ANA SƏHİFƏ / YAZARLAR

Tanrının düz çıxmayan vədi

133723    |   2012-11-21 16:21
Şriftin ölçüsü:
A+ Böyütmək
A+ Balacalaşdır

İnsan yaradılış aləminin ən şərəflisi adlanır. İnsan mahiyyətcə nədir? Nə üçün yaradılıb? Bu sualın cavabında Tanrı bu varlığı yalnız Ona ibadət etmək üçün, Ona həqiqi bəndəçilik etmək üçün yaratdığını bildirir. Yəni həqiqi insan yalnız Allah bəndəsi olmalı, Onun göstərdiyi yolla getməlidir. İnsanın kamilliyi, böyüklüyü bəndə olmaqdır, yalnız Allaha, başqalarına deyil. Yalnız Allaha bəndə olmaq insana şərəf gətirər, onu ucaldar və Allah-Təalanın insan üçün təyin etdiyi ülvi məqama çatdırar.

Allah "Mən yer üzündə öz xəlifəmi qərar verirəm" deyərək mələklərə xitab etdiyi zaman mələklər: "Sən fəsad əhli yaratmaq istəyirsən?" deyə soruşdular. Allah-Təala isə: "Mən bildiyimi siz bilmirsiniz" deməklə hökm etdi ki, insan onların güman etdikləri kimi nahaq qan tökən və fəsad törədən yox, əksinə, niyyət və əməllərinə görə fəxr olunmalı, nümunə göstərilməli bir varlıqdır. Tanrının hökmündən üstün hökm yoxdur... Amma...

Erməni əsilli Zori Balayan adlı şəxsin "Ruhumuzun canlanması" kitabından bir hissə:

"Biz Xaçaturla ələ keçirdiyimiz evə girərkən (söhbət Xocalıdan gedir-N.Ş.) əsgərlərimiz 13 yaşlı bir türk uşağını pəncərəyə mismarlamışdılar. Türk uşağı çox səs-küy salmasın deyə, Xaçatur uşağın anasının kəsilmiş döşünü onun ağzına soxdu. Daha sonra bu 13 yaşındakı türkə onların atalarının bizim uşaqlara etdiklərini etdim. Başından, sinəsindən və qarnından dərisini soydum. Saata baxdım, türk uşağı yeddi dəqiqə sonra qan itirərək dünyasını dəyişdi. İlk sənətim həkimlik olduğuna görə humanist idim, buna görə də türk uşağına etdiyim bu əməllərə görə özümü xoşbəxt saymadım. Amma ruhum xalqımın bir faizinin belə qisasını aldığı üçün sevincdən qürurlanırdı. Xaçatur daha sonra ölmüş türk uşağının cəsədini hissə-hissə doğradı və bu türklə eyni kökdən olan itlərə atdı. Axşam eyni şeyi daha üç türk uşağına etdik. Mən bir erməni vətənsevər kimi öz vəzifəmi yerinə yetirdim".

Dəhşətli səhnədir... və bu səhnəni yaradan fiziki quruluşuna, yəni iki ayağı, beş barmağı və s. olduğuna görə insan adlanır. Asilik çıxmasın, bəlkə mələklər haqlıymış?... Yox mən həmin erməni məxluqu qədər dar düşüncəli deyiləm ki, bütöv bir milləti insanlıq həddindən çıxmaqda ittiham edim (hərçənd ki, belə bir canlının bu vaxtadək daşqalaq olunmaması da ümummilli qüsurdu).

Bu gün bəşəriyyət insan kimi yaşamağa, yəni insanlığa həsrət qalıb. Sanki insanların böyük əksəriyyəti sevməyi, mərhəmət etməyi, bağışlamağı, yardım etməyi unudub, ən ülvi bəşəri duyğulardan uzaqlaşıb. Halbuki biz mələklərin belə, qibtə edəcəyi mərtəbədəyik. Bu mərtəbənin qədrini bilmədiyimiz və insanlığa layiq davranmadığımız üçün heyvanlardan da aşağı səviyyəyə düşürük. Sanki indi bütün gözəl hisslər insanları tərk edib, bu hisslərin yerini kin, nifrət, qəzəb, qısqanclıq, intiqam tutub. Qəlblərimiz sevgisiz qalıb, düşmənçilik hissləri bütün mənliyimizi əhatəyə alıb. Kinlə, nifrətlə oturub-dururuq, düşüncələrimiz mütəmadi olaraq pislik etməyə "köklənib". Ətrafımızdakıları yandırıb-yaxmağa cəhd edirik, hər şeyi özümüzə uyğunlaşdırmağa çalışırıq, bizə uyğun gəlməyən hər şeyə düşmən kəsilirik, başqalarını təsirimiz altına almaq üçün onlara ən ağır işgəncələr verməkdən, böhtan atmaqdan belə çəkinmirik. Bu gün bəşəriyyət insan kimi yaşamağa, yəni insanlığa həsrət qalıb. Sanki insanların böyük əksəriyyəti sevməyi, mərhəmət etməyi, bağışlamağı, yardım etməyi unudub, ən ülvi bəşəri duyğulardan uzaqlaşıb. Halbuki biz mələklərin belə, qibtə edəcəyi mərtəbədəyik. Bu mərtəbənin qədrini bilmədiyimiz və insanlığa layiq davranmadığımız üçün heyvanlardan da aşağı səviyyəyə düşürük. Sanki indi bütün gözəl hisslər insanları tərk edib, bu hisslərin yerini kin, nifrət, qəzəb, qısqanclıq, intiqam tutub. Qəlblərimiz sevgisiz qalıb, düşmənçilik hissləri bütün mənliyimizi əhatəyə alıb. Kinlə, nifrətlə oturub-dururuq, düşüncələrimiz mütəmadi olaraq pislik etməyə "köklənib". Mən bütün bunları qəsdən ümumiləşdirdim. Çünki vandalizm bir millətə qarşı ola bilməz. Bu bütövlükdə insanlıq faciəsidir və bu planetdə insan olaraq yaşayan hər bir kəs Tanrının mələklərə verdiyi vədin düz çıxmamasına görə cavabdehdir...

Düzdür, tarixən belə şeylər olub, bütün dövrlərdə haqsızlıqlar, vəhşiliklər baş verib. Ancaq budəfəki hər dəfəkindən daha dəhşətlidir. Qloballaşan və texniki baxımdan sürətlə inkişaf edən dünyada pis niyyətlər sürətlə yayılır. Hər yerdə xəzan var, insanlar saralmış yarpaqlar kimi tökülür. Fransada insan adlı canlıları yaşıllıq nümunəsi kimi təqdim etdiyi zamanda...

Nəsimi Şərəfxanlı [email protected]


İmza:

YAZARIN ARXİVİ

SON XƏBƏRLƏR
2017-11-23
2017-11-22


VİDEO





ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ" "Çelsi"yə qalib gələcəkmi?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Mollaya xəbər verirlər ki, qayınanasını su aparıb. Molla gəlib girir çaya, başlayır su yuxarı axtara-axtara getməyə. Görənlər soruşurlar ki:
- Ay Molla, bu necə axtarmaqdı? Cənazə su axan tərəfə gedər, ya yuxarı dırmaşar?
Molla deyir:
- Siz onu tanımırsınız. O, elə bir tərs adam idi ki, hökmən yuxarı gedib. Sizin işiniz olmasın, mən bu saat onu tapacağam.




digər lətifələr
ARXİV
FACEBOOK