Film izle hacklink kiralık bahis sitesi satılık bahis sitesi Adalet.az | DARIXAN ADAMLAR Adalet.az | DARIXAN ADAMLAR Adalet.az | Ədalət -
ANA SƏHİFƏ / YAZARLAR

DARIXAN ADAMLAR

20271    |   2007-12-16 21:13
Şriftin ölçüsü:
A+ Böyütmək
A+ Balacalaşdır

- Burda tək oturub darıxmırsan?
   
   - Mən tək deyiləm, axı...
   
   Təəccüblə otağa göz dolandırır, şübhəli-şübhəli üzümə baxıb çıxır.
   
   Mən görəni o, görə bilməz. Hiss edirəm ki, özü darıxır. İşdə ola-ola darıxır. Mənim tək-tənha, öz iş otağımda kağız-kuğuzla əlləşməyim, nəsə yazmağım, arada qəzet-jurnal, kitab oxumağım ona darıxdırıcı görünür. zü də bilmir,niyə?...
   
   
   
   ***
   
   
   
   Həftənin beş günü 8 saat, şənbənin yarısı " əsir" olduğum iş otağımdan arabir başımı qaldırıb küçəni seyr edirəm. Adamlar gah tələsik, gah da arın-arxayın o tərəf-bu tərəfə gedib-gəlirlər. Bir nəfərsə əli cibində fırlanır. O da darıxır. Darıxar da.. "Əsir" deyil, axı..Məsələn, mən bu saat evdə olsam, darıxaram. Çünki vərdiş eləmişəm, günün bu saatlarında işdə olmalıyam. Hərdənbir bazar günləri işə çağırılanda idarə mənə elə yad, soyuq görünür ki, tez çıxıb getmək istəyirəm. Bu da vərdişdi... Darvinin təkamül nəzəriyyəsinə inansaq, insan meymundan əmələ gəlib. Amma mən Engelsə daha çox inanıram. Deyirdi ki, əmək meymunu insana çevirdi. Bunun əksi baş verəndə daha faciəli olur. Yəni işsizlik insanı meymundan daha betər məxluqa çevirə bilir... Hər şey vərdişdən asılıdı.
   
   
   
   ***
   
   Adam nə zaman darıxır? Niyə darıxır? Ümumiyyətlə, insan adlanan məxluq nə vaxtdan darıxdığını anlamağa başlayıb? Nədən düşünürəmsə, fikrim gedib ilkin çağlara dirənir. Görəsən,ibtidai insan darıxa bilirdimi? Gərək ki, Marks deyib: " Bəşəriyyət yalnız bircə dəfə xoşbəxt yaşayıb- ibtidai icma dövründə". Xoşbəxt idilərsə, daha niyə darıxırdılar... İşə bax ey,kompüterin arxasında oturasan, meşədə, qayalıqda yaşayana, çiy ət yeyənə qibtə eləyəsən. Darıxmağın bundan o yanası ola bilərmi? Deyəsən, axı, elə irəli getdikcə, çox oxuyub çox öyrəndikcə, xəyallarımız dərin-dərin qatlara endikcə, əngin-əngin göylərə ucaldıqca daha da çox darıxırıq. Dünya bizə dar gəlir, yoxsa? Bəlkə insan elə darıxdığından yeni-yeni dünyalar uydurur?! Bir ömrə sığmadığını anladıqca, bir ömürdə cəmi istəklərinin yerinə yetdiyini görmədikcə, nə zamansa başqa aləmlərdə də yaşayacağına özünü inandırmağa çalışır?!
   
   Nə deyirsiniz, deyin, insan həmişə özü öz başına oyun açır. Saat düzəltdi, ömrünü dəqiqələrə, saatlara böldü, həm də özünü bu dəqiqələrin, saatların çərçivəsinə sığışdırdı. Həmin gündən də əqrəblər çapar kimi onu qovur. Sonra da vərdişlər, adətlər,öyrəşmələr, cədvəllər, rejimlər... Hərəsi bir tərəfdən ağalıq edir duyğularımıza. Bəlkə qınamayaq özümüzü? Axı, dünyaya da müəyyən vaxt çərçivəsində gəlirik. Doqquz ayın, doqquz günün, doqquz dəqiqənin tamamında. Diş çıxarmağımız, yeriməyimiz, danışmağımız, yetkinləşməyimiz- hamısı müəyyən zaman çərçivəsində baş verir. Bunların biri gecikəndə və ya tezləşəndə narahat oluruq, anormallıqdan qorxuruq. Deməli, bölgülərdə yaşamaq qədərimizdi. Bəs, niyə darıxırıq? Nəyimiz çatmır? Bəlkə hər istədiyimiz olsa...
   
