Film izle hacklink kiralık bahis sitesi satılık bahis sitesi Adalet.az | Yağmurlu hava... Adalet.az | Yağmurlu hava... Adalet.az | Ədalət -
ANA SƏHİFƏ / MƏMLƏKƏT

Yağmurlu hava...

Meteoroloji şərait nəzərə alınmalıdır

63515    |   2014-02-28 00:50
Şriftin ölçüsü:
A+ Böyütmək
A+ Balacalaşdır

Dünəndən respublikamızın ərazisində yağışlı və yağmurlu hava şəraiti davam edir. Təbii ki, bu yağışlı havada nəqliyyat vasitələrinin idarə olunması əvvəlki vaxtlarla müqayisədə bir qədər çətinləşir. Ən azından ona görə ki, bu cür hava şəraiti sürücülər tərəfindən nəzərə alınmalı və meteoroloji tələblərə uyğun olaraq sürət həddi seçilməlidir.
Sirr deyil ki, bəzi sürücülər yağmurlu və yağışlı havalarda nəqliyyat vasitəsini idarə edərkən səhlənkarlıq göstərir və eyni zamanda müəyyən situasiyaları nəzərə almaq istəmirlər. Aydındır ki, hava şəraiti mürəkkəb olanda nəqliyyat vasitələrinin hərəkəti zamanı qəzalara da münbit şərait yaranır. Belə ki, yağışlı havalarda səriştsiz sürücülər şəraitə uyğun sürət həddi seçmir və bəzən idarəetməni itirərək ağır qəzalar yaradırlar. Aydındır ki, belə qəzalar zamanı da ölənlər və xəsarət alanlar olurlar.
Baş Dövlət Yol Polisi İdarəsinin Yol Patrul Xidməti Alayının 1-ci tağımının əməkdaşları da dünənki hava şəraitində gücləndirilmiş iş rejimində çalışıblar. Tağımın əməkdaşları xidmət apardıqları Bakı-Quba avtomobil yolunun bütün istiqamətlərində hərəkətin təhlükəsizliyinin təmin edilməsi üçün ciddi addımlar atıblar. Onlar xidməti maşında magistral yolda hərəkət edərək çətin hava şəraitində sürücülərə xəbərdarlıq edib, lazımi məsləhətlər veriblər. Meteoroloji şəraitə uyğun sürət həddi seçməyən bir çox sürücülər saxlanılaraq onlara lazımi tövsiyələr edilib. Bildirilib ki, bu cür mürəkkəb hava şəraitində nəqliyyat vasitələri normal idarə edilməli, lazım gələndə yaxın məsafələr üçün istifadə olunan işıq sistemləri yandırılmalıdır. Bu da onunla bağlıdır ki, sürücülər bir-birinə xəbərdarlıq edərək bildirir ki, ehtiyatlı olsunlar və yağmurlu havada yol hərəkəti qaydasını pozmasınlar.
1-ci tağımın növbə rəisi, polis baş serjantı Tofiq Əhmədov bildirir ki, bir qayda olaraq mürəkkəb hava şəraitində iş sistemimiz dəyişir və gücləndirilmiş rejimdə çalışırıq. Aydındır ki, belə şəraitdə fəaliyyət göstərmək yol polisindən çox böyük məsuliyyət tələb edir. Tələb edir ki, biz hərəkətin tənzimlənməsinə və təhlükəsizliyinə xüsusi önəm verək, baş verə biləcək qəzaların qarşısını almaq üçün qabaqlayıcı tədbirlər görək. Elə tağım komandirimiz, polis mayoru Mahir Məmmədyarov da səhər saatlarında növbəni təhfil alarkən bizə tövsiyə edib ki, yağmurlu havada daha diqqətli olaq.
