ANA SƏHİFƏ / YAZARLAR

MARKETDƏ MÜHARİBƏ LÖVHƏLƏRİ

42747    |   2014-03-15 09:52
Şriftin ölçüsü:
A+ Böyütmək
A+ Balacalaşdır

Tez-tez bir marketdən alış-veriş edirəm. İlk dəfə oraya ayaq basanda maraq, təəccüb bürümüşdü məni. Bu mağaza başqa mağazalardan fərqlənirdi. Ancaq satılan malları ilə deyil, mağazanın görkəmi, aurası, dizaynı ilə. İçəri girərkən tankların, topların, təyyarələrin, avtomatların arasında, özünü müharibə olan ölkənin vətəndaşı kimi hiss edirsən. Çalışan bütün işçilər hərbi geyimlərdədirlər. Divarlarda Milli Qəhrəmanların şəkilləri asılıb...
Bu market sahibi keçmiş döyüşçümü olub, yoxsa hərblə qətiyyən əlaqəsi olmayan adamdı, sadəcə bu xidmətiylə müharibənin bitmədiyini, hələ davam etdiyini, ancaq gündəlik qayğısını düşünərək ərzaq alan vətəndaşlara cəbhə zonasında əziyyət çəkənlərin, soyuqda, şaxtada səngərdə olanların, müharibənin zədələrindən hələ də qurtulmamış adamların da varlığını xatırladaraq vətənə borcunu bu sayaq ödəmək istəyibmi, bilmirəm. Amma çox maraqlı bir dizayn fikirləşib. Bütün gün işində-gücündə, bir parça çörəyinin arxasınca qaçan adamlar, heç olmasa axşam evə dönərkən çörək, ərzaq almaq üçün bu marketə girəndə torpağın düşmən tapdağı altında olduğunu, vətənin bölünmüş olduğunu bir neçə dəqiqəlik də olsa, yada salırlar. Mağazaya girən uşaq istər-istəməz oradakı mənzərə ilə maraqlanır, milli qəhrəmanlarımızı tanıyır, əsgər geyimli oğlanları, qızları gördükcə hərbi vəziyyətə maraqları artır, vətənin azadlığı uğrunda can qoyan igidlərin olduğunu nağıllarda deyil, real həyatda görmüş olurlar. Oraya ayaq basan, facebookdan bir anlıq ayrılmış gənclərin internet oyunlarından fərqli olaraq, əsl döyüşçüləri tanımaq imkanları olur... Türkiyədə istehsal olunmuş, üzərində Milli Qəhrəman Mübariz İbrahimovun, İbad Hüseynovun şəkilləri olan köynəklərin satışı da nəzərimdən qaçmadı. Gənclərin buna maraqla baxmaları, satıcıların bu köynəklərdə rəsmi olanlar haqda həvəslə məlumat vermələri də sevindirici idi. Çünki biz uşaqların dünya şöhrətli futbolçuların, oyun, film qəhrəmanlarının şəkli olan köynəkləri sevdiklərinin şahidi olmuşduq.
Maraqlıdır ki, yalnız orada işləyən inzibatçılar və xadimələr hərbi geyimdə deyillər. Bu da onu göstərir ki, layihə rəhbərləri əsgərə, onun geyiminə böyük sevgi ilə yanaşırlar. İlk baxışdan bu, adi görünsə də, arxasında böyük mənalar dayandığı aydın görünür. O mağaza sahibi bəlkə də keçmiş döyüşçüdür, yurd fədaisidir. İyirmi illik atəşkəsdən sonra döyüş əzmi qırılaraq bu yolla öz vətən borcunu bu şəkildə davam etdirmək istəyir...
Bu market haqda bircə yazıya rast gəldim, o da tənqidi yazı idi. Həm də bu, hadisənin əsl məğzini öyrənmədən yanlış informasiya ilə tələsik yazılmış, faktlara söykənməyən jurnalist səhlənkarlığı idi.
Bu yazdığım bəlkə də çoxlarına adi görünə bilər. Bu mağaza barədə fikirlərimi bəyənməyənlər oldu, niyə yazılmalıdır ki - ticarətlə məşğuldu, özüyçün pul qazanır, deyənlər oldu. Amma müharibəni uduzmuş bir ölkənin müğənnilərə, şou aləminə, qondarma toylar krallarına, kraliçalarına, nömrə 1-lərə, nömrəsizlərə, popstarlara, gecə starlarına, primadonnalara, şahlara, əjdahalara, quşlara, qızılsəslərə, qızılbaşlara bu qədər meydan verildiyi bir zamanda, "artistlərin" qarderobu xalqa nümayişkaranə şəkildə göstərilir, "Köndələn", "Qarabağ", "Həkəri", "Şuşa", "Xan qızı", "Xan bağı", "Zəngəzur"və.s, o cümlədən satılmış, itirilmiş yeddi rayonun adını xatırladan restoranlar, şadlıq evləri, gecə klubları, barlar nədən məmnuniyyətlə nümayiş etdirilir, reklamları gündəmdən düşmür, amma bu mağaza haqda söhbət düşəndə pul qazandıqları önə çəkilir?
Belə münasibətlərə dözməyən mərhum şairimiz Vahid Əlifoğlu yazırdı:

