ANA SƏHİFƏ / YAZARLAR

ALTMIŞIN HEÇ NƏYƏ DƏXLİ YOXDU

Aydın Ağazadə də altmışın belini sındırdı

91976    |   2015-02-18 01:09
Şriftin ölçüsü:
A+ Böyütmək
A+ Balacalaşdır

Hər dəfə, xüsusilə dostların əhatəsinə düşəndə müxtəlif xatirələr adamın yaddaşını təzələyir, söz-sözü çəkir, fikir fikrə calanır. Və bir də baxıb görürsən ki, çox-çox uzaq illərə, uzaq yerlərə gedib çıxmısan. Açığını deyim ki, hərdən o yerlərdən üzü bəri qayıdıb gəlmək də istəmir adam. Şəxsən mən nostalji hisslərin bir növ dəlisiyəm. Elə məni ayaqda saxlayan bəlkə də həmin o dəliliyimdi. Və mən ötənlərin səhifələrini çevirdikcə uğurlu, yaddaqalan anların sayının daha çox olduğunu hiss edirəm. Bu da mənə müəyyən yazıları yazmaqda, müəyyən fikirləri səsləndirməkdə stimul verir. Elə bu yazımda olduğu kimi...
Tam səmimiyyətlə deyim ki, mən bir yazı adamı olaraq onunla şəxsi tanışlığa "Ədalət"də başladım. Bundan öncə sadəcə onun barəsində eşitmişdim. Dostlar hərdənbir onun zarafatlarından, atmacalarından söz açırdılar. Bu da mənim yaddaşımda ilişib qalırdı. Həyat elə gətirdi ki, günlərin bir günündə "Ədalət" dünyaya gəldi və onun damı altında bizim yollarımız kəsişdi. Mən bu eynəkli oğlanı onda daha yaxından tanıdım. Necə deyərlər, adını eşitdiyim igidin üzünü də gördüm. Bu igid isə Aydın Ağazadə idi!..
Bir səmimi etiraf da edim. Yəqin Aydını yaxından tanıyanlar da mənim bu etirafımla razılaşarlar. Çünki Aydın Ağazadə mənim yaddamışda, mənim həyatımda, mənim dostlarımın sırasında daha çox "tikansız" adam kimi qalıb. Yəni bu adam heç kimə problem yaratmağı qarşısına məqsəd qoymayıb. O, işlədiyi bütün ünvanlarda tam səmimiyyəti ilə, öz dünyasının adamı olması ilə seçilibdi. Bu günə qədər mən kiminsə Aydın haqqında ağız büzdüyünü, arxasınca danışdığını eşitməmişəm. Düzdü, biz dostlar ondan danışırıq. Təbii ki, daha çox onun zarafatlarından, onun özünəməxsus jetslərindən və bir də mənim duyduğuma görə, çox kövrək və həssas olmasından. Yeri gəlmişkən, bir xatirəni təzələmək istəyirəm...
Dağlıq Qarabağda hadisələrin ən gərgin anları yaşanırdı. Burada fəaliyyət göstərən Respublika Təşkilat Komitəsi vəziyyətə müəyyən qədər nəzarət etsə də, amma ermənilər öz bildiklərindən qalmırdılar. Onda vilayət daxili işlər idarəsində rəis müavini vəzifəsini hadisələrin canlı iştirakçısı olan, dəfələrlə ölümlə üz-üzə gələn və ermənilər tərəfindən həmişə ehtiyatla yanaşılan Sabir Məmmədov idi. Günlərin birində Aydın Ağazadə "Ədalət" qəzetinin əməkdaşı kimi Xankəndində baş verən hadisələri daxildən görmək və gördüklərinə reportajlar hazırlamaq arzusu ilə qəzet rəhbərliyinə müraciət etdi və Aqil Abbasın vasitəsilə Xankəndinə, iş yerinə tələsən polis polkovniki Sadir Məmmədov öz xidməti maşınında Aydın Ağazadəni də Ağdamdan götürüb özü ilə Ağdama apardı. Belə bir ağır şəraitdə şəhərli balasının hadisələrin ocağına getməsi redaksiya rəhbərliyini çox narahat etmişdi. Təsəvvür edin ki, Aydın Ağazadənin Xankəndindən geri qayıtdığı ana qədər yaşanan gərginliyin, narahatlığın sözlə ifadəsi mümkün deyil. Hətta sonralar Aqil Abbas zarafatla deyirdi ki, Aydın Xankəndinə gedib gələnə kimi mən nələr yaşadım onu bir Allah bilir. Bu, təkcə qəzet rəhbərliyinin Aydına sevgisi deyildi, əməkdaşa diqqəti deyildi, bu həm də şəhərdə yaşamış, böyümüş bir qəzetçinin torpağa olan sevgisinə sayqı idi. Və həmin səfərdən sonra həm polkovnik Sadir Məmmədov, həm də Aydını Xankəndində görənlər bildirirdilər ki, bu eynəkli oğlan az qala qarşısına çıxan ermənilərin hamısına "ilişir"di. Öz sualları ilə, öz prikolları ilə onlardan informasiya qoparmağa çalışırdı. Hətta daxili işlər idarəsinin içərisindəki erməni əməkdaşları da onun hər kəsə etinasız, saymazyana, əsl torpaq sahibi və jurnalist kimi təsir etməsi onları çaş-baş salmışdı.
Bəli, Aydın Ağazadə istər teleradioda işləyəndə, istər yazılı mətbuatda, yəni "Azərbaycan", "Ədalət" qəzetlərində çıxış edəndə reallığı, gördüyü və onu düşündürən hadisələri qələmə almaqda çəkinməmişdi. Hətta onun bəzən heç nədən mövzu yaratması, mövzu tapıb qəzet səhifəsinə çıxarması da indinin özündə də "köhnə" "Ədalət"çilərin yadında qalmaqdadı. Aydın Ağazadə həm də bir yazıçı-dramaturq kim də cəmiyyətdə öz imzasını təsdiq edibdi. Şəxsən mən onun əsərlərini oxuyanda elə bilirəm ki, həmin əsərlərin qəhrəmanlarından biri də məhz müəllifin özüdü. Çünki Aydın Ağazadə öz səmimiyyətini qələminə hopdurubdu. Bu mənada onun "Cəllad aman istəyir", "Əbədi Selcan", "Sabun köpüyü" kitablarında oxucuya təqdim olunan mənzərələr həyatın həm də görüntüləri və diktəsidi.
Teatrsevərlər Aydın Ağazadənin "Sonuncu şahid", "Baş tutmayan elçilik", "Dahi", "O dünyada görüşərik" pyeslərini də yəqin ki, unutmayıblar. Ən maraqlısı budur ki, Mədəniyyət və İncəsənət Universitetinin teatrşünaslıq, sonra Dövlət Universitetinin hüquq fakültəsini bitirən Aydın Ağazadə bütün sevgisini qələmə, yazıya bağlayıb. Yəni onun qələmi həmişə içində, varlığında olan sözün xidmətində dayanıbdı. Özü də bunu xüsusi qeyd etməliyəm ki, Aydın Ağazadənin qələmi və sözü təmənnasız, həm də minnət götürməyən qələm və sözdü. Təbii ki, bu da onun səmimiyyətindən və saflığından qaynaqlanır.
Həyatın müxtəlif sınaqları ilə üzləşmiş və hər dəfə də qarşılaşdığı problemlərin kürəyini yerə vurmağı bacarmış Aydın Ağazadə bu gün məsul bir vəzifədə çalışır, ədliyyə müşaviridi. Ancaq onun qələmi və sözü yenə də oxucuların qulluğundadı. Mən 60 yaşı tamam olan dostumun bütöv həyatının yalnız müəyyən məqamlarını diqqətə çatdırdım. Ona görə ki, onun tutduğu vəzifə, onun təmsil etdiyi qurum reklamdan bir qədər sərhəd saxlayır. Yəni mənim dostum dolayısı ilə desəm, hüquq, qanun adamıdı. Mən onun barəsində daha geniş, daha ətraflı yazımı günlərin birində yəqin ki, elə onun özünə və oxucularına təqdim edəcəyəm. Amma onu deməyi özümə borc bilirəm ki, Aydın Ağazadənin 60 yaşını təbrik edən Azərbaycan Yazıçılar Birliyinin ona ünvanlanmış məktubunda belə bir cümlə var: "Hörmətli Aydın müəllim! Sizi - tanınmış yazıçı-publisisti 60 illik yubileyiniz münasibəti ilə təbrik edirik". Mənə elə gəlir ki, bu sözlərdən sonra biz dostlar da bu fikirləri həmin təbrikə əlavə edə bilərik:
- Aydın Ağazadə! Biz "Ədalət"çilər də "köhnə" "Ədalət"çi Aydın müəllimi 60 yaşı münasibəti ilə ürəkdən təbrik edir və sizi həmişə öz cərgəmizdə görürük. Siz faktiki başqa bir ünvanda çalışsanız da, sizin sözünüz, söhbətiniz, sizlə bağlı xatirələriniz həmişə bizim dilimizdə, bizim yanımızdadı. Odur ki, bu əl boyda təbrikimizi sənə ünvanlayırıq.
... Bəli, zamanın sürəti, arxada qalan illər bizi bir-birimizə doğmalaşdıran həyat, onun bizlərə bağışladığı könül xoşluğu və nəhayət, bir-birimiz üçün müxtəlif məqamlarda keçirdiyimiz müxtəlif hisslər bizim hələ yaşamalı illərimizin, günlərimizin qarşıda olduğunu söyləyir. Ona görə də sənə demək istəyirəm ki, əzizim Aydın, altmışın hələ heç nəyə dəxli yoxdu. Çünki qabaqda görüləsi işlər və Xankəndinə səfərlər var. Bunu gəl unutmayıq!



YAZARIN ARXİVİ

2018-02-01 : "O SÖZƏCƏN..."
2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : MƏKTUB…
2016-08-12 : HAVA
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : ÜZ SUYU
2015-11-13 : Tofiq Abdinlə
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : PERSONAJ
2007-10-06 : ƏBƏDİ ÜNVAN
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-06-23
11:09 İNSAN
2018-06-22
17:29 ÜMİD


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Sizcə bu komandalardan hansı çempion olacaq?

Braziliya (36.37%)
Argentina (9.09%)
İspaniya (18.18%)
Almanıya (36.36%)
Fransa (0%)

ÇOX OXUNAN
GÜNÜN LƏTİFƏSİ

Ermənilərlə bacı-qardaş olduğumuz vaxtlardı. Moskvada Yazıçılar Evinin restoranında Zakir Fəxri yeyib-içir. Bu vaxt bir erməni yazıçı da gəlib onunla bir stolda oturur. Hesab vaxtı gələndə erməninin 20 qəpiyi düşür stolun altına. Erməni əyilib pulu axtarır. Zakir Fəxri dərhal bir iyirmi beşliyi yandırıb tutur stolun altına, erməniyə deyir:

- Kirvə, axtar.

Erməni pərt olur. Restorandan çıxırlar, asılqandan paltolarını götürəndə erməni Zakirin acığına asılqanda işləyən kişiyə bir əllilik verir.

Zakir əlini atır cibinə, görür ki, o qədər pulu yoxdu, əlini yelləyib deyir:

- Brat, paltonu bağışladım sənə, geyinərsən. Mən dünən QUM-dan fransuzski əla bir palto almışam.





digər lətifələr
ARXİV
FACEBOOK