   Bizimlə bir qız işləyirdi. Boş vaxtı olan kimi pəncərənin qabağına qaçardı...
   
   - Yaman darıxıram...
   
   - Bəlkə nəyinsə çatmır?
   
   - Yox. Mənə elə gəlir ki, bütün arzularıma çatsam da, yenə darıxacağam..
   
   İndi gəl, insan övladından baş aç. Olmur, darıxır. Olur, yenə də darıxır. İstəmədiklərimizin yanımızda olmasından darıxmağımız təbiidi, bəs, istədiyimizin yanında niyə canımız sıxılır? Bəlkə, elə insan darıxsa yaxşıdı. Darıxmasa nəyəsə can atmaz, axtarmaz, tapmaz, tikməz, qurmaz...
   
   
   
   ***
   
   
   
   Bir qadın qohumumuz var.Yaşı yetmişi ötüb. Qəhrəman anadı, onbir uşaq doğub-böyüdüb. Elə bil ki, Tanrı bu qadını ancaq qayğı çəkməyə, xəstəyə baxmağa yaradıb. Cavanlığında uzun müddət qayınanası (qayınanası öz bibisiydi) xəstə yatdı, gəlin də canla-başla onun qulluğunda durdu.Bir qədər yaşlanan vaxtında əri yorğan-döşəyə düşdü, üstəlik dili də tutuldu. On ildən yuxarı da ərinə qulluq elədi. Kişi rəhmətə gedəndən sonra qadına baş çəkməyə getmişdim. Gözümə dəymədi.Dedilər, dincəlir.Handan-hana hıqqana-hıqqana gəldi.Nə desə yaxşıdı? Dedi, xəstəyə baxanda, gecəli-gündüzlü oyaq qalanda bundan qıvraqdım, indi bədənimin hər yeri sızıldayır. Hələ üstəlik, ürəyim də darıxır...
   
   Bəs, nə oldu? İnsan azadlıq, rahatlıq, dinclik istəyirdi? Yox ey, adam elə darıxsa yaxşıdı...
   
   Bir misal da çəkmək istəyirəm. Əvvəlki iş yerimdə qadınlardan (qəhrəmanlarımın üçü də qadın oldu, kişilər az darıxır, deyəsən) birini həmişə eyni ovqatda görməyim darıxdırırdı məni. Dözməyib bir dəfə soruşdum:
   
   -Sən heç darıxmırsan?
   
   Təəccüblə:
   
   - Yoox,-dedi, niyə darıxmalıyam ki?
   
   -Bəs, necə yaşayırsan?
   
   Haqqımda nə düşündü,Allah bilir. Üç-dörd gündən sonra otağına baş çəkəndə gördüm ağlayır. Rahatlandım: " Bax,indi yaşayırsan..."
   
   
   
   ***
   
   İndi oxucu nə deyəcək? Bunun ya işi-gücü qurtarıb, ya da başına mövzu qəhətdi, oturub darıxmaqdan yazır. Bəs, özü darıxmır? Darıxıram... Ancaq burda da qəribəliyim var. Mən başqalarının əvəzinə darıxıram. Məsələn, orta məktəbdə dərsə gəlməyən sinif yoldaşlarımın, xüsusən qızların yerinə darıxardım. Dərsdən sonra kitabxanaya getməyən tələbələr də məni darıxdırırdı. Vaxtının çoxunu evimizin böyründəki bağda-bilyardxanada keçirən cavanların da yerinə darıxıram. Bütün günü və axşamı teleseriallara baxıb, sonra da balkonda bir-birinə danışan qonşu qadınların da yerinə darıxıram. Fərqlənmək, diqqət çəkmək, daim üzdə-gözdə olmaqdan ötrü dəridən-qabıqdan çıxanların, danışanda heç kəsə macal verməyənlərin yerinə darıxıram.
   
   Mən darıxa bilməyənlərin də əvəzinə darıxıram.
   
   Görəsən, mənim də əvəzimə darıxan varmı?
   
   Qorxuram bu yazını oxuyandan sonra ola...


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-10-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (83.33%)
Pullsuz (16.67%)

ÇOX OXUNAN
GÜNÜN LƏTİFƏSİ

Millət vəkili Elman Məmmədov bir tədbirdən çıxanda bir xanım ona yaxınlaşaraq:

- Müəllim, səhv etmirəmsə, siz mənim uşaqlarımdan birinin atasısınız.

Elman müəllim təlaşla:

- Məəən?

Xanım:

- Müəllim, təlaşa düşməyin, mən müəlliməyəm, dərs dediyim uşaqları nəzərdə tuturam.





digər lətifələr
ARXİV
FACEBOOK