Film izle hacklink kiralık bahis sitesi satılık bahis sitesi Adalet.az | UTANCAQ Adalet.az | UTANCAQ Adalet.az | Ədalət -
ANA SƏHİFƏ / YAZARLAR

UTANCAQ

Hekayə

23076    |   2008-03-08 02:47
Şriftin ölçüsü:
A+ Böyütmək
A+ Balacalaşdır

...Avtobus birdən tərpəndi. Pəncərə qabağında oturmuş qızın kürəyinə tökülmüş xurmayı saçları ləpələndi. Avtobusa güclə çatıb təngnəfəs özünə yer eləyən oğlan yıxılmamaq üçün qollarını yana açdı, tutacaqdan yapışmaq istədi.Ancaq əlləri boş deyildi. Bir təhər özünü saxladı.Avtobus sağa-sola şütüyür, atıb-tuturdu. Yaxşı ki, adamlar gah onun qolundan, gah da kürəyindən tutur, dirsəkləri, çiyinləri ilə yıxılmağa qoymurdular.İstidənmi, utandığındanmı, əlləri yaman tərləmişdi... Pəncərə qabağında oturmuş qız arxayın-arxayın küçələri, adamları seyr edirdi. Kürəyində xurmayı saçları bərq vururdu. Oğlana elə gəldi ki, qızın saçlarında parıldaşan, oynaşan günəş şüaları deyil, ona zillənən baxışların alovudur. Əgər o, tərli əlləriynən bu səçlara bir dəfə sığal çəksə... Birdən... qız başını döndərdi... Gözləri də saçları rəngindəydi, parıldayırdı. "Bir gör ürəyindən nə keçir... Heç utanmırsan?" Oğlanın ürəyi düşdü. İnandı ki, qız ürəyindən keçənləri başa düşüb. İndicə... Qızın dodağı qaçdı. Gözlərinin, sifətinin parıltısı daha da artdı. Əlini bürmələnmiş çertyoj kağızlarına uzatdı.
   
   - Verin, saxlayım,- dedi.
   
   - Sağ olun, ağır deyil.
   
   - Nə olsun ağır olmayanda, axı, ayaq üstə dura bilmirsiz.
   
   Kağızı alıb sumkasının yanına-dizinin üstünə qoydu. Yenə də pəncərədən baxmağa başladı... Elə bil avtobusun ağır, boğucu havası ətirnən dolmuşdu.O baxışın, o saçların, o təbəssümün ətriynən. Daha heç kəs onu dürtmələmir,sıxışdırmırdı. Əslinə qalsa, daha belə şeyləri hiss edəcək halda da deyildi. Hər gün avtobusla on beş dəqiqəlik yol ona elə uzun görünərdi ki,.. Bu günsə... Nə tez çatdı?! Bu da işlədiyi idarə...
   
   İşdən qayıdanda yenə də rastlaşdılar. Qız həmin yerdə oturmuşdu Yenə də pəncərədən payız dumanına bürünmüş şəhərə baxırdı. Yenə də başını döndərib onu gördü, gülümsədi... və çertyojları alıb dizinin üstünə qoydu...
   
   Görüşləri adət şəklini aldı. Dayanacaqda gözləyirdi, qızı görməyincə avtobusa minmirdi. Külək də əssə, sazaq da kəssə gözləyirdi.Ayağının birini götürüb, birini qoyurdu, acınnan ürəyi gedirdi, amma qız olmayan avtobusa minmirdi... Avtobus gəlirdi, o da ayaqları əsə-əsə, ürəyi çırpına-çırpına minirdi. Elə bil ki, qızı görəndə ixtiyarını əlinnən alırdılar, dili-dodağı sözünə baxmırdı. Əvvəllər, heç olmasa, salam verir, arabir üzünə baxırdı. Günlər keçdikcə bunu da bacarmadıg İşdən qayıdanda daha yaxşı olurdu...
   
