Film izle hacklink kiralık bahis sitesi satılık bahis sitesi Adalet.az | ARSIZ Adalet.az | ARSIZ Adalet.az | Ədalət -
ANA SƏHİFƏ / YAZARLAR

ARSIZ

200045    |   2008-03-08 02:47
Şriftin ölçüsü:
A+ Böyütmək
A+ Balacalaşdır

Bilmirəm, kimsə belə bir fikir söyləyib: "Xoşbəxt o adamdır ki, hər şeyi anlayır". Amma başqa bir dahi isə başqa bir fikir deyib: "Xoşbəxt o adamdır ki, heç nəyi anlamır". Bu fikirlər bir-birinə zidd olsa da onun dərinliyinə varanda bir çox mətləblər üzə çıxır. O mətləb ki, insan onu dərk eləmək üçün müəyyən zaman kəsiyi yaşamalıdır.
   
   İnsanın ömrü heç də həmişə sakit və rahat keçmir. mrün çox çətin, çox ağır və çox kədərli anları olur. Təəssüf ki, həyatın depresiya anında hər adam belə gərginliklərə sinə gərə bilmir. Daha doğrusu, bir qədər iradəsiz və zəif adamlar depresiyaya tez düşür və depresiyadan çox çətinliklə çıxır. Elələri də var ki, depresiyaya dözə bilməyib ya intihar edir, ya da ürəyi partlayıb ölür.
   
   İndiki zəmanə də elə bir şərait yaranıb ki, gərək ona dözə biləsən. Yəni biri səni əsəbləşdirəndə hövsələdən çıxıb-eləməyəsən. Yaxud hər hansı bir iş üçün bir məmura işin düşəndə səbrini basıb, ayaq üstə 3-4 saat dözməyi bacarasan. İndi də hara gedirsən, hara bir işin düşür, səni orada süründürməmiş, incitməmiş işini həll eləmirlər. Hələ üstəlik, bir balaca zəiflik göstərdin, yaxud tənbəllik elədin qanın getdi. Gərək onda nəinki günlərlə, həftələrlə hansısa məmurun qapısının ağzında qalasan. Nə var, nə var ki, səni o qapının ağzında saxlayan məmura bir arayışa qol çəkdirəcəksən. Bütün bunlara dözmək üçün isə insanda səbr də azlıq eləyir. Gərək fiziki cəhətdən möhkəm və güclü olasan ki, həmin tappa-trupa tab gətirəsən. Tab gətirməyəndə isə vəziyyət daha da çətinləşir. O qədər çətinləşir ki, bəzən qapının ağzında duran o adam əsəblərini boğa bilməyib, ucadan qışqırır: "Məni boğaza yığmayın". Amma onun qışqırığını meşin qapının arxasındakı məmur heç vaxt eşitmir. Eşitsə belə heç ona əhəmiyyət vermir.
   
   Bir dəfə Nərimanov rayonu Qaz İstismar İdarəsində yaşlı bir kişini idarənin əməkdaşları necə boğaza yığıblarsa, həmin kişi də möhkəm əsəbləşib. Möhkəm əsəbləşən bu adamın birdən ürəyinin ağrısı tutub. Bir neçə dəqiqənin içərisində həmin kişi elə idarənin ağzında ürək ağrısından dünyasını dəyişib. Amma buna görə heç kəs həmin idarənin rəisinə "Gözün üstə qaşın var" demədi. Əksinə dedilər ki, guya o rəhmətə gedən adamın qaz pulu borcu varmış. Elə ona görə də əsəbləşib və ürəyi partlayıb.
   
   Belə çıxır ki, məmur qapılarında incidilən insanlar depresiyalara dözməyib müxtəlif xəstəliklərə düçar olurlar. Onların ya əsəbləri pozulur, ya da bu gərginlikdən ürəkləri partlayıb ölürlər.
   
   Əgər bu qarmaqarışıq zamanda insan hər gün stress və depresiya keçirirsə təbii ki, bunun bu və ya digər dərəcədə onun həyatında izi qalacaq. Ona görə də gərək bu dünyada bir qədər arsız olasan. Arsız olub heç nəyi vecinə qoymayasan. Çünki belə bir deyim də var: "Ağıllı olub caamatın dərdin çəkməkdənsə, dəli ol, qoy sənin dərdini çəksinlər". Əlbəttə, dünyanın hər yerində bu cür depresiyalar və stresslər var. Sadəcə olaraq, bu depresiyadan qorunmaq üçün hərə bir yol axtarıb tapır.
   
   Onu da deyirlər ki, bu dünyada yalan danışmayan dəlilərdi. Dəlilər yalan danışdısa, demək dünyanın axırıdı. Belə baxanda bu dəqiqə çox adam avtobusda, metroda, elə dodağının altında da danışır. Hətta bir dəfə başında şilyapası və boynunda qalstuk olan adam metro qatarında öz-özünə elə danışırdı ki, hamı da deyirdi ki, bu dəlidi. Sonradan məlum olub ki, bu "dəli" hansısa universitetin professorudur.
   
   Zəmanə elə gətirib ki, bazara gedirsən bahalıq, iş dalınca gedirsən, səni soyurlar, aptekdən dəriman almaq istəyirsən pulun çatmır, biri səni toya dəvət eləyir, gedə bilmirsən, yas düşür imkansızlıqdan qalırsan belə. Bax onda adam lap havalanır. Belə çıxır ki, bütün bu stresslərdən və depresyalardan yaxa qurtarmağın yeganə bir yolu özünü arsızlığa qoymaqdır.
   
   Bir dəfə bir vəzifəli şəxs deyir ki, ağrı-acımla bağlı həkimə getmişdim. Həkim də mənə dedi ki, səhər-səhər yuxudan duranda öz-özünə gülərsən. Dedim, ay həkim, mən dəli-zadam, öz-özümə gülüm. Həkim də dedi ki, başqa bir çıxış yolun yoxdur, gərək dediyimi eləyəsən. Həkimin dediyinə qulaq asıb səhər yuxudan durub idarəyə gələndə öz-özümə gülməyə başladım. Bu gülüşü eşidən başqa bir vəzifəli dostum da mənə qoşulub o ki, var bir yerdə güldük. Həmin günü elə bir bütün stresslərim canımdan çıxdı. Ovqatım yaxşılaşdı, qanım duruldu.
   
   Arsız adamlar dünyanı vecinə qoymurlar. Nə altıda alımları olur, nə də yeddidə verimləri. Ona görə də belələrinin Araz aşığından Kür də topuğundandır. Belələri 70 yaşı çox asanlıqla adlayıb, 80-90-na çatırlar. Biz demirik ki, siz də arsız olun, indi baxın görün dünyanı dərk eləmək yaxşıdır, yoxsa dərk eləməmək? Bəlkə arsızlıq hamısından yaxşıdı? Bunu biz deyə bilmərik, özünüz fikirləşin.


YAZARIN ARXİVİ

2008-03-08 : ARSIZ
SON XƏBƏRLƏR
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK