ANA SƏHİFƏ / YAZARLAR

AVTOBUS SÜRÜCÜLƏRİ ÖTÜŞÜR...

50 nömrəli marşrutda çalışan bəzi sürücülərin gözlərini qan örtüb

208366    |   2014-09-16 01:10
Şriftin ölçüsü:
A+ Böyütmək
A+ Balacalaşdır

Bu gün Bakı şəhərində və eləcə də digər yerlərdə ən çox istifadə olunan ictimai nəqliyyat vasitələrindən biri avtobuslardır. Təbii ki, avtobuslarda mənzil başına getmək istəyən sərnişinlər təhlükəsiz lazımi ünvanlara çatmaq istəyirlər. Amma bəzi avtobus sürücüləri var ki, onlar sanki sərnişin deyil, tikinti materialları daşıyırlar. Belə ki, avtobusları yüsək sürətlə idarə edən bir çox sürücülər bir-biri ilə ötüşür, əyləci qəfil basır və bu zaman isə ayaq üstə duran sərnişinlər bir-birinə çırpılırlar.
Təsadüfi deyil ki, avtobuslarla bağlı Bakı şəhərində Nəqliyyat Nazirliyi və Bakı şəhər Dövlət Yol Polisi İdarəsi mütəmadi olaraq reydlər keçirirlər. Çünki Bakıda son vaxtlar avtobus sürücülərinin məsuliyyətsizliyi və səhlənkarlığı üzündən ağır qəzalar baş verib. Bu qəzalar zamanı ölənlər və yaralananlar olub. Təəssüflə qeyd etməliyik ki, keçirilən reydlərə və görülən tədbirlərə baxmayaraq, yenə bəzi avtobus sürücüləri yol hərəkəti qaydasını kobud surətdə pozur, bir-biri ilə ötüşür və hətta işıqforun qırmızı işığına məhəl qoymurlar. Belə görüntülərin bir neçəsi sosial şəbəkələrdə yerləşdirilib. Adam həmin görüntülərə baxanda tükləri biz-biz olur və avtobusa minməkdən qorxur.
Elə gün olmur ki, avtobuslarla bağlı hər hansı hadisə və qəza baş verməsin. Təəccüblüsü budur ki, bundan əksər sürücülər nəticə çıxarmaq istəmirlər. Bizim sərnişinlərin taleyi tükdən asılı vəziyyətdədir. Çünki sözün açığını desək, avtobusların iştirakı ilə baş verən ağır qəzalar sərnişinlərin gözünü qorxudub.
Adətən sərnişinlər yaşlı sürücülərin idarə etdikləri avtobuslara minmək istəyirlər. Onlar gənclərə nisbətən avtomobilləri normal sürətlə idarə edir və təhlükəsiz sürürlər. Hələ bu harasıdır, bəzən görürsən ki, həddi-buluğa çatmamış yeniyetmə bir oğlan avtobusun sükanı arxasında əyləşib. Aydındır ki, bunu görən sərnişin avtobusa əyləşməyəcək. Ən azından ona görə ki, kimsə avtobusda əyləşib ürək-göbəyini "yemək" istəmir.
Bu sətirlərin müəllifi də tez-tez bir sərnişin olaraq avtobuslardan istifadə edir. Sentyabrın 14-də saat 12 radələrində metronun "Neftçilər" stansiyasının qarşısından Yeni Günəşliyə gedən 50 nömərli marşruta əyləşdik. Avtobusun sürücüsü bir göz qırpımında necə sürətlə maşını idarə edirdisə, salondakılar bərk qorxuya düşdü. Orta yaşlı bir qadın iki azyaşlı uşağı ilə avtobusun salonunda özünü saxlaya bilməyib yıxıldı. Əyləci qəfil basan sürücü heç nə olmayıbmış kimi, yenidən nəqliyyat vasitəsini yüksək sürətlə idarə etməyə başladı. Avtobusun salonunda yıxılan qadın sürücüyə öz iradlarını bildirdi:
- Belə maşın sürərlər? Sən kartof aparmırsan e, sərnişin daşıyırsan. Qabaqda saxla, düşək! Belə getsə, camaatı qıracaqsan.
50 saylı marşrutda 10 TG 761 nömrəli avtobusu idarə edən sürücü isə özünə haqq qazandırmaq istədi:
