ANA SƏHİFƏ / YAZARLAR

GÜNLƏR...

30214    |   2013-11-09 07:55
Şriftin ölçüsü:
A+ Böyütmək
A+ Balacalaşdır

Hər anın öz hökmü var. Heç kim bu hökmü dəyişmək iqtidarında deyil. Ömrümüzə yazılan yaxşı günləri də, pis günləri də qəbul edib, qədərimizə baş əyməyə məcburuq. Əvvəlcədən hansı günün həyatımızda necə rol oynayacağını bilməsək də, sonradan yadda qalan hansı günün nə anlam daşıdığını hər dəfə xatırlamağa məcburuq. Unutmadığın, ömrünə həyəcanı ilə, sevinci, üzüntüsü, qəmi ilə həkk olunmuş günləri istəsən də, yaddaşından silmək gücünə malik deyilsən...
Həyatında gözəl, yoxsa bərbad günlərin çoxluq təşkil etdiyi haqda heç vaxt fikirləşməmişdi. Sevdiyi özəl günlər, rəqəmlər vardı və bunlardan biri də 6 noyabr... onların toy günü idi. Güvəndiyi, sevdiyi, onu olduğu kimi qəbul edən və həyatına gəlişi ilə dünyanı al-əlvan rənglərə boyayan insana qovuşduğu gündü 6 noyabr! Günləri bir-birindən xoş keçir, günü-gündən bir-birini daha gözəl anlayır, dünyaya gələn övladları ilə özlərini ən bəxtəvər ailə hesab edirdilər...

Həyatdan umduğumu
Bir haqq bildi, bir də mən.
Dilə də gətirmədim,
Çaşıb danışar birdən.
Ə.Mədətoğlu

6 noyabr - inamla, sevgi ilə süslənmiş, xoşbəxt və qısa ömürlü ailə həyatı həmin ay, həmin gündə də bitdi, düz 6 ildən sonra. Söhbət elədiyi yerdə infarkt qəflətən yaxaladı...
İndi toy günlərinin şirin xəyalıyla ölüm gününün acısını qarışıq yaşayırdı eyni gündə. Həyatının ən xoşbəxt günü ilə ən bədbəxt, üzüntülü, hüznlü günü üst-üstə düşmüşdü və uzun illər bu acını yaşayacaqdı...

Məni uzaqlara çəkən xəyallar
Qəfil öz içimdən alıb apardı.
Mənə yuxu kimi gələn o anlar
Ruhumu quş kimi çalıb apardı.

Dırmaşdım qayaya, sarıldım kola
Əyildim dumantək cığıra, yola.
Şimşəklər ruhumla girib qol-qola
Qəlbimi sinəmdən dəlib apardı.

Sakitcə min oyun oynadı fələk
Bilmədim doğrudu, ya gəlir kələk?
Ruhumu canına köçürən mələk
Bir gün də canımı gəlib apardı...
Ə.Mədətoğlu

Rəqəmlərin insan həyatındakı mistik rolu, əlaqəsi haqda oxumuşdu və bu inancla da toy gününün birinci ilini qeyd edərkən "qızıl toy", "gümüş toy", "brilyant toy"larını xəyal etmişdi. Altı rəqəminin ona daha hansı uğurları gətirəcəyi ümidində idi. Fələk isə öz saydığını sayırdı...
İki il sonra həmin ay, həmin gün məcburi köçkün, yurd itkisinin acısıyla yaşaya bilməyən atası dünyasını dəyişdi.
Bir neçə il sonra çox hörmət bəslədiyi həmkarı həmin ay, həmin gündə dünyasını dəyişəndə isə, artıq bu hadisənin təsadüfdən uzaq olduğunu qəbul etdi və bu aydan qorxmağa başladı. Hər il noyabrın 6-sını sürpriz kimi gözləyirdi.
Yenə 6 noyabr. Dünyadan köçənlərinin ildönümü ilə əlaqədar toplanmış qonaqlarına başı qarışan vaxt telefonuna zəng gəldi. Yenə canına üşütmə gəldi: xeyir olsun, inşallah - düşündü.
Xəbər, gözləmədiyi, amma yaxşı xəbər idi: nəvəsi vaxtından qabaq dünyaya gəlsə də, sağlam idi...
Özünü inandırmağa çalışdı ki, bu gün artıq onun qədəridi və bu gün həm də xoş xəbər gətirə bilər. Artıq içi rahatlıq tapmış və xeyirin də, zərərin də Allahdan gəldiyinə və bundan qaçmaq mümkün olmadığına şübhəsi qalmamışdı.
Onun içində özünün də 6 noyabrda dünyadan köçəcəyinə əminlik vardı. O vaxta qədər isə bəlkə də nə qədər noyabrlar keçəcəkdi... O anlamağa başladı - ölüm həyatda ən böyük itki deyil. Ən böyük itki yaşayarkən ölənlərdir. Həyat sürərkən bu dünyanın sevinc və kədər yükünü, nəşəsini, ağrısını səninlə bölüşə, daşıya bilənlər, səni duyanın, anlayanın varsa, hələ yaşamağa dəyər. Sənə önəm verən, səni həyat yolunda yalqız buraxmayan yaxınların, dostların sənə Allahın mükafatıdır.
Rəqəmlərdənsə qorxmaq yox, sadəcə qədərə hazır olmaq lazımdır - bu gün öləcəkmişsən kimi hazırlaşmaq, heç ölməyəcəksənmiş kimi rahat yaşamaq!

Fəridə RƏHİMLİ
[email protected]


İmza:

YAZARIN ARXİVİ

2018-09-14 : ŞİLLƏTERAPİYA
2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-10-20
2018-10-19


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (70%)
Yox (30%)

ÇOX OXUNAN
GÜNÜN LƏTİFƏSİ
Vəli Xramçaylını hakim qarşısına çıxarırlar. Hakim:
- Sizi bu iki nəfərə qarşı soyğunçuluqda günahlandırırlar. Bu barədə nə deyə bilərsiniz?
Vəli:
- Vallah, axşam evə gedeyerdim, bu iki qardaş mənə yaxınlaşdı, dedilər ki, saatı və ayaqqabını çıxart. Mən də neyniyim, yazığım gəldi , birinin saatını, o birinin də ayaqqabısını çıxartdem. Polis də məni tutub sizin yanınıza gəteyrdi.




digər lətifələr
ARXİV
FACEBOOK