Film izle hacklink kiralık bahis sitesi satılık bahis sitesi Adalet.az | Buşun sponsoru var Adalet.az | Buşun sponsoru var Adalet.az | Ədalət -
ANA SƏHİFƏ / YAZARLAR

Buşun sponsoru var

30511    |   2007-11-17 04:42
Şriftin ölçüsü:
A+ Böyütmək
A+ Balacalaşdır

Bin Ladenin qaldığı mağaranın pulunu kim ödəyir?
   
   
   
   Etibar Cəbrayıloğlu
   
   
   
   Sponsor sözünü yaradan ölübsə Allah ona rəhmət eləsin. Əgər Əzrayıl onun yaşadığı ünvanı hələ tapa bilməyibsə, neyləmək olar... Əslinə qalanda bəzi dirilərə də rəhmət düşür.
   
   Bu gün sənət aləmində, şou-biznes meydanında kimi dindirirsən, lap elə kimi dindirmirsən, hamı sponsordan danışır. zünə sponsor tapan müğənni qadın bütün günü həmin adamı tərifləyir. Deyir ki, sponsorum mənim üçün bahalı maşın, təzə göydələnlərdən bir-ikisində mənzil, xeyli pal-paltar alıb. Sponsor növbəti dəfə əlini cibinə salanda reklamımı düzüb-qoşmuşam, solo konsertimi təşkil etmişəm. Mən də ona borclu qalmamışam. Ərimin arxa tərəfindən elə bir təpik vurmuşam ki, bir də adımı çəkməyə heyi qalmayıb. Sənətimin səviyyəsi yüksəlməsə də, yubkamın ətəyi xeyli yuxarı qalxıb.
   
   Hələ sponsor tapmayan qadın müğənni isə gələcək zamanda danışır. Deyir ki, yağlı sponsorla rastlaşan gündən bütün işlərim dərhal yağ kimi gedəcək. Evim, maşınım, albomum olacaq. Sonra da məhkəməyə ərizə yazacağam. zü də bilirsiniz kimdən? Əlbəttə ki, ərimdən. Yekə-yekə hərflərlə yazacağam ki, ərimlə ailə quranda çox uşaq olmuşam, qanmamışam. İndi də görürəm biz bir-birimizi başa düşmürük. Elə ki, məhkəmə bizi boşadı... Qalan işləri sponsor bilər, mən bilərəm.
   
   Söz vaxtına çəkər, ötən həftənin elə bu günü köhnə tanışlarımdan birini gördüm. Həmin qadın əvvəllər qəzetlərin birində hava haqqında xəbərlər yazırdı. İndi nə işlə məşğul olduğunu soruşmağıma peşman oldum. Geyim-keçimi ilə küçəni bir-birinə qatan, onsuz da basırıq olan yerdə tıxac yaradan köhnə tanışım dedi ki, sponsorla görüşə tələsir. Sponsorla anlaşa bilsə, müğənni kimi şou-biznesə qatılacaq. Daha heç vaxt piyada gəzməyəcək. Bir həftə ötüb, telekanallardakı maqazin proqramların birini də gözdən qaçırmıram. Bilirəm ki, həmin köhnə tanışımın çəkdirdiyi klipi göstərəcəklər. Sponsorun təklifinə etiraz edənə oxşamırdı...
   
   İş o yerə çatıb ki, sponsor məsələsi artıq şou-biznesə sığmır. Siyasət aləmini başına götürüb. Ermənilər ABŞ və Fransa boyda yağlı sponsor tapıblar. İki gündən bir hay-küy salırlar, ağlaşma qururlar. Dünyanın harasına gedirlərsə, deyirlər ki, türklər bizim anamızı belə edib, bacımızla elə davranıb...
   
   İraq sponsordan iraq düşüb, ona görə də ABŞ o boyda ölkənin başında turp əkir. Orada böyür-başında bomba partlamayan adama birtəhər baxırlar. Səddam Hüseynin vaxtında yaxşı sponsorları vardı, ona görə də Amerika yel olub Bağdad üzərindən uça bilmirdi. Səddam müəllimin əli sponsorun ətəyindən üzülən kimi boğazı Buşun kəndirinə keçdi.
   
   İran isə Amerikadan qorxmur. Niyə qorxmalıdı ki, sponsor tapıb deyə ABŞ-a meydan oxuyur.
   
   
   
   Bin Laden də kef edir. zü də hamını aldadır. Ayda bir dəfə "Əl-Cəzirə" telekanalına çıxıb deyir ki, sponsorum yoxdu. Guya bilmirik...
   
   Sponsorun yoxdursa bəs sığındığın o yekəlikdə Tora-bora mağarasının pulunu kim ödəyir? Bakıda kirayə pulunu bircə gün gecikdirəndə ev sahibi adamın nəfəsini kəsir.
   
   Sponsor demişkən, bu yazının işıq üzü görməsinə "Ədalət" qəzetinin rəhbərliyi sponsorluq edib.
   
   


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (60%)
"Sevilya" (40%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK