Türkiyə prezidenti Rəcəb Tayyib Ərdoğan İsraili “terrorçu dövlət” adlandırıb.

Bakıvaxtı.az xəbər verir ki, Ərdoğanın sözlərinə görə, bölgənin əsas problemi İsrailin təcavüzüdür.

"Druzların arxasında gizlənən İsrail son iki gündə quldurluq zonasını Suriyaya köçürüb. İsrail qanunu tanımayan, qaydaları tanımayan, prinsipsiz, korlanmış və çılğın terrorçu dövlətdir. Bölgəmizin əsas problemi İsrailin təcavüzüdür. Suriyanın parçalanmasına imkan verməyəcəyik. Suriyanın cənubu ilə şimalı arasında dəhliz yaratmaq arzusunda olanlar məqsədlərinə çatmayacaqlar”, - Türkiyə lideri bildirib.

Onun sözlərinə görə, “İsrailə güvənən və onun tərəfini tutanlar son nəticədə ciddi səhv etdiklərini anlayacaqlar”.