ANA SƏHİFƏ / YAZARLAR

BƏDƏNİMDƏ GƏZDİRDİYİM "MİNA"

10279    |   2014-05-13 00:40
Şriftin ölçüsü:
A+ Böyütmək
A+ Balacalaşdır

... Çox möhkəm ağrıyırdım, ancaq buna məhəl qoymayıb iş-güc dalınca qaçır və bəzən də elə bilirdim ki, bu ağrı-acı tezliklə ötüb keçəcək. Artıq üçüncü dəfəydi ki, öd daşının ağrısı məni boğaza yığmışdı. Ağrı o qədər güclü idi ki, dırnağımla yeri cırmaqlayırdım. Buna dözmək olmazdı. Bir neçə həkim dostumla məsləhətləşib çıxış yolu tapmaq istəyirdim. Yaxın dostlarımdan biri olan şair-publisist Əbülfət Mədətoğlu Babək həkimə zəng elədi. Dedi ki, Faiq Qismətoğlu ödündən şikayət edir. O da bildirdi ki, gəlsin yanıma müayinə edək və sonra da əməliyyata götürək...
... Ancaq mən qorxumdan Babək həkimin yanına getmədim. Ağrı isə azalmaq bilmirdi. Günlərin bir günündə ağrının lap pik nöqtəsində çoxdankı dostum, çörək kəsdiyim və ərk elədiyim həkim-cərrah, tibb elmləri namizədi Müşfiq Həsənova zəng vurdum. Ona bütün vəziyyətimi incəliyinə qədər danışdım. Həkim məni dinləyəndən sonra dedi:
- Təcili bizim klinikaya gəl!
- Baş üstə! -deyib səhər tezdən Müşfiq həkimin işlədiyi klinikaya getdim. Səhəttimdə yaranmış problemi danışdım. Həkim dedi ki, bəlkə sənin ödün ağrımır, qoy aparatdan keçirək, onda hər şey aydınlaşacaq, biləcəyik ki, dərdin nədir. Məni aparatdan keçirtdilər və məlum oldu ki, ödümdə üç iri daş və çoxlu qum var. Müşfiq həkim diqqətlə mənə baxdı və dilləndi:
- Səni bu vəziyyətdən qətiyyən buraxan deyiləm. Sanki bədənində bir mina gəzdirirsən, o hər an partlaya bilər. Mümkünsə elə günü bu gün analizləri ver, axşam da əməliyyat edək.
Analizləri verdim, amma həmin gün qorxumdan əməliyyata getmədim. Bunu həkim də bildi və mənə ürək-dirək verdi:
- Heç qorxub eləmə, cəmi yarım saatlıq vaxt aparacaq. Heç nə hiss eləməyəcəksən. Bir də ayılıb görəcəksən ki, hər şey arxada qalıb...
Müşfiq həkimin bu cür cəsarətlə danışması məni daha da ürəkləndirdi. Daha doğrusu, göydə Allaha, yerdə də Müşfiq həkimə güvəndim. Həkim diqqətlə gözlərimə baxıb dedi:
- Sabah axşam saat yeddidə əməliyyat edəcəm. Yenə qorxma, hər şey əla olacaq!
Aprelin 23-də axşam saat 7-də məni əməliyyat stoluna qaldırdılar. Əvvəlcə ayaqlarımı möhkəm-möhkəm sarıdılar, sonra da yanımdakı tibb bacıları ilə zarafatlaşdım. Dedim ki, mənim də qızım var, ümumiyyətlə, mən qız uşaqlarını çox istəyirəm. Qız Allahın verdiyi ən gözəl paydır. Əməliyyatdan girməmişdən öncə qohum-əqrəbadan çoxları xəbər tutsa da, amma qızıma bir kəlmə də məlumat sızmamışdı. Həyat yoldaşıma demişdim ki, əməliyyat başa çatandan sonra qızıma məlumat verəsiniz.
Əməliyyat stoluna qaldırılmamışdan öncə "Qurani-Kərim"dən beş surə oxudum və Allahdan kömək dilədim. Narkoz verilməmişdən öncə bir əl çiynimə dəydi və dedi ki, Əli sənin köməyin olacaq...
