Daha bir yolda təmir işləri aparılır - VİDEO

Vətəndaşların rahat gediş-gəlişini təmin etmək istiqamətində Azərbaycan Respublikası Prezidentinin tapşırığına uyğun olaraq, Azərbaycan Avtomobil Yolları Dövlət Agentliyi tərəfindən Yardımlı rayonunun Yardımlı-Deman-Arvana avtomobil yolunun bir hissəsində bərpa işlərinə başlanılıb.
Agentlikdən Adalet.az-a verilən məlumata görə, bərpa işləri sözügedən yolun sel suları nəticəsində yararsız vəziyyətə düşmüş 14-21-ci km-lik hissəsində aparılır.
Hazırda ərazidə 3800 p.m uzunluğunda alt istinad divarının inşası aparılır.
Texnoloji ardıcıllığa uyğun olaraq, IV texniki dərəcəyə əsasən bərpa olunan hissədə torpaq işləri, qazma, yolun normativ eninin alınması üçün genişləndirmə, zəruri yerlərdə müxtəlif ölçülü suötürücü boruların inşası, yol əsasının tikintisi və yeni asfalt-beton örtüyünün döşənməsi yerinə yetiriləcək.
Layihənin sonuncu mərhələsində yolcizgi və yolgöstərici xətlərinin çəkilməsi işləri aparılacaq.
Bərpa işləri “İnşaat Norma və Qaydaları”nın tələblərinə əsasən, tərtib olunmuş qrafiklə və yüksək keyfiyyətlə Azərbaycan Avtomobil Yolları Dövlət Agentliyinin rəhbərliyinin birbaşa nəzarəti altında icra olunur.
Aparılan yenidənqurma işləri vətəndaşların hərəkətinin təhlükəsizliyinə zəmin yaratmaqla yanaşı, yolboyu rahat gediş-gəlişi təmin edəcək, yük və sərnişin daşımasını asanlaşdıracaq.
Digər Xəbərlər

Leyla Əliyeva klassik avtomobillərin yürüşündə - FOTOLAR

Leyla Əliyeva və Arzu Əliyeva Milli Onkologiya Mərkəzində olublar

Bakı-Ağdam sərnişin qatarı təyinat məntəqəsinə çatdı - YENİLƏNİB

Şüvəlanda yeni ictimai çimərliklər yaradılıb

Yaşıllıqlara 13 min manatdan çox ziyan dəyib

2026-cı ildən pensiyalar nə qədər OLACAQ? – VİDEO

Azad olunan ərazilərdə tullantılarla bağlı idarəetmə təkmilləşdiriləcək
