Film izle hacklink kiralık bahis sitesi satılık bahis sitesi Adalet.az | Özümlə müsahibə Adalet.az | Özümlə müsahibə Adalet.az | Ədalət -
ANA SƏHİFƏ / YAZARLAR

Özümlə müsahibə

24269    |   2008-01-12 00:18
Şriftin ölçüsü:
A+ Böyütmək
A+ Balacalaşdır

Sovet hökumətinin 7-8 babat qayda-qanunu vardı. Onlardan biri yaman xoşuma gəlirdi. Hər ilin sonunda və ya yeni ilin əvvəlində yaradıcı adamlardan müsahibə götürürdülər. Yazıçılar deyirdi ku, filan romanımı bitirmişəm, filan kitabım çapa hazırdır. Şairlər poemalarından danışırdıar, rəssamlar portiretdən-filandan söz edirdilər. Aktyorlar oynadıqları rollar barədə hesabat verir, çəkiləcəkləri filmlərdən kadrlar danışır, yaradıcılıq planlarını açıb-tökürdülər.
   
   İndi daha sovet dövrü yoxdur, nəsə başqa bir quruluşdu. Daha heç kim yaradıcı adamlardan müsahibə götürmür. Bunu dəqiq bilirəm. Elə mən özüm xeyli gözlədim, nə zəng edən müxbir oldu, nə də taxta qapımı döyən qəzetçi. Nə olar, bircə ATƏT-in Minsk Qrupu həmsədrlərindən qurtulmağın yolu yoxdur. Hər şeyə çarə tapmaq mümkün işdi. Evdə oturub xoruzquyruğu çay içə-içə özümdən müsahibə götürdüm. "Ədalət"in çoxsaylı oxucularının təkidli xahişlərini nəzərə alıb eksklüziv müsahibəni təqdim edirəm.
   
   - Xoş gördük. Müsahibəyə razılıq verdiyiniz üçün təşəkkür edirəm.
   
   - Məhz Sizin qəzetə müsahibə verməyi özümə borc bildim.
   
   - Başlaya bilərikmi?
   
   - Buyurun.
   
   - Artıq yola saldığımız 2007-ci il Sizin üçün necə yadda qaldı?
   
   - Çox gözəl və olduqca maraqlı sualdır. tən il mənim üçün məhsuldar oldu. Yazılarım qəzet və jurnal səhifələrindən düşmədi. Telekanallarda da tez-tez göründüm. Daha iki yeni mənzil almaq üçün həmin verilişlərdə gildir-gildir göz yaşı tökdüm. mid edirəm ki, bu öz müsbət bəhrəsini verəcək.
   
   - Yeni hansı əsərlər üzərində işləyirsiniz?
   
   - Bu sualı sizdən gözləyirdim. Yeni bir roman üzərində çalışıram. Sözün açığı ancaq bu roman barədə düşünürəm. Necə deyərlər, nə gecəm var, nə gündüzüm.
   
   - Sirr deyilsə...
   
   - Nə sirr olacaq, rəhmətliyin nəvəsi. ATƏT-in şəxsi nümayəndəsinin səhra köməkçilərindən gizlin deyil, dəyərli oxucularımdan nə gizlin? Böyük həcmli bir roman olacaq. Hələ ki, adı barədə qəti qərara gəlməmişəm. Bizim Dədə Qorqudla məsləhətləşəcəyəm. Yalnız onu deyə bilərəm ki, əbədi mövzu-məhəbbət mövzusundadı. Baş qəhrəmanlarım sadə insanlardı. Güloğlan rayondan gəlib Bakıda iş axtarır. Körpü tikintisində fəhlə kimi işə düzəlir, kirayə qalmaq üçün ev tapır. Digər bir rayondan iş ardınca paytaxta gələn Gülqıza vurulur. Gülqız şirniyyat sexlərinin birində işə düzəlib, özü də gecə növbəsinə. Bir neçə müddət sonra Gülqız əsgərlikdən yeni qayıdan kiçik qardaşı Gülqardaşı da həmin sexdə işə düzəldir. Birlikdə işə gəlib gedirlər. Güloğlan Gülqızla "QAZel"də tanış olurlar. Düzdü, əvvəlcə Gülqardaş bu tanışlıqdan narazı olur. Hətta bir dəfə Güloğlanla dalaşırlar, məsələyə sahə müvəkkili qarışır. Sonra onlar dostlaşırlar. Bir dəfə hər üçü dönərxanada lavaşarası dönər yeyirlər.
   
   - Oxucularınız Güloğlanla Gülqızın toy səhnəsini görə biləcəklərmi?
   
   - Çox vaxtında verilmiş sualdır. Bütün hadisləri tam açıqlamaq istəməzdim. Qoy bunu dəyərli oxucularım yaradıcılıq sirrim kimi qəbul etsinlər. Yalnız onu deyə bilərəm ki, ürəklərəri saf məhəbbətlə döyünən bu iki gəncin münasibətlərində gərginlik yaşanır. ABŞ-ın İranı bombalaması və ordunu İraqdan çıxarmaq məsələsində Güloğlanla Gülqız arasında fikir müxtəlifliyi olur. Milli Parkın oturacaqlarından birində başlanan mübahisəyə Post Patrul Xidmətinin əməkdaşı müdaxilə edir.
   
   - Romanı nə zaman oxucularınızın müzakirəsinə verəcəksiniz?
   
   - Yəqin ki, müəllimlərin peşə bayramı ərəfəsində yeni romanım dəyərli oxucularımın ixtiyarına veriləcək.
   
   - Maraqlı müsahibəyə görə sağ olun.
   
   - Siz də sağ olun!


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (60%)
"Sevilya" (40%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK