bəxti hamıdan çox gətirdi. Hamısını xilas etdilər. 3 nəfər isə qayığa oturmağa imkan tapmadı, yanan platformada qaldılar. Kaş ki, siz onların o çətin yerdə ağlar səsini eşidəydiz: Və hansısa yolla platformaya yaxınlaşıb, xilasedici jilet əldə etmək istəyirdilər...".
Aşağıda amansız qasırğanın təlatümə gətirdiyi su, yuxarıda cəhənnəm alovu... arada qalıb dəhşətlə ölümünü gözləyən insanlar son anda nə düşündülər, kimi düşündülər, nəyə təəssüf etdilər, ümidləri özlərindən əvvəlmi öldü, dəniz?! Ölümün qarşısında gücsüzlüyünü qəbul edənlər, qədərinə inanlar vida sözlərini əzizlərinə telefon vasitəsilə çatdırdılar. Ölümü qəbul etməyənlər dəhşətdən, qorxudan hədəqəsindən çıxmış gözləriylə ora-bura vurnuxaraq çıxış yolu aradılarmı?!. Qəlbim parçalandı bunları düşünərək, sən nələr çəkdin, dəniz!..
Sözünü əzizlərinə çatıra bilməyənlərin son sözlərini, səslərini sən duydun, dəniz... Səsin dəyişib o gündən, baxışın dəyişib, məyusluğun, hüznün mavi gözündə əks olunub, nəsə demək istəyirsən, biz anlamırıq. De bildiklərini, iyirmi üç nəfərin əzizləri qan ağlayır, qaytar şəhidləri, dəniz!
Hər sənə baxdığımızda o hadisə xatırlanacaq.
Artıq heç nə əvvəlki kimi olmayacaq. Bizi səndən soyutdular, dəniz.
Fəridə RƏHİMLİ



İmza:

YAZARIN ARXİVİ

2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-04-19
2018-04-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
“Bavariya”, yoxsa "Real" Madrid?

“Bavariya” (41.67%)
"Real" Madrid (58.33%)

ÇOX OXUNAN
GÜNÜN LƏTİFƏSİ

Qarabağın məşhur bəstəkarlarından biri Xosrov Fərəcov Musiqi Texnikumunun direktoru idi. Çox zəhmli adamıydı, hətta Texnikumda az qala hərbi nizam-intizam yaratmışdı. Bir məsələ də vardı ki, Ağdamın bütün ünlü xanəndələri və ifaçıları bu Texnikumda müəllim işləyirdilər. Və təbii ki, tez-tez də toylara çağırılırdılar, nəticədə dərsi buraxmalı olurdular. Ona görə də Xosrov müəllim toya gedən müəllimlərə haqq qoymuşdu: 25 manat.

Bir gün Ağdamdan çıxan böyük sənətkarların demək olar ki hamısının muğam müəllimi olan məşhur tarzən Məşədi Nəriman hardasa möhkəm yeyib-içib gəlir məktəbə. Tez qaçıb Xosrov müəllimə satırlar ki, məşədi Nəriman içib gəlib, həyətdə də hamıyla məzələnir. Xosrov müəllim üçün görünməmiş hadisə, dərhal düşür həyətə. Görür, həə, Nəriman müəllim babatdı.

Əsəbi halda deyir:

- Nəriman müəllim, bu nədi?

Nəriman müəllim təbii ki, ayılır, bir diqqətlə Xosrov müəllimi süzür, sonra cibindən bir 25-lik çıxarıb basır Xosrov müəllimin döş cibinə və deyir:

- Xosrov müəllim, mən ölüm, məni bu gün toyda bil.





digər lətifələr
ARXİV
FACEBOOK