ANA SƏHİFƏ / YAZARLAR

ÜRƏYİMİN ÜMİD YERİ

O, hər kəs üçün belədi

48050    |   2014-10-23 01:10
Şriftin ölçüsü:
A+ Böyütmək
A+ Balacalaşdır

Əlimi gözlərimin üstünə günlük eləyib çox-çox uzaqlara baxıram. Baxdıqca da qəribə hisslər keçirirəm. Açığını deyim ki, hətta ürəyim elə sıxılır ki, onun bu dəqiqə partlayacağına, bu an susacağına qəribə bir inam yaranıb içimdə. Sanki kimsə sıxır ovcunun içində ürəyimi - partlatmaq, öldürmək istəyir. Bilmirəm niyə? Amma tam əminəm ki, o çox-çox uzaqlar mənə bu gündən, bu andan daha çox-çox yaxındı, daha doğmadı. Görünür, elə o doğmalığın, o yaxınlığın bu qədər uzaq olması sıxır, öldürür məni. Amma sıxılmaq istəmirəm. İnanın ki, səmimi deyirəm. Bu məqamda, bu yerdə sıxılmaq, ürəyimin partlayıb param-parça olması heç istəmədiyim, arzu etmədiyim bir şeydi. Bilirsiniz niyə?..
Hə, onda, indi xatırlayacağım o tarixdə çalışdığım "Təşviqatçı" jurnalına ezamiyyətə göndərilmişdim. Bu mənim müxbir kimi ilk ezamiyyətim idi. O vaxta qədər bir həvəskar kimi müxtəlif qəzetlərdə, jurnallarda məqalələrim çap olunmuşdu, şeirlərim işıq üzü görmüşdü. Hətta efirin, ekranın da qonağı olmuşdum. Amma cibində vəsiqə, əlində ezamiyyət vərəqəsi olan bir müxbir kimi mən ilk dəfə qapı döyürdüm. Bunu mənə tapşırıq kimi vermişdilər və mən də böyük həvəslə o tapşırığı icra etməyə getmişdim. Özü də mənə doğma olan bir ünvana - Füzuli rayonunag
O vaxtlar sovet dönəmi idi və mənim danışdığım, daha doğrusu, xatırladığım tarix də 1991-ci il idi. Füzulidə, daha doğrusu, SSRİ-nin hər yerində olduğu kimi, bu rayonda da rəhbər orqan rayon Partiya Komitəsi idi. Təbii ki, rayona gələn qonaq da ilk növbədə raykoma gedirdi. Burda qarşılanır, gəlişinin məqsədi öyrənilir və buna müvafiq qaydada rəhbərlik tərəfindən müəyyən razılaşdırılmış proqram cızılır və qonaq da rahatlıqla öz işini görüb geri qayıdırdı...g
Mən də raykoma getdim. Onda raykomun təbliğat və təşviqat şöbəsinin müdiri vəzifəsini ixtisasca jurnalist olan mərhum Kərəm Hətəmov idi. Çox səmimi insan, mətbuat işçilərinə qarşı diqqətli olan Kərəm müəllimlə xeyli söhbət etdik. Raykomun birinci katibinin tapşırığı ilə o, mənim gəlişimin məqsədini, məramını öyrənib bir neçə təşkilatın adını çəkdi. Məsləhət gördü ki, bu təşkilatlarda olub istədiyiniz mövzunu yaza bilərsiniz. Və söhbət əsnasında onu da söylədi ki, rayonda yeni xəstəxana binası tikilib. Hələ tam istifadəyə verilməsə də, amma artıq buraya üz tutanların sayı günbəgün çoxalır. Hətta qonşu rayonlardan da bizim həkimlərin yanına gələnlər var.
Bu təqdimat məndə öncə həmin xəstəxanaya baş çəkmək marağı yaratdı. Onun razılığı ilə birlikdə yeni tikilmiş rayon xəstəxanasına yollandıq. Mərkəzi xəstəxananın baş həkimi, həm də səhiyyə şöbəsinin müdiri olan Tapdıq həkimlə onun iş otağında görüşdük. Bu mehriban insan bizi qarşılayıb bir qədər söhbət etdikdən sonra düyməni basıb katibəsini yanına çağırıb soruşdu:
- Öyrən gör, Rafiq həkimin yanında xəstə var, yoxsa boşdu?
