Film izle hacklink kiralık bahis sitesi satılık bahis sitesi Adalet.az | SONUNCU YARPAQ Adalet.az | SONUNCU YARPAQ Adalet.az | Ədalət -
ANA SƏHİFƏ / YAZARLAR

SONUNCU YARPAQ

27817    |   2014-03-15 09:54
Şriftin ölçüsü:
A+ Böyütmək
A+ Balacalaşdır

Deməyin ki, yenə nəsə kədərli bir şeydən danışacaq. Bilirəm, başlığa çıxardığım bu söz birləşməsi hər kəsin qəlbində kövrək bir qüssə oyadacaq. "Son" və "yarpaq" sözləri möhkəm, qalıcı bir şey vəd eləmir əslində. Şablonluqdan çıxmaq fikrindəyəm bu dəfə. Niyyətim sizlərə sonuncu yarpağın əbədiliyindən, etibarlılığından, heç bir zaman budağından qopub ayrılmayacağından danışmaqdı. İndi O.Henrinin "Son yarpaq" hekayəsini xatırlatmaq fikrindən də çox uzağam. Çünkig mənim pəncərəmdən də ağac budağındakı qurumuş yarpaqlar görünür və onlardan biri aylardan bəri nə qara-şaxtaya, nə də yağışa-küləyə bac vermədən öz yerində durur. O yarpağın düşüb-düşməməsinin məndən ötrü elə bir önəmi yoxdu. Sadəcə, hər gün sabah açılanda gözümə sataşdığına, çılpaq budaqda möhkəm-möhkəm dayandığına görə diqqətimi çəkib...
Axına qarşı durmağı bacaranlar həmişə fərqlidi, seçilən, diqqət çəkəndi... Həm də ruha güc verən...
Bizsə başqa şeylərin aludəsiyik...
Hər şeyi faciəyə çevirməyi sevirik...
Qızlarımız iyirmi yaşınacan ərə getməsə, yuxumuz ərşə çəkilir. Təzə evlənənlərimizin evindən doqquz-on ay keçəndən sonra uşaq səsi eşidilməsə, arvadlar ağlaşmada deyib ağlayırlar. Evində üç gün ət xörəyi bişməyənimiz dördüncü gün yaylığını başına salıb, əlində uzun bir ərizə düz icra başçısının qəbuluna yol alır...
Yazın əvvəlində bizim tərəflərdə də arabir leysan yağışlar yağır, tufan olur. Sabah açılan kimi mütləq üç-dörd bığıburma kişi bizdən qabaq özünü idarəmizə yetirməlidi: "Gecə evimdən damıb, on-onbeş şiferdən-zaddan verin, üstünü örtüm", "Külək tövləmin üstünü götürüb, çəpərimi aşırıb, kömək eləyin düzəldim..."
Bizdən qabaqlarda evindən damanlar, çəpəri aşanlar neynirmiş, görəsən?! Niyə bu adamlar öz ev-eşiklərinə sahiblik eləməyi bacarmırlar?! Bu sözləri kişisiz evin qadınından eşitmək adamı o qədər də təəccübləndirməz. Kişilərdən eşidəndə hirsini cilovlaya bilmirsən...
Köhnə kişilər öz işlərini, qayğılarını hələ-hələ kimsəyə yükləməz, etibar eləməzdilər. Çarəsizlikdən kimlərəsə söz deyəndə tez peşiman olar, özlərini qınayar, "Allah kişini öz gücündən qoymasın!" deyib olanlardan dərs götürərdilər. İndi... ələbaxımlıq baş alıb gedir. Hamını özünə borclu bilənlərin sayı gündən-günə artır. Həm də qəribə "diplomatiya" sahibi olub belələri. Öz məqsədlərinə çatmaqdan ötrü qarşısındakını inandırmaq, rəhmə gətirmək, bəzən də susdurmaqçın mütləq bir səbəb tapırlar. Bu bəhanələr də çox zaman işləyir, çoxları onun məntiqsizliyini başa düşmür. Bəhanə sahibləri də bundan fürsətkeşliklə yararlanıb irəli gedə bilirlər... Hamı başqasının yerini tutmağa, onu işlədib, özü qazanmağa meyllidi. Özünün yeri hardadı, hansı mərtəbədədi, bunu düşünənlər çox azdı...
Mən Konfutsinin bir fikrini daha çox bəyənirəm:
"Qaranlığı lənətləməkdənsə, bir şam yandırın!"...
Barmağına tikan batanda vay-şivən qopardanlar üzünü də turşutmadan ömrün ağrı-acılarını qurtum-qurtum içənləri çətin anlarlar...

