Film izle hacklink kiralık bahis sitesi satılık bahis sitesi Adalet.az | QİYAMƏTƏ QALMASIN Adalet.az | QİYAMƏTƏ QALMASIN Adalet.az | Ədalət -
ANA SƏHİFƏ / YAZARLAR

QİYAMƏTƏ QALMASIN

21520    |   2011-01-22 05:52
Şriftin ölçüsü:
A+ Böyütmək
A+ Balacalaşdır

Günorta naharından sonra işə qayıdanda günəş həmişə çəpəki gözlərimə düşür. Necə olub ki, indiyəcən fikir verməmişəm?! Sən demə, payız-qış aylarında günəş batmağa gedəndə cənub tərəfə meyllənirmiş. Buna görə də şüaları düz deyil, maili düşür, havanı mülayimlətsə də, çox qızdıra bilmirmiş. Əslində, bunu dörd-beş il bundan qabaq kənd arvadlarından eşitmişdim. Eşitmişdim və onların diqqətinə, dərrakəsinə heyran qalmışdım. (Bizsə, ağlımız kəsəndən dünyanı dərk eləməkdən ötrü kəndimizdən çox-çox uzaqlara can atırıq). Yayın istisində düz başımızın üstündə od ələyə-ələyə gedib Kürlə Arazın qovuşağında boğula-boğula, dünyanı özünün tünd narıncı rənginə boyaya-boyaya batar, dalınca bu yerlərə cana yatan sərinlik göndərərdi. Nədən gün batanda adamın canı qərib bir duyğudan sıxılır, özünü hamı tərəfindən atılmış, unudulmuş hiss edir?! Sübh çağı üfüqdən boylananda ürəyinə dünya boyda işıq, sevinc bəxş edən kainat gözəlinin boğulub qaralmasını, istisiz, işıqsız olması niyə bu qədər ağır gəlir sənə. Bilə-bilə ki, bu gediş birdəfəlik deyil, yenə sabah açılacaq, yenə üfüqdən görünüb dünyanı nura boyayacaq, yenə kədərlənirsən. Bəlkə ona görə ki, dəqiq bilirsən, bu gün kimlərdən ötrü isə son gün idi və yenə kimlərsə, sabah doğan günəşi görməyəcək...
   
   ...Neçə illərdi təzə il ovqatı ürəklərdən, çöhrələrdən silinməmiş qəlbimi dağdan ağır qüssə bürüyür. Nəsə axtarıram, bir yerdə qərar tutmuram. Səbirsiz halımdan özümün də baş açmadığım bu günlərdə nə televizora baxmaq, nə də qəzet-jurnal açmaq istəmirəm. Əvəzində Aydan, Günəşdən, ulduzlardan, yağışdan, küləkdən, ağacdan, torpaqdan o gecəki qırğının, nahaq qanların, qırılmış ömürlərin, nakam arzu-diləklərin haqq-hesabını sormaq istəyirəm. İndiyədək təkrar-təkrar yazılanlar, gözü ilə görənlərin söhbətləri, günahkar axtaranlar, faciəni müxtəlif yöndən şərh edənlər mənə heç nə anlada bilmir, hər şeyi dərindən, lap əvvəlindən, kökündən bilmək istəyimi, yanğımı azaltmır. Bilirəm ki, səylərim əbəsdi: nə biliyim artacaq, nə ürəyim soyuyacaq. Əksinə, gündən-günə, ildən-ilə daha qaranlıq labirintdə ilişib qalıram. Ona görə ki, mənim axtardıqlarım, bilmək istədiklərim yazılarda, kitablarda deyil. Bu, əzəli və əbədi bir çarpışmanın, savaşın bu günümüzəcən açılmamış düyünü, çözülməmiş taleyidi! Nəsildən-nəsilə ötürülən dönməz ruhların, qatlanmaz dizlərin, əyilməz başların cəngidi! Bunsuz elə Günəş özü də yer üzündə qəribdi, işıqsız, istisizdi...
   
   
   
   ***
   
   
   
    İş yoldaşım şairədi. Bayaq otağına getmişdim. Deyir ki, Mübariz İbrahimov haqqında poema yazmaq istəyirəm. Bu yaxınlarda evlərinə getmişdim. Ata-anasının söhbətləri adama elə şeylərdən xəbər verir ki,... Düşünürsən, belələri dünyaya məhz qəhrəmanlıq missiyası ilə gəlirlər, onlar başqa cür də yaşaya bilməzdilər. Mübarizin düşmən arxasına keçməmişdən qabaq özünü necə aparması, dediyi sözlər ilahi bir taledən xəbər verir...
   