Bir qədər sonra katibə içəri qayıdıb bildirdi ki, Rafiq həkim yerindədi... Baş həkim əvvəl Kərəm müəllimə, sonra mənə baxıb "gedək, bizim partkomla da söhbət edək" - dedi. Biz xəstəxananın yeni korpusunun 3-cü mərtəbəsinə qalxdıq. Səliqə-səhman, divardakı stentlər dərhal diqqəti çəkirdi. Mən stentlərdən anladım ki, biz kordioloji şöbəyə gəlmişik. Elə şöbənin girişində də həmin təqdimatı oxudum. Dəhlizdə ağ xalatlı, orta boy, cavan bir oğlan xəstə ilə ayaqüstü söhbət edirdi. Bizi görəndə həmsöhbətindən üz istəyib bizə tərəf addımladı. Tapdıq həkim dedi ki, bu da bizim ürəyimizin həkimi, həm də partkomumuz - doktor Yusifov!
Beləcə, tanış olduq. Rayonda, kənddə olanda adını eşidib üzünü görmədiyim Rafiq həkimlə ilk ezamiyyətdə bir jurnalist-həkim söhbəti dialoqu yaşadıq və mənə sanki çox müsbət bir enerji bağışlandı. Özüm də bilmirəm nədənsə burda, bu adamların arasında, xüsusilə Rafiq həkimlə xəstələr müalicə olan otaqları gəzə-gəzə etdiyim söhbət əsnasında onu təkcə həkim kimi yox, həm də insanın içini görən, insana bir müsbət enerji bağışlayan insan kimi tanımağa, sevməyə başladım. Bu sevgi elə həmin o gündən bir ümid ağacı kimi içimdə göyərməyə başladı. Və bir gün baxıb gördüm ki, bu ağac çox qollu-budaqlı, çox nəhəng bir xan çinardı! Ona söykənib, ona sığınıb, ona güvənib və hətta onunla nəfəs alıb yaşamaq mümkündü - necə ki, mən yaşayıram...g
Füzulili günlərim mənim üçün bir neçə məqamla və bir neçə adamla elə yaraqlanıb, silahlanıb, elə doğmalaşab, elə bənzərsiz olub ki, mən onu heç cür ifadə edə bilmirəm. Çünki o günləri mən öz canıma-qanıma Vahid Əlifoğluyla, Vəzir Hacıyevlə, Sabir Rüstəmovla, Kərəm Hətəmovla, Vaqif Mehdiyevlə, Mətləb Misirlə, Məcnun Namazəliyevlə, Oruc Sədayla, Dilavər Əliyevlə, Camal Ocaqverdiyevlə, Nəbi Muxtarovla, Sulduz Quliyevlə, Tapdıq Behbudovla, Telman Qasımovla, Elman Məmmədovla, Süleyman Qaradağlıyla, Mahmud Qacarla, Rafiq İbrahimovla və daha kimlərlə hopdurmuşam. Bu insanların hər biri mənim üçün bir parça Füzuli torpağı olub. Mən də o torpağa güvənib, o torpağı bağrıma basıb neçə dərdin-sərin kürəyini yerə vurmuşam, neçə ağrıya-acıya qalib gəlmişəm və qucaq-qucaq sevinc qazanmışam...g
Bəlkə də bütün bu yazdıqlarım sizə pafoslu görünə bilər. Düşünərsiniz ki, bu adamlar hansısa bir vəzifənin, hansısa bir biznesin sahibidilər və mən də onlara yarınıram, onlara xoş gəlmək üçün bər-bəzəkli, təmtəraqlı sözlər axtarıb tapıram. Xeyr, yanılırsınız. Əlimi ürəyimin üstünə qoyub bütün səmimiyyətimlə deyə bilərəm, hətta and içə bilərəm ki, o adamların bir çoxu artıq Tanrı dərgahındadı, bir qismi təqaüddə. Necə deyərlər, nəvə-nəticə ilə ömrün qalan hissəsini yola verirlər. Amma bütün bunlara baxmayaraq, o adamlar mənim içimdədi, mənim ürəyimdədi. Mənim dünənim və bu günümdü, hətta yaşaya bilsəm sabahımdı. Çünki onlar mənim üçün bir parça Füzulidi.
Rafiqlə mənim həmin o çox-çox uzaq illərdən başlayan tanışlığımız iki insanın bir-birinə candan, könüldən bağlılığının bütün sərhədlərini bir araya gətirdi. Biz sözsüz, görüntüsüz və hətta müəyyənləşdirilməsi qeyri-mümkün olan bir sərhəddin, yəni dostluq, qardaşlıq sərhəddinin içərisində özümüzün insanlıq yükümüzü, özümüzün doğmalıq missiyamızı yaşada və daşıya bildik. Bu gün də yaşadıb və daşıyırıq. O yük, o missiya ailəmizə, övladlarımıza keçdi, indi nəvələrə keçmək üzrədi. Həyatımdakı, iç dünyamdakı adamlardan Rafiq tək onunla fərqlənir, onunla diqqət mərkəzində olur ki, o, qaçqınlığın ilk anında qapılarını mənim ailəmin üzünə açdı. Evinin açarını masa üzərinə qoyub:
