Film izle hacklink kiralık bahis sitesi satılık bahis sitesi Adalet.az | Bayramınız mübarək Adalet.az | Bayramınız mübarək Adalet.az | Ədalət -
ANA SƏHİFƏ / YAZARLAR

Bayramınız mübarək

26982    |   2014-03-08 00:55
Şriftin ölçüsü:
A+ Böyütmək
A+ Balacalaşdır

Çox demişik, eşitmişik ki, dahilərin, tarixi şəxsiyyətlərin əksəriyyəti kişilərdi. Bunu müxtəlif səbəblərlə, məsələn, kişilər daha ağıllıdı, beyinlərində qırışlar çoxdu və bu kimi başqa səbəblərlə izah edənlər də olur. Təskinlik üçün - hər halda mən belə düşünürəm - "onları dünyaya gətirən qadınlardı" deyirlər. Yəni mən də bu haqda düşünmüşəm arada. Və belə qənaətə gəlmişəm: məsələ dünyaya gətirməkdə deyil əslində.
Əslində o səvviyəyə çatdırmaqdı. Məsələn, son vaxtlarda Obamayla bağlı maraqlı əhvalat hər kəsə məlumdu yəqin: Obamayla xanımı bir restorana gedib. Ofisiantlardan biri xanımın uşaqlıq dostu olub və çox səmimi görüşüblər. Xanım prezident olan həyat yoldaşına oğlanın nə vaxtsa onu sevdiyini söyləyib. Obama "yaxşı ki, onunla ailə qurmamısan, yoxsa indi prezident arvadı olmazdın".
"Qadın nə desə yaxşıdı: Yox, mən ona getsəydim, yenə də prezident xanımı olardım. Çünki onda o, prezident olacaqdı". Bax belə. Yəni İstənilən qadın-ana, baçı, həyat yoldaşı, qohum, dost kişini zirvədə görmək istəyir, ona dayaq olur, ruhlandırır, qulluğunda dayanır...g Bəs kişilər? Məsələn, bizdə qadın böyük amallarla yaşayırsa, seçilmək istəyirsə, nə baş verir? Hökmən ona mane olurlar: evdəki kişilər, yəni ata, qardaş, həyat yoldaşı.
Əgər onlar olmasa, hökmən ətrafdakılar. Qadına dəstək olanda o yazıçı da, alim də, deputat da, nazir də, ola bilər və olur da. Üstəgəl məişət qayğılarının heç olmasa yarısı kişinin öhdəsində olsa, dahilərin çoxu qadınlar olar. Diqqətli olsaq məktəbdə yaxşı oxuyan, üzağardan, daha məsuliyyətli olan, daha çox və daha böyük arzularla yaşayan əksərən qızlardı. Amma sonra? Hə, bu sonra kişilərlə bağlı olduğu üçün qızlarımızın arzularının çoxu xəyal olaraq qalır. Məktəbdə işləyənlər də elə qadınlardı.
Heç bu kişi atalar valideyn kimi də məktəbdə görünmürlər. Niyə? Çox ağırdı - çətindi ona görə. Bir polis rəisi olub onun-bunun haqqını tapdalamağı qadınlar baçarmaz. Qadınlar qayğı çəkər, əzab çəkər, dözər, sevər. İndi bunları deməkdə məqsədim odur ki, ay KİŞİLƏR, bütün səlahiyyətləri qadınlara verin. Çünki dünyanı qadınlar xilas edə bilər.
Məsələn, mən düşünürəm ki, idarəçilikdə, siyasətdə nə qədər qadınlar üstünlük təşkil etsə, bu qədər çəkişmələr, müharibələr olmaz. Təbiiki bunu kişi eqosu bacarmaz. Onda heç olmasa həyatınızda, yanınızda, ətrafınızda olan qadınları sevin, sevindirin, dəyərləndirin, hər gününü bayrama döndərin, onların qarşısında kötük olmayın, arxa, dayaq olun. Onları dözümə sürükləməyin, yaşadın. Siz bunu bacararsız! Məhz bunu bacarın, ya da. Çünki qadınlar hər an sevgiyə möhtacdılar. Çünki onların sevinci sizin bayramınızdı. Çünki:

Məni küləklərə sovuran birini yox,
Məni küləklərdən qoruyan birini,
Məni qayalara çırpan birini yox,
Mənimçün qaya olacaq birini sevərim.
Gözlərimdən su olub axanı yox,
gözlərimə dolanı,
qəlbimi bilinməzlərə aparanı yox,
qəlbimdə qalanı, qəlbimlə olanı sevərim.
Məni çiçək kimi dərəni yox,
Məni cicək kimi görəni sevərim.
Mənə defalarca "sevirəm" deyəni yox,
Məni birdəfəlik sevəni sevərim.

Kəmalə ABİYEVA


İmza:

YAZARIN ARXİVİ

2015-02-21 : BEZDİM
2014-12-13 : CAN BORCU
2014-07-19 : ELƏ SEVİNİRƏM
2014-07-05 : CEYHUN olmasaydı
2014-05-09 : Möhtəşəm gün
2014-04-19 : Eyibdi axı
2014-02-22 : ALİK-ALEKO-ƏLİ
2014-02-08 : NƏ DEYİRSİZ
SON XƏBƏRLƏR
2019-09-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK