hacklink Adalet.az | "GƏL, BÖLƏK DÜNYANI..." Adalet.az | "GƏL, BÖLƏK DÜNYANI..." Adalet.az | Ədalət -
ANA SƏHİFƏ / YAZARLAR

"GƏL, BÖLƏK DÜNYANI..."

20690    |   2012-04-07 06:47
Şriftin ölçüsü:
A+ Böyütmək
A+ Balacalaşdır

Barmağımı indicə oxuduğum cümlənin üstündə gəzdirirəm. Bayaqdan bəri neçə dəfə oxumuşam, beynimdən, ürəyimdən keçirmişəm. Gündə saysız-hesabsız sözlər, cümlələr eşidirəm, oxuyuram. Adisi də var, qeyri-adisi, maraqlısı, yaddaqalanı, düşündürəni də. Unutduqlarım yadımda qalanlardan daha çoxdu. Bu cümlə niyə belə tutdu məni?! Silkələdi, üşütdü, qızdırdı...Özümü özümlə üz-üzə qoydu. Bəlkə əvvəllər də dönə-dönə rastlaşmışam bu deyimlə, ancaq fikir verməmişəm, üstündə dayanmamışam. Görünür, sözlərin də təsirləndirmə, duyğulandırma məqamı var. Yetişməlidi, halınla səsləşməlidi, dərdini dəbərtməlidi... Gözlərimi yumuram; zülmət qaranlıq... Açıram; bomboz ətrafım günəşin xəstəhal şüalarından bir az da boğulub. Havadan ağırlıq, nisgil, pərişanlıq yağır. Boğanaqlı hava yaz ovqatını korlasa da, təbiətin əzəli və əbədi işinə- tumurcuqları budaqlara muncuq kimi düzməsinə mane ola bilmir...
   
   Dünya öz işindədi. Səninlə ilgilənməyə nə vaxtı var, nə həvəsi... Başının çarəsini özün qılacaqsan. Qəlbinin tənhalığını boğa bilsən, dünya da sənə zaman ayıracaq...Yoxsa, elə bilirdin bu dünyada hamı səndən ötrüdü?!...Əsla!
   
   Hə,... kədərlənməyə dəyər. Hər şey təzələnir, dönüb qayıdır, yeni bir ömrə başlayır. Təəssüf dolu bir yanğı bürüyür varlığını....
   
   Səndən ötrü heç nə təzədən başlamayacaq...
   
   Xatirəndə qalanlar da artıq köhnəlmiş yaşantılarından başqa bir şey deyil...
   
   Heç kəs poza bilməyib bu sarsılmaz qanunu. Dəyişə bilməyib olacaqların yönünü. Sənin də əlindən bir şey gəlməyəcək. Yandırma özünü...
   
   ***
   
   Kim deyir ki, dünyada adam çoxdü?! Yox, dünya cəmi iki nəfərlikdi. Sən və O! O yoxdusa, onda adamlar da çoxalacaq. Səni darıxdırmağa, canını sıxmağa fürsət gəzəcəklər.
   
   - Bilirsən, həyatın boyu nə qədər səhvlər eləmisən?
   
   - Bilirəm. Mənim bütün ömrüm elə səhvlərdən ibarətdi...
   
   - Heç ağrıtmır səni?
   
   - Ağrıtmaq nədi? Od vurub yandırır təpədən dırnağa...
   
   - Düzələsi bir şey qalıb? Nəyisə qaytara bilərsən?!
   
   - Yox,yox...
   
   - Onda... çox çətin olmalıdı səninçin. Bilirsən, bu səhvlərinin səbəbi nə olub?
   
   - Nə olub?
   
   - Təkliyin...
   
   Qoy, cümləni bir də oxuyum: "Həyatın məşəqqətlərinə dözmək üçün onu mütləq bir qadınla bölüşmək lazımdır". Anatol Frans. Deyəsən, ağıllı kişi olub bu Anatol Frans. Bir zərif qadını güclü hesab edəcək qədər ağıllı. Bundan o yanası heç gərək də deyil...
   
