Film izle hacklink kiralık bahis sitesi satılık bahis sitesi Adalet.az | Məhləmizdə su və mahnı festivalı Adalet.az | Məhləmizdə su və mahnı festivalı Adalet.az | Ədalət -
ANA SƏHİFƏ / YAZARLAR

Məhləmizdə su və mahnı festivalı

Kuzəni gözəllərin əlindən alan kişilərin nəvələri indi qadınların çantasından mobil telefon oğurlayır

30190    |   2008-11-01 01:06
Şriftin ölçüsü:
A+ Böyütmək
A+ Balacalaşdır

Məhləmizə söz ola bilməz. Keçmiş zamanların məşhur meyxanasında deyildiyi kimi
   
   
   
   Məhlə bizim məhlədi,
   
   Ermənilər xəstədi.
   
   
   
   Yazıq ermənilər qoy öz yerlərində qalsınlar, onlarla nə işimiz? Onsuz da ermənilər bizdən qorxur. Yaxşısı budu yığışıb başqa məsələlərdən danışaq. O gün bütün xoşbəxt azərbaycanlılar kimi işdən evə qayıdırdım. Nə görsəm yaxşıdı? Məhlədə bir qələbəlik var, gəl görəsən. Məmə deyəndən Xan kababı yeyənəcən hamı əlində vedrə üzü aşağı gəlir. Əvvəl elə bildim populyar Hollivud rejissorlarından kimsə növbəti dəfə "Oskar" almaq, keçmiş arvadına aliment borcunu qaytarmaq üçün bizim məhlədə təzə kino çəkir. Sonra gördüm ki, yox, vəziyyət başqadı. Mahnı mahnıya qarışıb. Bəziləri gənc müğənni Ayazın ifasında dillərə düşən, şou-biznesdə əməllicə müzakirə mövzusuna çevrilən "Almalarınla" mahnısının sözlərini dəyişib oxuyur:
   
   
   
   Vedrələrinlə, vedrələrinlə,
   
   Ürəyimi yandırdın, vedrələrinlə
   
   
   
   
   
   Məhləmizdəki qonşular arasında xalq mahnısı oxuyanlar da vardı, düzdü, onların səsi bir qədər zəif gəlirdi
   
   
   
   Sudan gələn sürməli qız,
   
   Çox incidir kuzə səni.
   
   Elə naz ilə gəlirsən,
   
   Aparırlar bizə səni.
   
   
   
   Bu mahnını eşidən kimi barmağımı dişlədim. Dedim yəqin məhləmizdə mahnı festivalı təşkil olunub. Mahnı mahnıya qarışandan sonra nəhayət ki, işin nə yerdə olduğunu öyrəndim. Nə Hollivud, nə film, nə mahnı, nə festival? Sadəcə, məhləmizdə su gəlmirmiş... Mən də elə bilirdim qonşularımız kefdən oxuyur.
   
   Suyun məhləmizdən qaçaq düşdüyünü öyrənincə qanım qaraldı. Çünki susuz məhlə nəğməkar-şair Vüqar Əhmədin şeirləri kimi bir şeydi. Bu məsələnin bədii tərəfi. Problemə siyasi cəhətdən yanaşanda isə belə yazmaq olar - Suzuz məhlə prezidentsiz "Ağ Ev" kimidi.
   
   Gecədən xeyli keçməsinə baxmayaraq, məhləmizdən boş vedrə səsi, mahnı sədası əskik olmadı. Ürəyim bir anlıq dağa döndü. Necə də sevinməyəsən? Beş-altı il əvvəl yarımca saat susuz qalan qonşularımız bütün Bakını bir-birinə vururdu. Söyüşün, qarğışın biri 30 qəpikdən olurdu. Mahnı kimin yadına düşürdü? Hamı əlinə yabadan, baltadan götürüb gedirdi düz Su Nazirliyinin qarşısına. Nazirliyin qabağında çadır quran kim, kabab çəkən kim... Artıq zaman dəyişib. İnkişaf göz qabağındadı. İndi piket eləmək istəyənə bizim qonşular tərs baxır. Suyun gəlmir, kef elə, mahnı oxu. Avropa standartları nəhayət bizim məhləyə də gəlməkdədi.
   
   Düzdü, Avropa standartlarını tam mənimsəyə bilməmişik. Bəzi sahələrdə problemlərimiz hələ də qalır. Bayaq yazdığım kimi babalarımız "Kuzəni əlindən allam"-deyib su gətirən gözəllərə kömək edir, onların qayğısına qalırdılar. Amma həmin igid kişilərin nəvələri indi bir göz qırpımında avtobusda, metroda xanımların mobil telefonlarını oxurlayır, üstündən də yuxu dərmanı qatılan araq içir.
   
   Xaraktercə nikbin adamam, yəqin ki, məhləmizdə xırda-para qüsurlar aradan qalxacaq. Fil balası da yavaş-yavaş böyüyüb fil olur. Sulu təpə birdən -birə tikilməyib ki...
   
   


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (60%)
"Sevilya" (40%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK