Film izle hacklink kiralık bahis sitesi satılık bahis sitesi Adalet.az | Mayklın Mikayıl olmaqlığı Adalet.az | Mayklın Mikayıl olmaqlığı Adalet.az | Ədalət -
ANA SƏHİFƏ / YAZARLAR

Mayklın Mikayıl olmaqlığı

Cekson Aygünlə duet oxumağa, Natəvanla isə saçyolduya çıxmağa hazırlaşır

24993    |   2008-11-29 03:37
Şriftin ölçüsü:
A+ Böyütmək
A+ Balacalaşdır

Sayımız bir nəfər də artdı. Adı dillərdə əzbər olan müğənni Maykl Cekson da biz tərəfə keçdi. Bu qarmaqarışıq havada Binəyə gedib Amerikadan gələn təyyarəni gözləməyə dəyməz. Ən böyük konsert salonumuzun kassası qabağında növbəyə durmağa da tələsməyin. Dünya şöhrətli müğənni solo konsert vermək üçün Bakıya gəlməyə hələ ki hazırlaşmır. Onun biz tərəfə keçməyi tamam başqa məsələdi. Maykl müsəlmanlara tərəf gəlib və hamıdan tələb edib ki, onu bundan sonra Mikayıl kimi çağırsınlar.
   
   Mikayılın başına əvvəllər çox işlər gəlib. Plastik əməliyyat olunmadığı yeri demək olar ki, qalmayıb. Yaxası dəfələrlə məhkəmələrin əlinə düşüb. Özü də nə üstə - uşaqbazlıqdan tutmuş işçilərinə "pul atmağına" qədər...
   
   İndi yenə də Mikayılın adı dünya mətbuatının diqqətindədi. Hamı ondan yazır, ondan danışır. İlin-günün bu vaxtında Maykl Cekson kimi məşhur xaçpərəstin müsəlman olmağı balaca məsələ deyil. Əvvəllər bu bəlkə də sıradan bir olay sayılardı. Amma bu gün beynəlxalq vəziyyət ingiliscədi. Amerika Üsamə bin Ladeni günün günorta vaxtı çıraqla axtarır. Amma onu gördüm deyən tapılmır. Planetin ən reytinqli terrorçusu bütün xaçpərəst aləmini qorxu altında saxladığı bir zamanda dünyanın bir nömrəli estrada ulduzu müsəlmanlığı qəbul etdiyini deyir.
   
   Mikayıl işin ən çətinini gördü, qaldı xırda-para məsələlər. Xırda-para məsələlər də ibarət olsun Azərbaycan şou-biznesinə qatılmaqdan. Yəni kiminsə bostanına kərpic atmaqdan, kirayəyə götürdüyü parikini yonmaqdan, qohumunun təzə mənzilini öz halal evi kimi göstərməkdən, ayıb da olmasın, gecə yatmaq üçün sponsor tapmaqdan, kreditə avtomobil götürüb pulunu ödəyə bilməməkdən, efirə çıxıb boş-boş danışmaqdan və belə bu kimi işlərdən.
   
   Ürəyimə damıb ki, mahnıları, özünəməxsus rəqsləri, bahalı klipləri, satışına görə rekordlar qıran albomları ilə dünyada adından söz etdirən Mikayıl məhz bizim şou-biznesə qoşulacaq. Yəqin azdan-çoxdan xəbəri var, son illər bizim tərəflərdə şou-biznesin sürətlə inkişafı üçün münbit şərait yaradılıb, hüquqi baza formalaşdırılıb. Şou-bizneslə məşğul olmaq istəyənə heç kim gözün üstə qaşın var deyə bilməz. Demək istəyənin gözünə elə bir yumruq ilişdirərlər ki, neçənci ildə, hansı bölgədə doğulduğu yadına düşməz. Bütün rəsmi və qeyri-rəsmi statistika sübut edir ki, MDB məkanında ən güclü şou-biznes biz tərəflərdədi. Özünüz də barmaq hesabı hesablaya bilərsiz, Tarkan, Rafet El Roman, Alişan, Mahsun Kırmızıgül, Ebru Gündeş niyə ildə dörd dəfə Belarusa, Moldovaya yox, məhz Azərbaycana gəlir? Çelik öz restoranını niyə Baltikyanı ölkələrində deyil, Bakıda açır? Statistika Vüqar Əhmədin şeir yazmağı deyil, ağzına gələni toqquşdurasan. Çox ciddi işdi, ortada gərək dəqiq rəqəmlər ola. Statistikanın da biz tərəfdə olduğundan əminəm ki, Mikayıl Azərbaycan şou-biznesinə qatılacaq.
   
   Çox keçməz, uzağı bir-iki günə səhər tezdən televizoru açanda Mikayılı bizim telekanallarda görəcəyik. "Hacı Qəmbər" pyesindəki Qıdı kirvənin sözü olmasın, kanalımız bol, şou-verilişlərimiz də günün 24 saatı efirlərdən düşmür. Mikayılın Aygün Kazımovayla duet oxumağa, Natəvanla saçyolduya çıxmağa, Əli Mirəliyevlə dalaşmağa, Manafla yarışmağa vaxtı olacaq. Hələ mən onun telekanallarımızın mətbəx verilişlərində xaş bişirməyini yazmıram.
   
   Mikayılın xaş bişirməyinə bəlkə də baxaram, amma üz vurmayın, həmin xaşı yeməyə söz vermirəm. Lap yanında "Bəy" arağı olsa da...
   
   


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-23


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK