hacklink Adalet.az | "YUXULARDA ÇIXDIM YOLA" Adalet.az | "YUXULARDA ÇIXDIM YOLA" Adalet.az | Ədalət -
ANA SƏHİFƏ / YAZARLAR

"YUXULARDA ÇIXDIM YOLA"

Esse

25884    |   2011-01-08 06:11
Şriftin ölçüsü:
A+ Böyütmək
A+ Balacalaşdır

Hardan tapıb çıxartdın bu mahnını, ay zalım?! Daha bizim "Alabəzək yuxular" görən vaxtımız deyil, axıg Bir zamanlar görərdik... Və dünyanın min bir rəngi dolardı o yuxulara. Əslində, elə həyatımız da al-əlvan idi, heç yuxulardan seçilməzdi. Bu rənglərin getdikcə bir az da açılıb parlayacağına, göz qamaşdıracağına inanardıq. Niyə də inanmayaydıq?! Ömrün elə çağlarıydı ki, inamımızın ətəklərindən tutub göyün yeddinci qatlarında, bəlkə heç indiyəcən kimsəyə bəlli olmayan qatlarında süzürdük. Ömrümüz elə özü bir şirin yuxuydu.Yuxulara ehtiyacımız da yoxdu. Özləri gəlirdilər, kirpiklərimizin arasından keçib bəbəklərimizə dolurdular. Günlərimiz elə parlaq, şirin, işıqla, sevgiylə doluydu ki, yuxulardakı aldadıcı təsəllilərə qane ola bilməzdik. Gecə gördüklərimizi gündüz heç xatırlamırdıq da. Amma yuxular özünü gözə soxurdu. Hamısı da tərsinə yozulurdu. Öpüş ayrılıq idi, gülmək ağlamaq. Pul tapmaq ehtiyaca yozulurdu, ayaqqabı darlığa, sıxıntıya. Ölmək, saçın uzanması uzun ömür sayılırdı, bulanıq sularda çimmək xəstəlik. Bunlar uzun illərin sınağı sayılsa da, hərənin öz yuxuları, öz sirli dünyası vardı. Gözlər qapanan kimi hərə öz dünyasına uçurdu. Ağlımız kəsməyəndə qorxular meydan sulayırdı yuxularımızda. Məktəb yolundakı fermanın bəd itləri, hər axşamçağı naxır kəndə dönəndə uşaqlara sarısını udduran, vurağan sarı inək, böyüklərin dediyinə görə məscidin arxasındakı qalın böyürtkən kolluğunda "məskən salmış", birini öldürsən, o birilərin dünyanın o başına qaçsan da, səni tapıb intiqamını almağa hazır olan yeddi qardaş ilanlar pəncərədən sübh şəfəqi görünənəcən göz verib-işıq vermirdi. Gündüz gəzib-dolandığımız, qaçıb oynadığımız yerləri göz önünə gətirə-gətirə kirpiklərimiz qovuşanda boz-qaranlıq aləmin əcaib qüvvələri elə bil yorğan-döşəyimizə doluşardı. Yuxuda hıçqıra-hıçqıra ağlayardıq da, qışqırıb yerimizdən dik qalxardıq da. Elə o saat da yuxulu analarımızın, nənələrimizin yorğan-döşəyinin böyründə hazır qoyduğu sərin sudan içib təzədən başımızı yastığa atardıq...
   
   
   
   ***
   
   Beş-on günlük çağa da yuxuda gah qaşlarını çatıb, dodaqlarını büzərək ağlamsınır, gah da dişsiz damağını göstərib şirin-şirin gülür. İlahi, doğrudanmı, o da yuxu görür?! Onu güldürən kimdi, ağladan nədi?! Eşitmişdim ki, qırxı çıxanacan körpələr görmürlər. İnanmamışdım. Həkimlər də bunu deyəndə içimi buz kəsdi. Deməli, qırx gündə ancaq yuxu görürlər, yuxulu bir ömür sürürlər. Dünyaya gələn andan ağızlarını gəzdirib yemək axtarırlar, səsi bilirlər, ana ağuşunu hiss edirlər. Bəs, yuxuda kimləri, nələri görürlər?! Tanrım, sənin qüdrətini dərk eləməkçin elə qırx gün bir çağanı seyr eləmək kifayətdi. Dur beşiyinin başında, gözlərini bu məsum varlığın çöhrəsindən ayırma. Ömrün boyu cild-cild kitablardan, mənimsədiyin hikmətlərdən, kəlamlardan öyrənmədiyini, anlamadığını bu nur topasından alarsan. Onda görərsən ki, sən dünyanı və öz həyatını nə qədər bəsit görmüsən, nə qədər az duymusan. Özünə və başqalarına qarşı necə zalım və qəddar davranmısan. Anlaqsız hərəkətlərinlə gözəllikləri eybəcərləşdirmiş, şux rəngləri soldurmusan. O məsum çöhrədə oynaşan işıqları, sözsüz danışan qımıltıları nəynən ifadə edə bilərsən?! Bəlkə sözlə, ya səslə?! Ya da qələmi, fırçanı yoxla. Gör bacararsanmı?! Deyəsən, alınmır. Oxşada bilərsən, tam ehtivası isə... Müşkül işdi. Etiraf elə, əlinin dalını yerə qoy. Yaratmağı bacarmadınsa, onda heyrət elə, heyran olmağı bacar. Bütün tapıntılar burdan-heyranlıq nöqtəsindən başlanır. Səni heyran edirlərsə, sən də borclu qalmamalısan. Ancaq heyran olmağı bacaranlar heyrət doğura bilirlər...
   
   
   
   ***
   
   O isə hələ yuxudadı. Görən bilirmi atası-anası var?! Gündüzlər Günəşin işıq saçıb isitdiyini, gecələr Ayın soyuq-soyuq üzüaşağı-üzüyuxarı gəzdiyini duyurmu?! Bic-bic göz vuran ulduzlardan, vıyıltıynan ötüb meşədə itib-batan küləklərdən necə, xəbəri varmı?! Lap elə gecəni gündüzə qarışdırıb saatlarla yatdığının, dəqiqələrlə ağladığının fərqindədimi?!..
   
   Qırx ötüncə ürək dözmür, min cür xəyallara düşürsən: birdən heç qırx gündən sonra da görmədi?! Ömürlük qaranlıq yuxuların qoynundamı qalacaq?! Yox, yox! Mənə demə ki, yuxular həyatdan gözəldi. Bu zalım həyat elə öz zalımlığı ilə, acısı-şirini ilə, gözlənti və üzüntüləri ilə yuxulardan üstündü. Bu yuxular dünyanın bütün əlvan rənglərini özündə cilvələndirsə də, nə qədər uzansa da, həyatın bir anını verə bilməz. Həyat qat-qat gözəldi. Ancaq... müəyyən vaxta qədər. Vurğunluq, heyranlıq limiti bitənəcən. Ömrün günəşi qaralıb könül dünyasını zülmət qaranlığın buz nəfəsi kəsənə qədər şirindi həyat. Bundan sonra ümid yuxulara qalır. Sən-hər şeydən əllərini üzmüş biçarə indi də yuxularda yola çıxırsan. Gerçəklikdə tapmadıqlarını, əlindən alınanları axtarmağa yollanırsan. Ayaq götürdüyün nöqtədən məchulluğadək uzanan yuxu ömrünü ruhunun sahibi idarə edir. İstəsən də, istəməsən də belədi. Ancaq istəyirsən bunu. Belə rahatsan, bədənindən, çəkindən ayrılmısan. Nə çörək, nə paltar dərdi çəkirsən. İşini itirmək, evsizlik, xəstəlik qorxusu bədəninlə birgə tərk edib səni. Dəryada balıq kimisən, lap ondan da üstünsən. Balığın canında tilov-qırmaq xofu var. Bu yuxunun bitməsini istəmirsən. Yuxuda sevgilərin də özgə dadı, özgə şirinliyi olur. Gerçəklikdə qismətinə düşməyən, dada bilmədiyin şirinlik... Ayıqlıqda gedə bilmədiyin yerlərə gedirsən, görə bilmədiklərini görürsən. İki dünya arasındakı sərhəd də itib səndən ötrü. Yaşının çatmadığı adamlarla da görüşə bilirsən. Gerçək dünyada isə bu mümkün deyil. Nəinki iki dünya, heç ölkələr arasında sərhədlər də götürülənə oxşamır. Utanıb deyə bilmədiklərin rahatca ağzından tökülür, illərdən bəri acığını, hirsini çıxa bilmədiklərinə dişinin dibindən çıxanı deyirsən. Ürəyin boşalır, canın dincəlir. Qəzəbin tutanı döyürsən də. Amma nə sənin əlin ağrıdır, nə də onun canı inciyir. Hə, axı, siz can deyilsiniz. Siz ruhsunuz...
   
   Bəlkə heç ayılmayasan bu yuxulardan?! Ayılıb gerçəklikdən sıxıldığın, təzədən o sehrli röyaların qoynuna dönməyi şiddətlə arzuladığın məqamları unuda bilərsənmi?!...
   
   
   
   ***
   
   O isə hələ oxuyur. Otuz il, qırx il bundən qabaq necə oxuyurdusa, elə də oxuyur. Elə o vaxtlar gördüyü ala-bəzək yuxular haqqında oxuyur. Yuxularında yola çıxırmış, göydən ulduzları yolurmuş... Ürəkdən, şövqlə oxuyur. İnanır ki, qulaq asanlar da ona inanır. Bunlar hələ alabəzək yuxular görənlərdi. Amma... bu yuxuların qısa, ani və sonda həmişəlik olduğunu bilənlər də var... Və onlar yuxu görmək istəmirlər.
   
   Onu da bilir ki, daha bu adamlar özlərini aldatmaqdan yorulublar...


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-11-15


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (93.33%)
Pullsuz (6.67%)

ÇOX OXUNAN
GÜNÜN LƏTİFƏSİ
"- Orda danışdığın anektodu mənə də danışa bilərsən?"

"Lavrov: 

- Hansını? Mollanın Teymurla olan fil anektodunu?"



digər lətifələr
ARXİV
FACEBOOK