   Qış girmişdi,hava tez qaralırdı. Bayır qaranlıq olanda qızın əksi pəncərəyə düşürdü və oğlan da gözlərini o şüşədən çəkmirdi. Günlər ötürdü. Əslində ondan ötrü dünya bir dayanacaq idi və bu dayanacağa da cəmi bir avtobus gəlirdi. Bu avtobusda bir pəncərə şüşəsi vardı, bu şüşədə də bir cüt qonur göz həkk olunmuşdu... Daha qız onu görəndə başını döndərmirdi, bilirdi ki, salam verməyəcək. Elə bil küsmüşdü... Oğlanın sanki bədənində qanı dondu. "Bəlkə hər axşam onunla bir avtobusda getdiyimi də hiss eləmir"... Birdən şüşədəki gözlər ona çevrildi. "İlahi! Deyəsən, axı, dünyada tale deyilən şey var". Ətrafı bürümüş qaranlıq da, adamlar da, bu günədək qəlbində ona əzab verən, min cür xəyallara salan duyğular da harasa uzaqlara uçub getdi. Bir döyüntüsü çaşmış ürəyi qaldı, bir də o gözlər.
   
   - Axşamın xeyir!
   
   -Xoş gördük.
   
   - Pəncərədən baxmaqdan xoşun gəlir?
   
   -Niyə soruşursan?
   
   - Hər axşam bu avtobusnan işdən qayıdıram, sən də həmişə...
   
   - Mən həmişə səni görürəm...
   
   - Bəs, niyə bir dəfə də olsun dönüb baxmırsan?
   
   - Pəncərə şüşəsində səni görürəm.
   
   - Elə yox, düz üzümə bax.
   
   - Qorxuram.
   
   - Nədən?
   
   - Qorxuram gözlərim sirrimi açar.
   
   - Qoy açsın! Kimnən qorxursan?
   
   - Sənnən.
   
   - Mənnən? Mən ki...
   
   - Bəs, niyə mənə salam vermirsən
   
   - Bacarmıram.
   
   - Mən də elə bundan qorxuram, sənin "bacarmıram"ından.
   
   - Tanışlığımız neçə ay olar?
   
   - Onda payızdıg... İndisə qış qurtarır.
   
   - Deməli, beş aydır...
   
   - Cəmi beş ay? Mən ki, səni lap uşaqlıqdan tanıyıram.
   
   - Sənə elə gəlir.
   
   - Yadındadı, bir yerdə oynayardıq... Mən sənin saçlarını dartardım.
   
   - Bu nağıldı... Həm şirin, həm də acı bir nağıl.
   
   Qız qalxıb avtobusdan düşdü. Ayağı altında qarı xırıldada-xırıldada getdi...
   
   Bir həftə keçdi. Qızın addımlarından qopan o xırıltı oğlanın qulaqlarından getmirdi. Havalar günəşli keçsə də, qar ərisə də həmin xırıltı kəsilmək bilmirdi ki, bilmirdi.Günlərin birindəgYenə də özünü tərpənməkdə olan avtobusa güclə çatdırdı... Qız həmişəki yerində oturmuşdu.Yanında sarışın saçlarını xeyli uzadıb çiyinlərinə tökmüş yaraşıqlı bir oğlan da vardı.Oğlan qızın sağ əlini ovcunda tutmuşdu.Qız onun yaxınlıqda dayandığını hiss edib döndü, əlini sarışın oğlanın əlindən çəkib çertyoj kağızlarına uzatdı:
   
   - Verin saxlayım,-dedi.
   
   Gözlərini ondan çəkmədən susurdu. Qızın sifətindən zərif bir kölgə keçdi, zorla gülümsəyib soruşdu:
   
   - Ağır deyil?
   
   Oğlan sarışın saçların sahibinə baxdı.
   
   - Ağırdı,-dedi.
   
   Qız köksünü ötürüb üzünü pəncərəyə çevirdi. Xurmayı telləri yenə də ləpələndi, parıldadı. Elə bil bu saçlar da sahibinin ürəyi kimi od tutub yanacaqdı...
   
   


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-10-17
2019-10-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (83.33%)
Pullsuz (16.67%)

ÇOX OXUNAN
GÜNÜN LƏTİFƏSİ

Millət vəkili Elman Məmmədov bir tədbirdən çıxanda bir xanım ona yaxınlaşaraq:

- Müəllim, səhv etmirəmsə, siz mənim uşaqlarımdan birinin atasısınız.

Elman müəllim təlaşla:

- Məəən?

Xanım:

- Müəllim, təlaşa düşməyin, mən müəlliməyəm, dərs dediyim uşaqları nəzərdə tuturam.





digər lətifələr
ARXİV
FACEBOOK