ANA SƏHİFƏ / YAZARLAR

GÜNAH...

21333    |   2011-04-16 08:00
Şriftin ölçüsü:
A+ Böyütmək
A+ Balacalaşdır

Görəsən, dünyada günahsız insan varmı?! Bəlkə də var biz tanımırıq. Kimin nə dərəcədə günaha batdığını və əlləm-qəlləm işlər gördüyünü Ulu Yaradandan savayı heç kim bilə bilməz. Yəni heç kim bilə bilməz ki, filankəsin nə qədər günahı var və onun ağırlığı nə qədərdi?! Elə kimdən soruşsan deyəcək ki, məndən yaxşı adam yoxdu. Çünki heç kim öz gözündə qıl görmür, başqasının gözündə tir axtarır. Bax, belə də olanda hamı özünü aydan arı, sudan duru kimi hiss eləyir.
   
   Heç kim ayranına turş deməz. Hamı deyər ki, mənim ayranım bal kimi şirindi. Amma əslinə baxanda insan başqa şeylər görür. Məsələn, insan görür ki, bir məmləkətdə çoxları yalan danışır, boğazdan yuxarı təriflər deyir, üzdə başqasının üzünə gülür, arxada dalınca danışır. Və bunu da adi hal kimi qəbul edirlər. İndi yalan danışmırsansa, başqalarının boş damarını tuta bilmirsənsə, "bəli, baş üstə" demirsənsə, onların işi o qələr də yaxşı alınmır. Düzdür, belələri yalan danışdıqlarına, sifətdən-sifətə düşdüklərinə, ən azından sözlərini tez-tez dəyişdiklərinə görə günaha batırlar. Ancaq onlar fikirləşmirlər ki, xirtdəyə qədər günaha batmaq çox ağır, ağır olduğu qədər də çətin bir şeydir. Çünki günlərin birində xirtdəyə qədər batdığı günaha görə, cavab verməli olacaq. Bax, onda hansı cavabı verəcək, nə danışacaq onu bir Allahdan başqa heç kim deyə bilməz.
   
   Bu gün elə dünyamız özü də böyük günahların içində okeandakı gəmi kimi yırğalanır. Aydındır ki, böyük dalğalar və təlatümlər həmişə daha təhlükəli olur. Bu dalğalar böyüdükcə, gücləndikcə okeanda yırğalanan gəmini hər an sahilə ata bilər. Bax, elə dünyamız da günahların içərisində çalxalandıqca nə vaxtsa o da darmadağın dağıla bilər. Gündə bir hadisə baş verir. Mütəxəssislər deyirlər ki, təbiətdə anomal hadisələr cərəyan edir. Bir də görürsən ki, yazın ortasında qar yağdı, ya da göy üzünü sapsarı buludlar aldı və göydən qeyri-adi yağış yağmağa başladı. Bakıya yağan palçıqlı yağış elə bu cür anomal hadisələrin nəticəsi deyildimi? Dünya dağılır, ölkələr zəlzələyə, sunamiyə məruz qalır, bu faciədən insanlar nəticə çıxarmaq istəmirlər. Başa düşmək olmur, insana nə qədər xəbərdarlıq etmək olar? Əgər bu xəbərdarlıqlara məhəl qoymuruqsa, günahlarımızı daha da böyüdürüksə, görəsən bunun axırı nə olacaq? Bax, elə əsas məsələ də budur. Sadəcə olaraq, dünyada baş verən qeyri-adi hadisələrə qarşı hərə müxtəlif cür münasibət bəsləyir. Biri deyir ki, 2012-ci il dekabrın 21-i dünyanın sonudur, biri deyir ki, qiyamət günü yaxınlaşır, biri də deyir ki, bunların hamısı boş şeydir. Həmişə belə olub. Təbiət hadisələri baş verib, zəlzələlər yaranıb, sonra da hər şey öz axarına düşüb.
   
   Beləcə, insanlar özləri-özlərini aldatmaqda davam edirlər. Şirin yalanlara sığınıb dünyanı dağıtmaqda insan beyni hələ də öz işlərini görür. Yeni yaranan kəşflər, müxtəlif nüvə silahlarının sınaqdan keçirilməsi Yer kürəsinin ömrünü bir qədər də qısaldır. Dünyanın tarazlığı yer üzünün əşrəfi olan insan tərəfindən hər gün, hər saat, hər dəqiqə pozulur. İnsan daha fikirləşmir ki, bu tarazlığın pozulması nə vaxtsa həyatın sonu deməkdir. Həyatın sonu yaxınlaşanda isə böyük bəlalar - zəlzələlər, sunamilər, qasırğalar səngimir. Bir-birinin ardınca baş verən fəlakətlər Yer kürəsini bir qədər də silkələyir və onu zaman-zaman məhvə doğru sürükləyir.
   
   Hələ Yer kürəsi, dünyamız çox dözümlüdür və çox etibarlıdır. Çünki insanlar bu dünyanın başına olmazın müsibətlərini gətirirlər. Amma yenə dünyamız buna dözür. Əgər dünyamız bu gün dağılmayıbsa, alt-üst olmayıbsa, hardasa əməli-saleh və yaxşı insanların üzünə görə məhv olmayıb. Bu yaxşı insanlar olmasaydı, çoxdan hər şey alt-üst olmuşdu. Yəni dünya dağılmışdı, hər şey də bir göz qırpımında yerlə-yeksan olmuşdu.
   
   İnsanlar bir anlıq da olsa bəd əməllərindən əl çəksələr, haqqın yoluna qayıtsalar, bir-birinin qanına susamasalar, həyat daha rahat və sakit davam edər. Amma elə insanlar var ki, tökdükləri qandan ləzzət alır, nəinki bir-birini məhv etmək istəyir, hətta yaxşı nə varsa hamısının altını üstünə çevirməyə çan atır. Daha fikirləşmir ki, hər bir atdığı addım, hər bir gördüyü iş onun taleyinə yazılıb. Bu taleyə savab işdən çox günahlar yazılanda daha ağır olur. Çünki haqqın tərəzisi çəkiləndə günah işlər savabdan daha ağır olur. Bu da insanı zaman-zaman özündən uzaqlaşdırır və onu ağır günaha batırır. Günaha batmaqla yanaşı, bu insanlar dünyamıza da yük olur, öz əməlləri ilə başqaları üçün böyük təhlükə törədirlər. Bir təbiət hadisəsi baş verəndə o dəqiqə deyirlər ki, yəqin dünyanın axırıdır. Allaha şükür eləməliyik. Elə olmazmı ki, dünyanın axırı gəlməmişdən həmişə Allaha şükür eləyək və xirtdəyə qədər günaha batmayaq.
   
   Deyirlər ki, insan Allaha gündə üç dəfə dua eləməlidir, şükür eləməlidir. Görəsən heç olmasa bəzi vəzifəlilər, imkanlı adamlar çox yox, heç olmasa ayda bir dəfə Allaha dua edirmi? Və dua edirsə, nə deyir? Hər halda, günaha batmamaq üçün insan işıqlı yolla getməli, savab işlər görməli, ən azından kiminsə evini yıxmamalıdır.


YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-09-25


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ

Aşot Moskvadan bir urus qız alır. Gəlir İrəvanda da toy edir. Aradan on beş gün keçir, gəlin gileylənir:

- Bu necə olacaq, nə atanın, nə də ananın məndən xoşu gəlmir.

Aşot:

- Onları boş ver, əsas odur ki, müdirimin səndən xoşu gəlir.





digər lətifələr
ARXİV
FACEBOOK