ANA SƏHİFƏ / YAZARLAR

YALAN...

9451    |   2014-07-19 04:36
Şriftin ölçüsü:
A+ Böyütmək
A+ Balacalaşdır

... Görəsən, bu dünyada yalan danışmayan adam varmı?! Çox çətin! Dünyamızda altı milyarddan çox insan var. Ancaq yalanı danışmayanlar dilsiz-ağızsız və hələ danışa bilməyən körpələrdi. Dünyadan gəlib çıxaq öz məmləkətimizə. Öz məmləkətimizdə də çox çətin ki, yalan danışmayan az adam tapılar. "Qurani-Kərim"də yalan danışmaq ən böyük günahlardan biri sayılır. Ancaq biz insanlar nə Allahdan qorxuruq, nə də bizə verilən cəzadan. O qədər yalan danışırıq ki, danışdığımız yalanlar bu dünyaya sığmır. Özü də yalanları böyük-böyük kişilər və böyük-böyük vəzifə sahibləri danışırlar. O qədər şirin yalan danışırlar ki, adam o yalana inanır və illər boyu o yalanın dalınca qaçır. Yalan ayaq tutur yeriyir, qaçır və tövşüyür... Ancaq biz insanlar yenə buna inanırıq.
... Günlərin birində tanınmış şairin yanına cavan bir jurnalist gəlir ki, məni işə düzəlt. Həmin şair də məşhur bir jurnalın redaktor müavini işləyirmiş. Deyir ki, heç bir çətinliyi yoxdu, on-on beş gündən sonra sənin əmrini verdirəcəm. Gənc jurnalist də həmin şirin vədə inanır və oradan-buradan 1500 manat pul toplayıb həmin şairə verir və səbirsizliklə işə çıxacağı günü gözləyir. Bir ay ötür bir şey çıxmır, bir il ötür iş həll edilmir, iki ildən sonra utana-utana gedir həmin şairin yanına:
- Müəllim, artıq səbrim tükənib. Borc aldığım adamlar da pulunu istəyirlər. Əgər iş düzəlmirsə, əmanəti qaytar...
Həmin şair isə gülür və dillənir:
- Sən nə danışırsan, bu dəqiqə hər şey "vot-votdadı". Bu gün-sabah işə çıxacaqsan.
Gənc jurnalist yenə böyük ümidlə onun kabinetindən çıxır və həmin günü böyük səbirsizliklə gözləyir. Bir aydan sonra eşidir ki, şair rəhmətə gedib. O bir dizinə vurur, bir də başına! Batan 1500 manatı kimdən alacağını fikirləşir. Utandığından rəhmətə gedən şairin ailəsinə gedib pulunu geri istəmir. Düşünür ki, yəqin övladları o pulu qaytarar. Çünki övladları da bilirmiş ki, şair onu işə düzəltmək üçün ondan 1500 manat pul alıb... Pul da getdi, iş də. Cavan jurnalist o vaxtdan necə aldadıldığımını 30 ildən sonra da yaddan çıxarmır. Deyir ki, o 1500 manatı şairə halal eləmirəm. Özü bilər, bir də Allahı. Qoy görüm, Allaha necə cavab verəcək!
...O qədər yalanlar var ki, adam saymaqla qurtara bilməz. Biri işə düzəlmək istəyir. Çox hörmətli adam ona söz verir, amma illər boyu həmin adamın arzusu çin çıxmır. Yəqin sizi də nə vaxtsa şirin yalanlarla aldadıblar. Ağlına gəlməyən adam və çox imkanlı şəxs elə yalan danışır ki, bişmiş toyuğun gülməyi gəlir. Amma nə olsun, yenə onun qapısının ağzında gündə nə qədər adam dayanıb kömək istəyir. O da kömək eləyən deyil ey! Hərəyə bir yalan deyib günü-günə satır. Həmin adamlar da aylarla, illərlə gözləyir, görürlər ki, bir şey çıxmır. Bir də o qapıya üz tutmurlar...
Tanışlarımdan biri deyir ki, bir millət vəkili vardı. Televizorda danışanda ağzına çullu dovşan sığışmır. Deyirsən ki, imam övladıdı, heç vaxt yalan danışmaz. Bir dəfə qəbuluna getdim, söz verdi, sonra da illərlə mənim başımı aldatdı. Baxıb gördüm ki, bu millət vəkili televizora çıxanda belə şirin danışır. Danışığı başdan-ayağa yalandan ibarətdir. Əl-qərəz, day ondan sonra nə zəng elədim, nə də qəbuluna getdim...
İndi çoxları yalan danışanlarına əlindən boğaza yığılıb. Nazir yalan danışır, icra başçısı yalan danışır, MİS rəisi yalan danışır... Day buna inanan olacaq?! Çünki çoxları deyilən sözə yox, əmələ inanır. Hər adamın da əməli saleh deyil. Bilmirəm, bu yalanların ömrü nə qədər olacaq? Amma bir onu bilirəm ki, şirin yalanlar çox adamların həyatının altın üstünə çevirib.
Günlərin birində Molla Nəsrəddinin kiməsə borcu olur. O borclu da hər dəfə gələndə molla deyir:
- Get, sabah gəl!
Həmin adam hər səhər gəlir və hər səhər da bu sözləri eşidir. Bir gün də gələndə molla evdə olmur, borclu yenə pulunu onun evdə olan oğlundan istəyir. Oğlu isə qımışaraq bildirir:
- Qara daş göyərəndə gələrsən və borcunu apararsan...
Molla evə qayıdır və oğlu deyir:
- Borclu olduğumuz adam gəldi, mən də onu yola verdim. Dedim ki, get, qara daş göyərəndə gəlib borcunu alarsan!
Molla hirslənir və oğlunu danlayır:
- A köpək oğlu, birdən qara daş göyərdi, mən onun pulunu necə verəcəm? Amma get, sabah gəl desəydin, daha yaxşı olardı. Çünki sabahlar heç vaxt qurtaran deyil...
...İsti yay günlərində deyəsən hövsələnizi bir tikə elədim. Onsuz da istidən tərpənmək olmur. Bu yazını da oxuyanda lap tövşüyəcəksiniz. Ona görə də yazıya istedadlı şair Vaqif Bayatlı Odərin "Həqiqətlərdən boğaza yığılanlar" şeirindən bir parça ilə nöqtə qoymaq istəyirəm:

... Çünki ancaq biz bilirik
ən böyük yalan
ən böyük həqiqətdi
ən böyük həqiqət
ən böyük yalan olduğu kimi.
Ancaq biz, ancaq biz -
həqiqətlərdən boğaza yığılanlar
qışqıra bilərik:
- Yaşasın yalanlar!

Faiq QİSMƏTOĞLU
[email protected]


İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-01-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (73.33%)
Yox (26.67%)

ÇOX OXUNAN
GÜNÜN LƏTİFƏSİ
Bir gün üç tənbəl istidə yol gedirlər. Görürlər ki, armud ağacı var. Armud ağacının kölgəsinə uzanırlar.
Tənbəlin biri deyir ki, nə bu armud qırıla düşə ağzıma yeyəm. O biri deyir nə məni aparıb o göldə çimizdirib gətirələr bura. O biri tənbəl:
- Ərinmirsiniz danışırsınız.



digər lətifələr
ARXİV
FACEBOOK