   Cavabında mən də dedim ki, belə oğulları itirəndən sonra özümə yer tapa bilmirəm. Elə bilirəm dünyanın işığı, istisi azalır, tənhalığın, kimsəsizliyin buz nəfəsi əhdimi kəsir. Onlar ömrümüzdə işıq kimidilər. Vaxtında hiss eləmirik, necə igidlərin arasında yaşadığımızın fərqində olmuruq. Axı, heç kimi alnına yazılmır ki, oxuyub kimliyini biləsən. Məqamı çatanda... Onlar gedirlər. Gedirlər və bizləri də həmişəlik həsrət, nisgil yanğısının qoynuna salırlar. Yaşadığına, nəfəs aldığına, işıqlı dünyada gəzdiyinə görə xəcalət çəkirsən, " o, məndən daha çox layiq idi bu həyata" deyirsən. Uşaqlıqda "Uzaq sahillərdə" filminə baxandan sonra həftələrlə özümə gələ bilmirdim. Çoxumuz beləydik. "Mixaylo" kimi cəsurlarla bir yerdə vuruşmaq, bir yerdə ölmək əlçatmaz bəxtəvərlikdi bizlərdən ötrü. Yeddinci sinifdə oxuyanda bir dəfə qızlarla "Azərbaycan tarixi" dərsliyini vərəqləyirdik. Böyük Vətən müharibəsi bölməsində snayper Ziba Qəniyevanın, təyyarəçi Züleyxa Seyidməmmədovanın şəkillərinə heyran-heyran xeyli baxdıq. Qızlarımızdan biri barmağını Ziba Qəniyevanın şəklinin üstünə qoyub dedi:
   
   - Kaş, bunun yerinə olaydım...
   
   - Sən də öləydin?- bunu da mən soruşdum.
   
   - Hə, mən də öləydim...
   
   Təsəvvür edirsinizmi, o zaman bir anlıq da olsa, mən də rəfiqəmə qibtə elədim... Fikirləşdim ki, onun şəkli tarix kitablarında qalacaq, bizimki yox...
   
   Heç birimiz qəhrəman olmadıq. Amma taleyimizə xalqımızın azadlıq vuruşunun, qəhrəmanlıq tarixinin şahidi olmaq yazılıbmış. Doğma yurd-yuvasından didərgin salınanları da gördük, torpaq uğrunda canını-qanını əsirgəməyənləri də. Aramızda Vətənin taleyini hərraca qoyanların, millətin qanı ilə oynayanların da olduğunu anladıq. Nifrətlə qüruru yanaşı yaşadıq. Tarix kitablarını yada saldıq, öyrəndiklərimizi, bildiklərimizi köməyə çağırdıq. Dünyanın qanla yoğrulan tarixində öz səhifələrimizi görüb sakitləşdik: "Biz də varıq! Dünən də vardıq! Sabah da olacağıq!"
   
   
   
   ***
   
   
   
   Gərək ki, dördüncü sinif dərsliyində idi. 9 Yanvar- Qanlı Bazar gününə həsr olunmuş şeir və şəkil. Ağappaq qarın üstündə qara-qara insan cəsədləri. Elə bu şəkilnən də yanvar qara ay kimi yazılmışdı bizim nəslin yaddaşına. Unutmaq olmur. Uşağın yaddaşı maqnit kimidi. Sonralar fikrində çox şeylər dəyişsə də, əbədi dəyişməz olanlar da çoxdu. Elə yanvarın rəngi kimi...
   
   Hələ dünyaya deyiləsi çox sözümüz var. Qisasımızı almalıyıq! Birliyimiznən, dirçəlişimiznən, gücümüz-qüdrətimiznən. Ah-naləynən, inilti-sızıltıynan yox! Ekran qaralan kimi Babəki, Cavad xanı unutmaqnan yox! Lap elə yaddaşımızın möhkəmliyiynən, ağı qaradan seçməyimiznən, dostu düşməndən ayırmağımıznan qisasımızı almalıyıq!
   
   "Daha bundan belə nə düşmənə veriləsi, nə də şəhidlər xiyabanı salınası bir qarış torpağımız da yoxdur!" deməyimiznən qısas almalıyıq!..


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-10-17
2019-10-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (83.33%)
Pullsuz (16.67%)

ÇOX OXUNAN
GÜNÜN LƏTİFƏSİ

Millət vəkili Elman Məmmədov bir tədbirdən çıxanda bir xanım ona yaxınlaşaraq:

- Müəllim, səhv etmirəmsə, siz mənim uşaqlarımdan birinin atasısınız.

Elman müəllim təlaşla:

- Məəən?

Xanım:

- Müəllim, təlaşa düşməyin, mən müəlliməyəm, dərs dediyim uşaqları nəzərdə tuturam.





digər lətifələr
ARXİV
FACEBOOK