ANA SƏHİFƏ / YAZARLAR

YALANÇININ...

17466    |   2012-02-11 08:11
Şriftin ölçüsü:
A+ Böyütmək
A+ Balacalaşdır

Son üç-dörd gündə ölkə əhalisinin hansı çətinliklər yaşadığını bir Allah bilir, bir də həmin problemləri yaşayan insanlar. Çox qəribədir ki, bu insanların səsi nə yuxarılara gedib çatır, nə də ayrı-ayrı vəzifəli şəxslərə. Belə də Allahsızlıq və insafsızlıq olarmı?! Bakı şəhərinin 4 rayonunda - Xəzər, Nizami, Suraxanı və Sabunçu rayonlarında işıq, qaz və istilik sistemi qəhətə çıxıb.
   
   Vəziyyət isə günbəgün çətinləşir. Son yüz ilin ən şaxtalı günlərini yaşayan Bakı sakinləri isə soyuqdan donurlar. Bu belə də olmalıdır. Əgər işıq yoxdursa, qaz gəlmirsə və istilik sistemi də işləmirsə, onda təbii ki, Bakı sakinləri soyuqdan donacaqlar. Hələ biz müxtəlif xəstəxanalarda müalicə olunan və soyuqdan əziyyət çəkən pasiyentlər haqqında danışmaq istəmirik. Düzdür, bəzi xəstəxanaların generatorları və istilik sistemləri mövcuddur. Ancaq bu o demək deyil ki, digər yerlərdə də belə bir şərait var, işıq, qaz olmayanda yaşayış binalarına hardansa istilik veriləcək.
   
   Camaatın əsəbləri tarıma çəkilib. Aidiyyəti qurumlar isə susmağa daha çox üstünlük verirlər, ya da yalan vədlərlə camaatın başının altına yastıq qoyurlar ki, bir azca da dözün, işıq da olacaq, qaz da gələcək, istilik də veriləcək. Bilmirik, insan nə qədər dözümlü olmalıdır?! Bəlkə də dünyada millətlər arasında yarış keçirilsəydi, bizim xalq səbrdə və dözümdə birinci yerə çıxardı. Amma hələ ki, "Azərenerji" ASC və "Bakıelektrikşəbəkə" insanların əsəbləri ilə oynamaqda davam eləyir.
   
   Fevralın 7-dən Bakının Hövsan, Yeni Günəşli, Əhmədli, Köhnə Günəşli və eləcə də Xəzər rayonunun ərazisindəki qəsəbələrdə işıq, qaz və istilik yoxa çıxıb. Qəribədir ki, aləm bir-birinə qarışıb, millət qaranlıq içində boğulur, insanlar soyuqdan donur, ancaq nə "Azərenerji"nin , nə "Bakıelektrikşəbəkə"nin rəhbərləri bir əncam çəkə bilmirlər. Hansı ki, Azərbaycanda və eləcə də Bakıda elektrik şəbəkəsinin yenidən qurulması üçün milyonlarla vəsait ayrılıb. Bəs həmin vəsait hara sərf olunub və necə xərclənib?! Bu suala isə həmin qurumlar cavab verməlidirlər. Şərt o deyil ki, dövlət milyonlarla manat pul ayırsın və ayrı-ayrı qurumlar da bu pulları təyinatı üzrə deyil, hara gəldi havaya sovursun. Şərt odur ki, ayrılan pul təmir və yenidənqurma işlərinə xərclənsin. Belə çıxır ki, dövlətin enerji sektoruna ayırdığı milyonlarla manat vəsait havaya sovrulub. Bəlkə də bu belə deyil. Amma hadisələr göstərir ki, nə "Azərenerji", nə də "Bakıelektrikşəbəkə" qışa hazır deyil. Hansı ki, qış gəlməmişdən onlar sinələrinə döyüb deyirdilər ki, soyuq günlərdə əhali işıqla bağlı heç bir problem yaşamayacaq. Soyuq günlər oldu, temperatur mənfi 13 dərəcəyə qədər aşağı endi və hər şey üzə çıxdı. Yəni məlum oldu ki, həmin qurumların verdikləri söz sabun köpüyü kimi bir şeymiş.
   