- Ay bacı, bizi danlamayın e, "qaynar xəttə" zəng edin, müdriyyətə fikirlərinizi deyin, elə hamı bizim yaxamızdan yapışır. Mən neyləyim, vaxtım azdır, hələ üstəlik də "vosmoy bazarının" qabağında tıxac var. O tıxaca düşəndə 5-10 dəqiqə vaxtımız itir. Vallah, məni qınamayın, mən də istəyirəm ki, hər şey yaxşı olsun. Ancaq bizim başımıza oyun açan müdiriyyətdir. Onu sərnişinin taleyi yox, gündəlik plan maraqlandırır. 200 manatı verməsəm, məni həmin günü işdən qovacaq.
Qadın onun dediklərinə məhəl qoymayaraq, növbəti dayanacaqda düşdü və sürücüyə bildirdi ki, "qaynar xəttə" zəng edib səndən şikayətlənəcəyəm.
Sürücü isə yenidən maşını yüksək sürətlə idarə etməyə başladı. Bu vaxt salondakılar yenidən sürücüyə öz etirazlarını bildirdi. Sürücü də mobil telefonla kiminləsə də danışıb deyirdi ki, filan avtobusu idarə edən filankəs mənim vaxtıma girib və sərnişinləri yığıb aparır, onun qarşısını alın! Bir qədər gedəndən sonra 50 nömrəli marşrutda işləyən digər avtobus güllə kimi bizim yanımızdan ötüb keçdi. Yenidən 10 TG 761 nömrəli avtobusun sürücüsü sürəti artırdı. Ötüş zamanı digər avtobus onu qabaqlayıb dayanacağa daha tez çatdı. Bizim əyləşdiyimiz avtobusun sürücüsü kərpic zavodunun yaxınlığında sürəti azaltdı, maşını yavaş-yavaş idarə etməyə başladı. Çünki onun növbəsinə girən sürücü artıq sərnişinləri götürüb aparmışdı.
Həmin anlarda avtobusun salonunda olan qadın, uşaq və yaşlı insanlar çox qorxulu anlar yaşadılar. Sərnişinlərin dəfələrlə "maşını aşırıb bizi qırarsan" xəbərdarlığı da sürücünü sakitləşdirmədi. Sürücü o vaxt sakitləşdi ki, artıq ondan qabaqkı avtobus sərnişinləri dayanacaqdan yığıb aparmışdı.
Çox təəssüf ki, əksər sərnişinlər avtobusda bu cür anlarla tez-tez üzləşirlər. Qorxulu, stresli anlar yaşayan insanlar mənzil başına sağ-salamat çatmalarına bir o qədər də inanmırlar. Çünki göz gördüyündən qorxar. Camaat da görür ki, tez-tez avtobusların iştirakı ilə ağır qəzalar baş verir, ölüm və xəsarət alanlar olur.
İnanmaq istərdik ki, Nəqliyyat Nazirliyi və eləcə də Bakı şəhər Dövlət Yol Polisi İdarəsi 50 saylı marşrutda işləyən 10 TG 761 nömrəli avtobusu idarə edən sürücünü məsuliyyətə cəlb edəcək və onu cəzalandıracaqdı. Bir məsələni də qeyd edək ki, intizamsız avtobus sürücülərinə görə məsuliyyəti həmin marşrutları işlədən sahibkarlar daşıyırlar. Çünki hər hansı bir hadisə olanda sürücünü məsuliyyətə cəlb edirlər, ancaq sahibkar sudan quru çıxır.
Biz ona da ümid bəsləyirik ki, bu cür qanunsuz hərəkətlərə görə 50 saylı marşrutun sahibi də yaxasını kənara çəkməməlidir və onun barəsində də ciddi ölçü götürülməlidir. Çünki sürücülər deyirlər ki, bizi intizmasızlığa və avtomobilləri yüksək sürətlə idarə etməyə marşrut sahibi vadar edir.
Faiq QİSMƏTOĞLU


İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-07-21
2018-07-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (20%)
İşdə (80%)

ÇOX OXUNAN
GÜNÜN LƏTİFƏSİ
Qadın hirslə ərinə zəng edir:
-Hansı cəhənnəmdəsən indiyə qədər? Saat neçədir, xəbərin var?
-Əzizim, o heç vaxt unutmadığın qeyri-adi üzük olan zərgərlik dükanı var idiye. O vaxt pulum olmadı, ala bilmədim sənə. Dedim ki, eybi yox, pulum olan kimi ilk işim bu üzüyü sənə almaq olacaq. Yadındadır? Qadın yumşalır və həyəcandan titrəyən səslə:
- Hə, əzizim, əlbəttə yadımdadır. Heç xatırlamaz olarammı?
- Bax o dükanın yanındakı çayxanada uşaqlarla domino oynayıram, bir azdan gələcəm.




digər lətifələr
ARXİV
FACEBOOK