***

Deyirlər, insan yaxşılıq da etsə, pislik də etsə, özünə etmiş olur. Deməli, yaxşılığımızı da, pisliyimizi də yönəltdiyimiz adamla nəticədə yarıbayarıyıq. Duyduğumuz sevinc və çəkdiyimiz acılar baxımından...
Qədim rəvayətləri dinləyəndə də, arabir onları xatırlayanda da qəribə rahatlıq duyuram...
...Padşah hər gün taxta çıxanda bir kişi içəri girər, qulağına nəsə deyər, məmləkətin sahibi də bir qayda olaraq ona bir kisə qızıl verərmiş. Heç kəs həmin sözün nə olduğunu bilmirmiş. Xeyli müddətmiş ki, bu vəziyyət davam edirmiş. Paxıllığını gizlədə bilməyən vəzir günlərin birində kişinin dalınca çıxıb ona məktub verir və qonşu ölkənin padşahına çatdırmasını tapşırır. Kişi "baş üstə" deyib yola düşür. Yolda bir atlı cavanla rastlaşır. Oğlanın kişiyə yazığı gəlir, məktubu ondan alıb özü aparır. Qonşu padşah məktubu alan kimi cavanın boynunu vurdurur. Sən demə, bu xeyirxah cavan bədxah, xain vəzirin oğluymuş. Məktubda bu sözlər yazılıbmış: "Məktubu alan kimi, gətirənin boynunu vurun!"...
Məsələdən hali olan padşah ikiəlli təpəsinə döyən vəzirə deyir: "Əbləh! Sən heç bilirdinmi, o kişi mənə nə deyirdi?! Bu uzun illər ərzində o, hər gün mənim qulağıma eyni sözləri pıçıldayırdı: Nə edərsən, özünə edərsən!"...

***

Son yarpağa ümid kimi deyil, həyat tərzi kimi baxaq. Gözümüzü dikdiyimizə həmişə xeyirxah rəssam deyil, diqqətsiz bir zibilyığan da ürcah ola bilər. Əl atıb qırar və... hər şeyimizi məhv edər. Bir-birimizin son yarpağını qırmasaq, ömür şamını üfürüb qaraltmasaq, İnsan adını daha halallıqla daşıyarıq...
Mənim güvəndiyim O Yarpaq adam əli çatan yerdə deyil...
Bir də...
Bu səhər diqqətlə baxıb görmüşəm ki, indiyədək tək bildiyim yarpaq... sən demə, qoşa imiş...

Vəsilə USUBOVA
vasila-usubova@mail.ru


İmza:

YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-10-19
2019-10-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (85.71%)
Pullsuz (14.29%)

ÇOX OXUNAN
GÜNÜN LƏTİFƏSİ

Millət vəkili Elman Məmmədov bir tədbirdən çıxanda bir xanım ona yaxınlaşaraq:

- Müəllim, səhv etmirəmsə, siz mənim uşaqlarımdan birinin atasısınız.

Elman müəllim təlaşla:

- Məəən?

Xanım:

- Müəllim, təlaşa düşməyin, mən müəlliməyəm, dərs dediyim uşaqları nəzərdə tuturam.





digər lətifələr
ARXİV
FACEBOOK