   Necə olur ki, Avropada, Rusiyada, Türkiyədə, bəyənmədiyimiz Ermənistanda soyuq hava şəraitində işıqlar yanır, qaz gəlir, istilik sistemi işləyir, amma bizim məmləkətdə isə hər şey iflic vəziyyətinə düşür?! Əgər bir müəllim olsaydı və o da şagirdin biliyini yoxlasaydı savadsız olduğuna görə ona iki yazardı. Bizim də xidmət sahələrinin fəaliyyəti nəinki "2"-yə heç "0"-da layiq deyil. Çünki hər şey göz qabağındadır. Bu milləti rəqəmlərlə, göstəricilərlə aldatmaq asan deyil. Ola bilər ölkədə kifayət qədər enerji istehsal olunsun, amma onun əhaliyə verilməsinə gələndə hər şey əksini göstərir. Dörd gündür ki, Bakı sakinləri bəlkə də ömürlərində görmədikləri dəhşətli anlar yaşayırlar. Günlərlə işıq yanmır, buna görə isə bir idarə rəisinə, bir vəzifəli şəxsə "gözün üstə qaşın var" deyən tapılmır. Elə onlar da sorğu-sual edilmədiyinə görə, başlarının altına yastıq qoyub yatıblar.
   
   Bəlkə də hər hansı nazirin, hər hansı səhmdar cəmiyyətin rəhbərinin işıqla, qazla bağlı heç bir problemi yoxdur. Düzdür, onların çoxlu sayda mənzilləri var, işıqları da sönəndə generatoru işə salırlar. Amma hər halda onlar bilməlidir ki, Bakıda mənfi 13 dərəcədə soyuqda donan yüz minlərlə insan var. O yüz minlərlə insanın taleyi haqqında təəssüf ki, heç kim fikirləşmək istəmir. Fevralın 9-da axşam saatlarında Hövsan və Yeni Günəşli qəsəbəsində işıqlar yanmayanda yüzlərlə insan soyuqdan donmamaq üçün küçələrə çıxıb, tonqal qalayıblar. Tonqal qalayıblar ki, heç olmasa bir az da olsa tonqalın istisində qızına bilsinlər. Elə ki, işıqlar yanıb onlar seivnməyə başlayıblar, amma 5-10 dəqiqə keçməyib işıqlar yenə sönüb.
   
   Təbii ki, işıqları sönən adamların qanı itin qanına dönüb. Axı, mənzillərdə bayaq dediyimiz kimi, nə qədər insan soyuqdan əziyyət çəkir. Bir tərəfdən işıqlar yanmır, bir tərəfdən qaz gəlmir, digər tərəfdən isə istilik sistemləri işləmir. Yazıq kasıb, gəl belə bir şəraitdə soyuqdan donma görüm, necə donmursan. Adətən Avropa ölkələrində soyuq hava şəraitində ev-eşiyi olmayan adamlara küçələrdə isti yerlər təşkil edilir və isti xörəklə verilir. Biz də isə küçələrdə şərait yaratmaqları cəhənnəm, heç olmasa soyuq hava şəraitində mənzillərə işıq, qaz və istilik vermirlər.
   
   Dörd gündür ki, Bakı camaatı müsibət içindədir. Dörd gündür ki, insanlar şaxtadan, soyuqdan donurlar. Dörd gündür ki, qəzetlər və televiziya kanalları bar-bar bağırırlar ki, Bakı soyuqdan donur və iflic vəziyyətinə düşüb, amma yuxarıların qulağı hələ də kardır. Bu həyəcanlı xəbərləri eşitmək istəmirlər ki, istəmirlər. Fikirləşsək ki, fevral ayı qışın ən soyuq aylarındandır, onda belə qənaətə gəlmək olar ki, hələ şaxtalı və qarlı günlər çox olacaq. Ən azından ona görə ki, hidrometeoroloqların dediyinə görə, yüz ilin ən şaxtalı günləri fevralda oldu. Deməli, hələ bundan sonra da şaxtalı və qarlı günlər davam eləyəcək. Bizim fərsiz və maymaq məmurlarımızın günahı üzündən isə işıqlar yanmayacaq, istilik sistemləri işləməyəcək və qaz gəlməyəcək.
   