Bura Şuşadı, Şuşadı
Dağları baş-başadı
Bu çadırda şuşalının
Çadırı qoşadı, qoşadı.

Bura Ağdamdı, Ağdamdı
Qara buluddan ağ damdı
Beyləqanın yarsı Füzuli
Bərdənun yarsı Ağdamdı.

Bura Laçındı, Laçındı
Gülü Laçındı, Laçındı
Çadıra gələn gözəlin
Eli Laçındı, Laçındı.

Bura Kəlbəcərdi, Kəlbəcərdi
Duzu, dadı Kəlbəcərdi
Bakıda yüz çayxananın
Ünvanı, adı Kəlbəcərdi.

Bura Qarabağdı, Qarabağdı
Tərtərdən bəri Qarabağdı
İndi Qarabağdan başqa
Dünyanın hər yeri Qarabağdı.

Təəssüf ki, bizdə yaxşıya yaxşı deyə bilməmək problemi var. Bu, bəlkə də çox kiçik bir iş kimi görünə bilər. Amma o insan bunu ürəkdən istəyib və edib. Hər kəs torpaqların azad olmasını istəyir, amma hamı bunu kiminsə edəcəyini gözləyir. Hərəmiz o mağaza sahibi kimi bir addım atsaq, o zaman mənəvi dünyamızda, hadisələrə baxışımızda, hətta öz evimizin içində nə qədər dəyişikliklər baş verdiyini aydınca hiss edəcəyik. Bu bizim özümüzə dönüşümüz, bizim itirilmiş torpaq sevgimizin qayıdışı üçün təmənnasız, əmrsiz, reklamsız, sadəcə ürəyimizin səs ilə edilmiş ən böyük bir addım olar.

P.S. Yazıda Biləcəri dairəsinin yaxınlığındakı "Army" mağazası nəzərdə tutulub. Bu yazı reklam xarakteri daşımır, sahibinin kimliyini həqiqətən bilmirəm, sadəcə onun atdığı addımı bəyənirəm və bu, sadəcə bir vətəndaş yanaşmasıdır.

Fəridə RƏHİMLİ
[email protected]


İmza:

YAZARIN ARXİVİ

2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-01-19
2018-01-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (73.33%)
Yox (26.67%)

ÇOX OXUNAN
GÜNÜN LƏTİFƏSİ
Mollaya xəbər verirlər ki, qayınanasını su aparıb. Molla gəlib girir çaya, başlayır su yuxarı axtara-axtara getməyə. Görənlər soruşurlar ki:
- Ay Molla, bu necə axtarmaqdı? Cənazə su axan tərəfə gedər, ya yuxarı dırmaşar?
Molla deyir:
- Siz onu tanımırsınız. O, elə bir tərs adam idi ki, hökmən yuxarı gedib. Sizin işiniz olmasın, mən bu saat onu tapacağam.




digər lətifələr
ARXİV
FACEBOOK