   Ancaq... bu sözlər güclü cinsin nümayəndələriyçin deyilib, axı... Bəs, məndə niyə belə suçluluq ovqatı yaradır?! Mən ki,...Niyə özümdən danışıram?! Mən təkəm, bəyəm?...Mənə qədər dünya bölünmüşdü. Yalan və Haqq dünya deyirdilər adına. Birincisi ağlı-qaralı, ikincisi cənnətli-cəhənnəmli. İkincinin gerçəkmi, xəyalmı olduğunu kimsə isbatlaya bilməyib hələ ki,... Birinci isə gözümün önündəydi. Məni ağuşuna almışdı. Hələ ki, istiydi, nəvazişkardı, şirin, başdöndürən sözlər pıçıldayırdı qulaqlarıma. İnanırdırırdı, qanadlanırdırırdı məni. Özümdən əvvəlkilərin səhvlərinə, aldanışlarına gülürdüm. Zəif, ağılsız sayırdım taleyi dönükləri, bəxti uğursuzları. "Bir ömür nədir ki, onu da əməlli-başlı yaşaya bilmirlər. Taleyin hünəri nədi, üzümə gülməsin?! Özüm istədiyim kimi quracağam həyatımı. Görərsiniz..." Görürdülər. Sonrasını da gördülər. Görməyən təkcə mən idim. Heyrətdən bərələn gözlərimlə sağıma-soluma baxırdım...
   
   Özümdən əvvəl inananların və ağzı yananların aqibətini yaşayırdım indi...
   
   Dünya məni ağladıb özü gülürdü. İblis kimi qəhqəhə çəkirdi...
   
   Gəncliyimizin bir mahnısı vardı;
   
   
   
   Gəl, bölək dünyanı ikilikdə biz,
   
   Qara mənə qalsın, ağı sən götür...
   
   Necə şirin, necə qırmızı bir yalan idi... İnanmışdım buna da. Amma mən ikisini də bölmək istəyirdim. Səninlə yanaşı addımlayanın qaralar içində yaşadığına necə dözmək olar?! Dözüb də ağappaq bir ömür sürmək mümkündürmü?! Sənin yarındısa, hər şey yarıbayarı olmalıdı. Sevgi də, təbəssüm və göz yaşı da, aclıq da, toxluq da. Əsl bütövlük, tamlıq onda yaranacaqdı. Paylaşanda, bölüşəndə...
   
   Kimnən bölüşəsən, paylaşasan bu ağlı-qaralı dünyanı?! Yanında olmaq əvəzinə, hayanın olmaq yerinə başında oturmaq istəyənləmi?!. İki kəlmə bölüşüb dərdləşəndə özünü fateh kimi aparır. Qarşısındakı sirli aləmi açmaq, gözəlliyindən, cazibəsindən zövq almaq əvəzinə təkəbbür göstərir. Nağıl kimi bir ömür yaşamaq, qırxıncı otağın sirrini açmaq eşqinə düşmək ağlından belə keçmir. Dünyanın məşəqqətlərinə dözməkçin yardımçı ola biləcək birisi kimi görə bilmir səni. Gözü dördbir yanı axtarır həmişə. Xəyalı kim bilir haralarda dolaşanın birisiynən nəyi, necə paylaşasan?! Nə qədər gərəkli olduğunu anlaya biləydi, keşkə... Öz gözündə neçə qat ucalardı, ondan gözlənilənlərə layiq olardı o zaman...Dünyada saysız-hesabsız gözəllər var fikriynən özünü yormazdı. Bir nəfərlə hər şeyi bölüşüb bütövləşərdi, tamamlanardı...
   
   Ağılda olmasa da, zövqdə Anatol Fransdan geri qalmayan, bu dünyada hər şeyi bütöv istəyən Yevgeni Yevtuşenko təkcə sevdiyi qadının balışının yarısını arzulayırdı...
   
   ***
   
   Ürəklə qoluna girə bildiyin varsa, kürəyini dağa söykəmişsən, demək, zamanın küləkləri hansı səmtdən əsir-əssin, üşüdə bilməz, uçura bilməz səni...
   
   Bəs, yanındakı?! Soyuq küləklərin qabağını kəsə biləcək qədər dözümlü, alınmaz birisidimi? Zəiflikdən, zəriflikdən güc almağı bacarandımı? Cavabınız "hə"disə, dünyanız bütövdü, demək...


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-12-12


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88%)
Pullsuz (12%)

ÇOX OXUNAN
GÜNÜN LƏTİFƏSİ

Yayın cırhacırı Abdal Qasım oturubmuş, görür iki erməni bərkdən danışa-danışa gəlir.

Yanındakı dostuna deyir:

- Ə, bu köpəyuşağları bu istidə bu dildə nətəhər danışırlar ey?!




digər lətifələr
ARXİV
FACEBOOK