   Deyirlər ki, qəza baş verib, ona görə də bir çox yerlərdə işıqlar yanmır. Qardaş, bu qəzanı aradan qaldırmaq üçün neçə saat, neçə gün vaxt lazımdır? Biz görmüşük ki, hər hansı qəza bir neçə saatın içində aradan qaldırılır. Tay bunun üçün 3-4 gün vaxt sərf olunmur. Əgər hər hansı bir qurum 3-4 günə də bunu təmir edib, başa çatdıra bilmirsə, həmin vəzifəli şəxslərin işləmələrinə mənəvi haqları çatmır. Əgər onların bir balaca özlərinə hörməti varsa, ya tez bir vaxtda mövcud problemləri aradan qaldırmalıdırlar, ya da vəzifədən istefa verməlidirlər. Ancaq bizim məmurlar çətin ki, bu vəzifədən öz xoşları ilə çıxıb getsinlər. Çünki onlar kreslodan elə möhkəm ikiəlli yapışırlar ki, ordan kimsə onları çox çətinliklə qopara bilir.
   
   Bir çox nazirlər və eləcə də komitə rəhbərləri fikirləşirlər ki, hər şeyi ölkə prezidenti həll etməlidir. Məgər prezidentin işi-gücü qurtarıb, hər hansı bir qəza baş verəndə ona da müdaxilə eləsin. Əgər "Azərenerji" varsa və "Bakıelektrikşəbəkə" fəaliyyət göstərirsə onların da rəhbərləri zəhmət çəkib bu problemləri tezliklə yoluna qoymalıdır. Ancaq bu gedişlə çətin ki, Bakının işıq sistemi tam bərpa olunsun. Allah Arabulun ölənlərinə rəhmət eləsin. O kişi əməlli-başlı işləyirdi, heç işıqlar da saatlarla, günlərlə belə sönmürdü. Yazığın "torba"sını necə tikdilərsə, başın götürüb bu məmləkətdən qaçdı. Yerinə gələnlər isə ancaq özlərinin mənafeyini fikirləşirlər və camaat haqqında düşünmürlər.
   
   Görünür, "Bakıelektrikşəbəkə" və eləcə də "Azərenerji" hələ yuxudan tam ayılmayıb. Yuxudan tam ayılanda yəqin ki, enerji sahəsində olan problemlər aradan qaldırılacaq. Ancaq belə ki, onlar möhkəm yatıblar, qış yuxusuna gediblər, çətin ki, bu tezliklə Bakının işıq problemi həllini tapsın. Gərək ölkə prezidenti İlham Əliyev onlara təpinməlidir ki, bu məmurlar da camaatın əsəbləri ilə oynamasın və fəaliyyətə başlasın. Cənab məmurlar, bu xalqı, bu milləti yalan vədlərlə aldatmaqdan əl çəkin. İşləyə bilirsiniz işləyin, işləmirsiniz nə prezidenti, nə də xalqı aldatmayın. Çünki prezidenti və xalqı aldadan adamın axırı heç vaxt yaxşı olmayıb.


YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-09-24


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ

Aşot Moskvadan bir urus qız alır. Gəlir İrəvanda da toy edir. Aradan on beş gün keçir, gəlin gileylənir:

- Bu necə olacaq, nə atanın, nə də ananın məndən xoşu gəlmir.

Aşot:

- Onları boş ver, əsas odur ki, müdirimin səndən xoşu gəlir.





digər lətifələr
ARXİV
FACEBOOK