- Bu gündən oldu sənin. Buyurun, yaşayın!
Biz o gündən ikinci bir ev qazandığımızı ailəlikcə anladıq. Bildik ki, bizim dağılan evimizin əvəzini bizə bağışlayan, bizə qaytaran dostumuz var. Zaman keçdi, bu dostluğun möhkəmlənən təməli bir gün mənə xatırlatdı ki, ürəyinin də açarı dostundadı. Və o, mənim dərk etdiyim, mənim həkim kimi qapısını döyüb şikayətimi söylədiyim an özünəməxsus bir təbəssümlə dilləndi:
- Qağa, sənin ürəyin çoxdan müalicəyə ehtiyac duyur. Düzdür, hər görüşümüzdə, söhbətimizdə mən müəyyən məqamlarda sənə nələrisə çatdırıram. Sağ ol, sən də söylədiklərimdən nəticə çıxarıb dediklərimə əməl də edirsən. Amma indi yaşın elə dövrüdü ki, ürəyə mütləq diqqət yetirməlisən. Onunla zarafat etmək olmaz.
Və beləcə başladı ürəyimin müalicəsi. Doktor Rafiq indi dostdan, qardaşdan bir addım da irəli getdi. O mənim və doğmalarımın həkimi oldu. Ürəyimi nəzarətə götürüb onun ritmini saxlamağa, onun ömrünü uzatmağa bir loğman kimi yardım etdi. Artıq neçə ildi ki, ürəyim doktor Rafiqin himayəsindədi. Mən ona o qədər inanıram ki, hətta digər həkimlər ciddi görkəm alanda, müayinədən sonra sükuta dalanda onun etdiyi telefon zəngi mərhum şairimiz Əli Kərimin təbirincə desək, "salam, ölüm!" sədasını, onun yaratdığı auranı bir andaca məndən qovub uzaqlaşdırır. Sanki üstümə gün doğur, nəfəsim genişlənir, ürəyimin sızıltısı azalır. Çünki mənə güvəndiyim, ümid yerim olan xan çinar kimi bir dost - Rafiq həkim əl uzadır!
Bəli, bir həkim, bir insan kimi son dərəcə sadə, son dərəcə mehriban və mənə elə gəlir ki, qədərindən də artıq təvazökar olan Rafiq Yusifov təkcə mənim yox, həm də işğal olunmuş bölgələrdən, xüsusilə Füzulidən, Cəbrayıldan, Xocavənddən onun ünvanına gələn hər kəsə qarşı son dərəcə səmimi və diqqətcildi. Çalışdığı xəstəxanaya bu bölgənin adamları onun adını tutub gəlirlər. O da bacardığı kimi məsləhətini verir, yardığımını göstərir. Hətta öz gücündən, öz imkanından artıq olan işlərin də necə çözüləcəyi barədə fikirlər də söyləyib, ünvanlar da göstərib. Onun məsləhəti, onun tövsiyəsi mütləq və mütləq köməyə çatır. Çünki o, həqiqətən loğmandı.
Bəzən deyirlər ki, insan daha çox həssaslığın, səmimiyyətin ağrısını-acısını yaşayır. Çünki bu hiss birbaşa ürəyə aiddi. Ürək həssa olduqca ağrısı da çox olur. Bu mənim gəldiyim ən böyük qənaətlərdən biridi. Mən Rafiq həkimin ürəyinin də ağrılarının şahidiyəm. Amma o, öz ağrılarını ovutmağı başqalarının ağrılarını müalicə etməklə sakitləşdirir. Axı o, ürək həkimidi!..




YAZARIN ARXİVİ

2018-02-01 : "O SÖZƏCƏN..."
2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : MƏKTUB…
2016-08-12 : HAVA
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : Tofiq Abdinlə
2015-11-13 : ÜZ SUYU
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : ƏBƏDİ ÜNVAN
2007-10-06 : PERSONAJ
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-04-26
2018-04-25


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Arsenal”, yoxsa "Atletiko”?

"Arsenal” (25%)
"Atletiko” (75%)

ÇOX OXUNAN
GÜNÜN LƏTİFƏSİ
Arvad ərinə:
- Əzizim, işdə bizə zərərli işə görə 15% əlavə pul ödəyəcəklər.
- Sən getdin ordakıları da zəhərlədin?




digər lətifələr
ARXİV
FACEBOOK