warez script warez forum Leaks Forum orkide Link kısaltma sitesi shell indir mavi orkide Link kısalt PHP Scriptler Ataşehir kadın kuaförü Warez forumu hacklink satın al cialis yorumları Adalet.az | O QADINA MƏKTUB YAZ... Adalet.az | O QADINA MƏKTUB YAZ... Adalet.az | Ədalət -
ANA SƏHİFƏ / YAZARLAR

O QADINA MƏKTUB YAZ...

21940    |   2014-02-08 01:01
Şriftin ölçüsü:
A+ Böyütmək
A+ Balacalaşdır

Belə qarşılayacağını bilirdim. Sözümü deməmiş sifətinin alacağı şəkli də gözümün önünə gətirmişdim. İstehzalı təbəssüm, şübhəylə yana süzülən baxışlar. Yaxşı ki, məni dəli hesab eləmirsən. Eləsən də, qorxan deyiləm. Hamıya ağıllı görünməkdən zəhlətökən şey yoxdu. Dillənməsən də, başından keçənləri duyuram. "...Bəlkə bir-iki göyərçin də alaq?! Məktubları ayağına bağlayıb uçurmağa..."
Bilirəm, ağzını açsan, hamının bildiyi şeyləri üyüdüb tökəcəksən. Cib telefonundan tutmuş görüntülü bağlantılaracan çox ünsiyyət vasitələrindən danışacaqsan. Mənsə istəyirəm ki, ən sonuncu yenilikdən belə yorulandan, internet səhifələrində asanlıqla qarşında açılan pərdəsiz, utancsız aləmlərdən doyandan sonra... əlinə qələm-kağız götürəsən. Gözün-qəlbin nə qədər dağınıq olsa da, xəyalında bir nəfərin yuva saldığına inanıram. Bundan qaça bilməzsən. Nə qədər boynundan atsan da, özündən uzaqlaşdırmağa çalışsan da, O var və həmişə də olacaq. Özünü aldadıb başını qatsan da, müasirlik burulğanıında batıb çıxa-çıxa fırlandıqca ona bir az da yaxınlaşacaqsan. Xəyalından heç nəyi qova bilməzsən. Çünki təkcə xəyallardı bomboz dünyamızı rənglərə bürüyən, bizi boğulmaqdan xilas edən. O həmişə xəyalındadı və yanında var olanların hamısından gözəldi...
"Nədən yazım? Necə başlayım, necə qurtarım?" deyib durma. Sənin haqqında hər şey onunçun maraqlıdı. Ən adi, bəsit işlərindən yaz, o, bunu macəra romanları qədər maraqla oxuyacaq. Bax, indi bayırda yağış yağır. Mən damcıların səsini eşidirəm. Hələ külək də əsir. Yəqin indi O da pəncərə qabağında əlləri qoynunda dayanıb bayıra baxır. Özü də qırmızı paltar geyinib. İnanmırsan? Özün bilərsən. Hədənsə, mənə elə gəlir ki, qadınlar darıxanda qırmızı geyinməyi sevirlər. Qaranlıqda görünən tək-tək işıqların uzanan üçbucağında rəqs edən damcılara tamaşa eləyir... və səni düşünür. Könül qəribsədən olur yağışlar. Belə havada evdə oturmaqdan darıxdırıcı şey yoxdu. Əlinə keçəni əyninə alıb bayıra çıxmaq istəyirsən. Amma tək yox. Onunla! O isə həmişə yanında olmur...
Bəlkə zəngini gözləyir, səsini eşitmək istəyir. Yağışın altında çətirsiz dayanıb gözünü onun pəncərəsindən çəkməyən oğlanı görsə də, fikri sənin yanındadı. Ona Sən lazımsan! Bu yağış, külək ki, var, adamın sevdiyinə yaxın olmaq istəyini o qədər artırır, şirinləşdirir ki,... Təbiət həmişə belə ilhamlı, həyəcanverici olmur. Sakit çağlarında sənin də qəlbində istəklərə yer qalmır...
Məktub yazsan, O da mütləq cavab yazacaq. Barmaqlarının ətri hopmuş kağız parçasını qoxulamaq istəməzdinmi?!...
Yəqin bu duyğuları yaşamamısan. Bəlkə yoxlayasan( Peşiman olmazsan. Görəcəksən hər şeyin necə dəyişdiyini. İlk dəfə hiss edəcəksən sinənin sol tərəfini içəridən nəyinsə döyəclədiyini. Çaşacaqsan. Özünü tanımayacaqsan. Necə mülayim, diqqətli, nəvazişkar olduğuna şaşıracaqsan.
Başqasına yönələn hisslərin səni özünə tanıdacaq...
Nədən yazacağını deyə bilmərəm sənə. Mənim dediklərim maraqlı olmaz O Qadına. Sən qələmi götür, sözlər özü dolacaq qəlbinə. Adam elə heç nə bilməyəndə nəsə yaza bilir. Kitab cümləsi yazma. O, çox kitab oxuyub. Sən öyrəndiklərini, bildiklərini deyil, yaşadıqlarını, duyduqlarını yaz. Başqalarında olmayan, səqə aid hər şey Ona maraqlıdı. O da bezib dördbir yanındakı eyniliklərdən. Qəlbi təzəlik, həyəcan gözləyir. Əllərinin titrəməsini, yanaqlarının allanmasını, vücudunun bənzərsiz hallara düzməsini arzulayır.
Gözəl sözlər axtarma. Olanını yaz. Hisslərini aşkarlamaqdan qorxma. Yersiz qürur bütün gözəl duyğuların qənimidi. Çoxumuz bu lənətə gəlmiş hissin ucbatından itiririk qiymətlilərimizi, əvəzsizlərimizi, yeri dolmayanlarımızı...
Bir-birinə can atanlara mütləq bir ortaq nöqtə gərəkdi. Sənin məktubun bu ortaq nöqtə ola bilər. Ağıllı adamlardan biri deyib ki, heç bir təmas yoxdursa, alışan təkcə özünü yandırar. Özünü Simurq quşuna bənzətmək yalançı səadətdi. İmkan olduqca əfsanələşməkdən qaçmaq, gözün gördüyünə, əlin yetdiyinə qovuşmaq haqqımızdı. Bu fürsət də həmişə qarşımıza çıxmır...
Xəyallarla təsəlli tapmaq zəiflərin işidi...
Qadınlar romantik kişiləri yox, onların romantik xəyallarını həyata keçirən kişiləri sevirlər. Və bir filmdə deyildiyi kimi, qadınlar ancaq qalib kişilərə qalırlar... İlk dəfə bu fikri eşidəndə razılaşmamışdım. "Bəlkə o qalib kişi heç mənim ürəyimə yatmır, bəs, onda necə olsun?" demişdim. Sonra yavaş-yavaş kişi qalibiyyətinin bəzi sirlərini anlamağa başladım. Və... barışdım...
Bilirsçənmi, sənin xeyirxahın (həm də O Qadının) olmaq missiyası nə zamandan ağlıma doldu( İş yoldaşlarımdan biri əlində təptəzə, qatı açılmamış kitabla otağıma gəlib mənə bu sözləri deyəndə:
-Mən cavanlıqda bunu oxumuşam. İndi də istəyirəm, sən oxuyasan...
-Çox gec deyilmi, əzizim? Ancaq çox cəlbedici adı var. "Yad qadına məktublar"... Oxuyaram...
Axırıncı sözü minnətlə desəm də, 20-30 səhifə oxuyandan sonra otağına gedib fikrimi bildirdim:
-Əsər elə də cəlb eləmədi məni. Yad qadına yazdıqları çoxdan dəbdən düşüb ey... İndi nə qadınların naz eləməyə, sirli görünməyə həvəsi qalıb, nə də kişilərin naz götürməyə, intizar çəkməyə. İndi ildırım eşqlər, nikahlar dəbdədi. Həm də, ildırım ayrılıqlar. Amma kitabı axıracan oxuyacam...
Əsərdəki bir fikri çox bəyəndim. "Təcavüzkar və hər şeydən narazı qadın kişini tez bezdirir, ancaq tələbkar olmayan, hər şeyə sadəlövhcəsinə heyran qalan qadın da kişi üzərində hökmranlığını uzun müddət saxlaya bilməz..."
Sən O Qadına məsləhət vermə. Bezdiricidi. Nəyisə öyrətməyi də ağlına gətirmə. Təsəvvür elə ki, o, Andre Moruanı çoxdan oxuyub. Sənsə oxuma. Təsirə düşərsən. Sevilməzsən...
"Sevilmək varlı olmaqdan yaxşıdı..."
Bunu deyən isə hamıdan ağıllıdı...
Sən "hökmranlıq" sözünü də unut! İki nəfərlik dünyada niyə əzilən və əzən olsun ki?!...
Əzmək və əzilməkdən qaçmaq, ilahi yuxulardakı kimi bir aləmə qovuşmaqçın yaradılır cütlərin dünyası...
Ürəyində nə varsa, tök vərəqlərə...
Bircə sözdən başqa...
"Əlvida" yazma O Qadına...

Vəsilə USUBOVA
vasila-usubova@mail.ru


İmza:

YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-05-22
2019-05-21


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Kubokun sahibi kim olacaq?

"Qarabağ" (71.43%)
"Qəbələ" (14.29%)
"Sumqayıt" (7.14%)
"Zirə" (7.14%)

ÇOX OXUNAN
GÜNÜN LƏTİFƏSİ

Aqşin Yenisey dostları ilə babat yeyib-içir, sonra gedir əmisigilə. Həyətdə it daraşır buna, qolun-qılçın cırmaqlayır. Evə girəndə əmisi deyir:

- Ay bala, bu nə haldı?

- İt tutdu.

- Ə, it bağlıydı axı?!

Aqşin:

- Əmi, it bağlıydı ey, amma mən açıqıydım.





digər lətifələr
ARXİV
FACEBOOK