Aydındır ki, avtomobil yollarında hər gün ağır qəzalar baş verməkdədir. Amma nə yaxşı ki, dünən Bakı-Quba yolunda 1-ci tağımın xidmət apardığı istiqamətdə ağır qəzalar baş verməyib. Bunun bir neçə səbəbləri var. Başlıca səbəbi ondan ibarətdir ki, yol polisi sutkanın 24 saatı ərzində hərəkətin təhlükəsizliyini təmin edərək qəza şəraitini vaxtında aradan qaldırır. Digər səbəb isə bununla bağlıdır ki, 1-ci tağımın əməkdaşları xidmət apardıqları dövrdə yolda maşınla hərəkət edərək qaydaları pozan sürücülərə lazımi xəbərdarlıq edir və köməklik göstərir.
Tofiq Əhmədov bizimlə söhbətində onu da xatırlatdı ki, son vaxtlar yol polisi Nəqliyyat Nazirliyi ilə birlikdə normadan artıq yük daşıyan sürücülərə qarşı ciddi tədbirlər görməyə başlayıb. Hamıya gün kimi aydındır ki, ağır tonnajlı maşınlar normadan artıq yük daşıyarkən asfalt yolları sıradan çıxarır və yaman günə qoyur. Üstəlik də qum, çınqıl aparan yük maşınlarından ətrafa səpələnən tikinti materialları yolu çirkləndirir. Bunların qarşısını almaq üçün isə çox ciddi addımlar atılır. Belə ki, tağımımızın əməkdaşları son 15 gündə 30-a yaxın normadan artıq yük daşıyan sürücü barəsində inzibati protokol tərtib edib və onlar 600-700 manat civarında cərimə olunublar. Qanunda isə hüquqi və vəzifəli şəxslərin daha yüksək məbləğdə cərimə edilməsi qeyd edilib. Təbii ki, qanunu pozan vəzifəli və hüquqi şəxslər də yaxalarını məsuliyyətdən kənara çəkə bilməyiblər. Ayrı-ayrı daş karxanaları, eləcə də qum-çınqıl sexləri bundan nəticə çıxarmalı və ərazilərində olan yük maşınlarına normadan artıq tikinti materialları yığdırmamalıdırlar.
Yağmurlu havada 1-ci tağımın əməkdaşlarından polis baş serjantı Hikmət Şükürov, polis serjantı Namiq Kərimov və digərləri üzərlərinə düşən məsuliyyəti dərindən dərk edərək hərəkətin təhlükəsizliyinin təmin edilməsi üçün var qüvvə ilə çalışırdılar. Onlar bildirdilər ki, bu cür havada sürücülərə tövsiyəmiz ondan ibarətdir ki, nəqliyyat vasitələrini ehtiyatla idarə etsinlər və digərləri üçün qəza şəraiti yaratmasınlar.

Faiq QİSMƏTOĞLU



İmza:

Dənizdə dalğanın hündürlüyü 3,8 metrə çatıb - Nazirlik

Bakıda külək güclənir - Hazırki vəziyyət açıqlandı

Fuad Qəhrəmanlının ailə zorakılığı fotofaktlarla yayıldı - FOTO

Xəzərdə üzən bütün gəmilərə xəbərdarlıq göndərilib

Nazir: Təmizlik aksiyalarının keçirilməsi artıq geniş vüsət almış hərəkatdır

Güclü külək əsəcək, intensiv yağışlar yağacaq - XƏBƏRDARLIQ

"Azərişıq": Cənub regionunda yenidənqurma işləri ilin sonuna qədər yekunlaşacaq

DYP Bakıda piyadalara qarşı reyd keçirib - FOTO

Nazir müavini Xaçmazda vətəndaşları qəbul edib

Polis rəisi narkotikin zərərlərindən danışdı

Azərbaycan Ordusunun genişmiqyaslı təlimlərinin döyüş atışları - VİDEO

Deputat: Elə sistem qurmalıyıq ki, Azərbaycana da tibbi turizmlə əlaqədar insanlar gəlsinlər

SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK