ANA SƏHİFƏ / YAZARLAR

DOST GEDİB…

Əbülfət MƏDƏTOĞLU

32376    |   2015-06-18 16:35
Şriftin ölçüsü:
A+ Böyütmək
A+ Balacalaşdır

Bu yazını yazmaq ölüb dirilməkdən betərdi, bəlkə də dirilməməkdi

Heç inana bilmirəm. Mənə elə gəlir ki, Mirzə mənimlə zarafat edir. Çünki onun kimi insan, onun kimi kişi, ən əsası isə onun kimi dost bu addımı ata bilməz… bizi tək qoyub gedə bilməz… bizdən ayırla bilməz və nəhayət telefonunu söndürə bilməzdi. Mən inanmıram. Bilirəm ki, onu tanıyanlar, onunla dost olanlar, onunla çörək kəsənlər, ona güvənənlər də inanmır. Çünki, o, mənim gözümdə, mənim ürəybmdə hamıdan, hər kəsdən, hətta ölümdən də güclü idi. Çünki Allah ona boy-buxun da vermişdi... Boy-buxununa görə ürək də vermişdi… Ürəyinə görə ruzi-bərəkət də, çörək də vermişdi… Və ən vacibi Allah Rafiqə böyük hərflərlə yazılan, hardan baxsan görünən İNSANlıq və KİŞİlik də vermişdi!..

Mən onu belə tanımışdım. Tanışlığımızın yaşı özümüzdən çox-çox böyükdü. İndi etiraf edirəm, indi yazıram. Çünki dəfələrlə haqqında nə isə yazmaq istəmişəm, imkan verməyib. Hər dəfə deyib ki, qağa, darıxma, qoy təqaüdə çıxaq, ondan sonra yazarsan. Mən də namərdcəsinə ona qulaq asmışam, onu dinləmişəm, yazmamışam. Amma indi yazıram. Çünki indi yazmaya bilmərəm. Yazmasam, onda ikiqat namərd olaram. Heç olmasa indi yazım ki, hələ soyumayan bədəni, hələ torpaqla dil tapmayan cismi duysun bunu, eşitsin nə yazdıqlarımı, ruhu çatdırsın xəbəri ona. Bilsin ki, Dilavərin oğlunun toyunda çəkdirdiyimiz şəklimiz də var bu yazının içərisində.

Onunla ancaq məclislərdə, özü də hərdənbir şəkil çəkdirərdik. Heç xoşlamazdı şəkil çəkdirməyi. Düzünə qalsa, mənim də şəkil çəkdirməkdən xoşum gəlmir. Rəhmətlik Vahid Əlifoğlu da şəkil çəkdirməzdi heç vaxt. Günlərin birində Vahid Əlifoğlu mənim Rafiqlə dost olduğumu bilib gülə-gülə dedi ki, qağa, deyəsən sən adam sərrafısan…

Sonralar bu sözü Rafiq də dedi. Özü də Vahidlə necə qardaş olduğumu biləndən sonra. O da dedi ki, Vahid kişi adamdı, əsl dostdu. Sevindim dostluğumuza…

Bəli, qəribəliyi görürsünüz?! İndi o dostların hər ikisi bir yerdədi… Hər ikisi Füzuli torpağında, üstündə yeridikləri, havasını, suyunu canlarına hopdurduqları torpaqda. Mən isə Bakıda. Onları düşünə-düşünə bu sətirləri yazıram və ətrafıma baxıram. Yaman vər düşüb ətrafıma. Seyrəlir dostlar, təklənirəm, yaman təklənirəm. Amma onlar orda dəstəni böyüdürlər, sıranı artırırlar. Ruhları şad olsun! Onsuz da mən hər gün onların yanındayam. Elə onlar da mənim yanımdadı. Axı, dünyasını dəyişən insan heç vaxt bu dünyaya bir yolluq əlvida demir. Doğmalarının, sevdiklərinin, sevənlərinin ürəyinə köçür, yaddaşlarında yaşayır. Deməli, o ürəklər nə qədər döyünürsə, o da həmin insanlarla birlikdə olur. Yəni dünyasını dəyişən dostlarım kimi…

İndi Füzuliyə gedirəm, daha doğrusu, Mollaməhərrəmli kəndinə. Adətimdi, həmişə şəhərdən çıxanda Beyləqandakı, Xocavənddəki, Füzulidəki dostlarıma zəng vururam. Gəldiyimi xəbər verirəm, yolda olduğumu deyirəm. Onlar da yol boyu tez-tez mənimlə əlaqə saxlayırlar. Hansı məsafədə, hansı kəndin yanında, hansı rayonda olduğumu öyrənirlər. Ta onlara gedib çatana kimi telefon susmur. Rafiq də onlar kimi. Nömrəsini yığıram. Həmişə günündən, saatından, ovqatından asılı olmayaraq, eyni səs tonuyla, eyni səmimiyyətlə, eyni təmkinlə cavab verir:

- Hə, qağa, eşidirəm.

Ötən əsrin 80-ci illərinin əvvəllərindən bugünə qədər mən Rafiqlə bir səmimiyyətdə danışmışam, bir səmimiyyətdə hal-xoş etmişəm. Amma onu ikimizin də dostu olan Dilavər, Xaləddin daha da şirinləşdirmişdi. Adəti idi, telefonla danışanda və yaxud bir yerdə olanda heç vaxt Dilavərin adını deməzdi, ona Əliyev deyə müraciət edərdi. Bir də görərdin ki, günün hansısa bir çağında Rafiq mənə zəng vurur. Telefonu açıram:

- Qağa, Əliyevlə parkda oturmuşuq. Dincəlirik, dostlardan, səndən danışırıq…

Bəli, son dərəcə adi insanlıq kriteriyalarından da yüksəkdə dayanırdı Rafiq. Qəribə təsadüf də var idi həyatımızda. O da Rafiqin, Vidadinin və mənim Biləcəri ərazisində məskunlaşmağımız idi. Bu səbəbdən də Dilavər bizə zarafatla «Biləcəri uşaqları» deyirdi. Həmişə bir yerdə olan, həmişə bir-birini axtaran bizlər, indi seyrələn sıramıza baxıb köks ötürürük. Amma şəxsən mənim və mənim ailəmin yaddaşında Rafiqin özəl yeri silinməz qaldı. Çünki o, dost kimi, qardaş kimi mənim ailəmin həm də maddi cəhətdən qəyyumçusu idi. Şəhərə yolu düşəndə və yaxud mən rayona gedəndə mütləq uşaqların payını ayrıca hazırladardı. Hər dəfə də deyərdi ki, qağa, əmi payıdı. Kənd yerində bilirsən də qatıq, süd, şor, pendir, meyvə tapılan şeylərdi. Amma siz bunların hamısına şəhərdə pul verirsiniz. Apar, qoy uşaqlar nuş eləsin. Bir də hər dəfə mənə adını xüsusi vurğuladığı oğlumu tapşırardı, onun halını soruşardı. Nədənsə ürəyinə yatmışdı oğlum…

Bəli, dünyanın fani olduğunu deyənlər kifayət qədər çoxdu. Amma mən bu dünyanın faniliyindən daha çox onun cismani yaşam üçün dar olduğuna daha çox inanıram. Elə bil bu dünya o qədər darısqaldı ki, adamların sıxlığı onu partlatmasın deyə Əzrayıl bir ucdan seyrəldir. Mən bu seyrəlmənin əleyhinə deyiləm, onu başa düşürəm. Amma yaxşıların sıradan tez çıxmasını qəbul edə bilmirəm. Yaramazlar, namərdlər, başqasının haqqını yeyənlər, bir sözlə, insan donlu iblislər elə rahat, elə çox yaşarlar ki… Nə bilim… Tanrıya asi olmasam da, amma bu mənə bir az haqsızlıq kimi görünür. Doğrudur, deyirlər ki, hər şeyin yaxşısını az yemək, az görmək, daha mənalı, daha gözəldi. Lakin bütün bu deyilənlər cismin torpağa çatdığı ana qədər bəlkə də doğrudu… bəlkə də razılaşmaq olar. Amma səni tərk edib gedəni bir də görməyəcəyin, bir də əlini sıxmayacağın, bir də səsini eşitməyəcəyin barədə düşünəndə onda bu deyilənlərlə razılaşmırsan. Könlündən bir dəli hönkürtü keçir. Bağırmaq, hıçqırmaq istəyirsən:

- Dayan! Geri dön!

Yox, o dayanmır, o geri dönmür, o gedir. Əbədi ünvana, daha etibarlı dostların yanına. Və mən onun arxasınca baxa-baxa tanıdığım gündən bu günə qədər olan münasibətimizin, təmasımızın hər anını ürəyimdən, gözlərimdən keçirirəm. Ailəmlə evində kəsdiyim çörəyə qədər… Həyətinin meyvəsinin dadına baxdığım ana qədər. Bax, onda bu misraları pıçıldamaqdan özümü saxlaya bilmirəm.

İnanmıram mən hələ

Gözüm, könlüm ağlayır…

Mən bilmirdim ki, belə-

Dərd də yeri dağlayır…

Bir ox bənddi bir yaya

Həsrət qalıb gün aya…

Göz yumduğun dünyaya-

Bizi ruhun bağlayır!..

Dözür insan hər dərdə

Yerin görünür vərdə…

Səni biz olan yerdə –

Xatirələr saxlayır!...

Hə, Rafiq. İndi qoşa şəklimizə baxıram və gözlərinin nə dediyini öncə içimdə, sonra dilimdə təkrar edirəm. Gözlərin deyir ki, yol qısalır, mənzilbaşı görünür…

Doğurdan da indi mən sənin mərasiminə tələsirəm. Özü də ən çox sevdiyim mərhum İslam Rzayevin özünəməxsus şəkildə oxuduğu o məşhur və düşündürücü nəğmənin təsiri altında:

Dost gedib özümə gələ bilmirəm…

Hə, gələcəm, dostum, yanına gələcəm. Biz yenə bir yerə yığışacağıq, yarımçıq söhbətlərimizi davam etdirmək üçün.




İmza:

YAZARIN ARXİVİ

2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : MƏKTUB…
2016-08-12 : HAVA
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : ÜZ SUYU
2015-11-13 : Tofiq Abdinlə
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : ƏBƏDİ ÜNVAN
2007-10-06 : PERSONAJ
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-01-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (71.43%)
Yox (28.57%)

ÇOX OXUNAN
GÜNÜN LƏTİFƏSİ
- İki dost işdən evə qayıdır.
Biri:
- Mənim arvadım çox yaxşıdır. Gedən kimi çəkmələrimi qarşımda cütləyir, qəlyanım dolu olur. İndi qəhvəm və mətbəxdə bir vedrə isti suyum hazırdır.
- Hamısı çox gözəldir, ancaq o mətbəxdə bir vedrə isti su nə üçündür?
- Vallah, mən soyuq su ilə bulaşıq qabları yuya bilmirəm.




digər lətifələr
ARXİV
FACEBOOK