... Həkim-cərrah Müşfiq Həsənov bir də gördüm ki, əlləri ilə saçımı sığallayır və deyir ki, əməliyyat qurtardı. Həmin anda onun çöhrəsində puçurlanmış tər damcıları alnından çöhrəsinə doğru diyirlənirdi. Hiss edirdim ki, çox ağır bir əməliyyatı başa çatdırıb. Sonra da gülə-gülə dilləndi:
- Sən mənim anamı ağlatdın. Təsəvvür elə ki, vəziyyət o qədər çətinləşmişdi ki, artıq lazerdən açıq əməliyyata keçəcəkdim. Allahın köməkliyi ilə əməliyyat uğurla başa çatdı.
Həmin axşamı reanimasiya otağında qaldım. Ayın 24-də isə səhər saat 8-də məni palataya köçürdülər. Yenə ətrafımda mələk çöhrəli qızları gördüm. Heç adlarını da bilmirəm. Amma adama o qədər nəvaziş, qayğı göstərirdilər ki, bütün ağrı-acım yadımdan çıxmışdı. Üstəlik də mobil telefonum dincəlmək bilmirdi. Hələ bir gün əvvəl reanimasiya otağında olarkən telefonumu evə aparmışdılar. Həyat yoldaşım bildirdi ki, iş yoldaşların, dost-taışların hamı zəng edib səni soruşurdular, mən də dedim ki, çox sağ olun, Faiqin vəziyyəti yaxşıdı. Aprelin 24-də isə çoxlu sayda dostlar mənə zəng edirdi. Qardaşımız və dostumuz Aqil Abbas mənə telefon açdı, səsimin gümrahlığını eşidib sevindi və "yastığın yüngül olsun. Bir azdan yanına gələcəm"-dedi. Mən də bildirdim ki, elə zəng eləmisiniz, hal-əhval tutmusunuz gəlmiş kimi varsınız, bu mənə çox böyük təsəllidi.
Bir sözlə, deyirlər ki, dostları, qohumları dar gündə tanımaq olur. Mənim də çətin və dar günümdə bütün dostlar və tanışlar yanımda oldular. Yanımda olmayanlar isə telefon açıb hal-əhval tutdular. Allah onların hamısının canını sağ eləsin və heç kimi ağır xəstəliklə sınağa çəkməsin. Sınağa çəksə də Ulu Yaradan şəfa versin.
Mən indi işə çıxmışam. Göydə Allaha, yerdə də mənim həyatımı xilas edən Müşfiq Həsənova minnətdaram. Heç ağlıma da gəlməzdi ki, bu tezliklə sağalıb ayağa qalxacam və işə başlayacam. Allahın qoruduğu, hifz etdiyi bəndəni heç kim yıxa bilməz. Allahın da yıxdığı bəndəni heç kim qoruya bilməz. Şükür ilahinin məsləhətinə. Ayağa durmuşam, işə gəlmişəm və ilk yazımı yazdırıram. Bütün bunlara görə Ulu Yaradanıma minnətdaram. Qoy məni sevən, istəyən oxucular da day bundan sonra darıxmasınlar. Faiq Qismətoğlu gəlib və ürəyi istədiyi yazıları da Allahın köməkliyi ilə bundan sonra qələmə alacaq...

Faiq QİSMƏTOĞLU
[email protected]


İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-09-22
2018-09-21


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Kişi restorana gəlir və ofisianta deyir:
- Mənə 12 qədəh araq gətirin.
Ofisiant gətirir.
- İndi isə xahiş edirəm, birinci və axırıncı qədəhləri götürün.
- Niyə ki?
- Bilirsinizmi, birinci pis gedir, axırıncıda isə mən dəli oluram.




digər lətifələr
ARXİV
FACEBOOK