hacklink Adalet.az | KONQRESMEN, YOXSA KİŞİ?!. Adalet.az | KONQRESMEN, YOXSA KİŞİ?!. Adalet.az | Ədalət -
ANA SƏHİFƏ / YAZARLAR

KONQRESMEN, YOXSA KİŞİ?!.

36427    |   2013-10-26 00:04
Şriftin ölçüsü:
A+ Böyütmək
A+ Balacalaşdır

Taleyin oyunlarından kimsə baş açmayıb hələ. Nə də sığortalanmayıb. Səxavət əlini açanda da üzünü görmə, sənə arxa çevirib uğursuzluqları sapa düzəndə də...
Bu cavan oğlana qarşı hələ ki, nəvazişkardı. Şahlıq quşunu salıb ardınca, fırladır dörd bir yanında. Konqresə seçmək istəyirlər onu. Ardınca müəmmalı adamlar salınıb. Hər addımını izləyir, sərbəst hərəkət etməsini əngəlləyirlər. Şahlıq quşunu uçurdanlar da elə bunlardı, deyəsən. Məqsədlərini anlamaq olmur. Bilmirsən, niyyətləri nədi; xeyirxahlıq, yoxsa, bədxahlıq.
Oğlanınsa nə başını, nə də çiyinlərini bu quşun caynağına vermək fikri yoxdu.
Onun fikri avtobusda gördüyü qızın yanındadı...
Onu tərifləyir, qarşıdakı xoş olacaqlara şirnikləndirməyə çalışırlar. Xəbərdarlıq edirlər: "Əgər O (yəni avtobusdakı qız) sizinlə olsa, içinizdəki boşluğu alqışlar, Ağ evdə olmaq arzusu doldurmayacaq". Nə real tərifdi... Alqış, şan-şöhrət içi boş olanlarçın imiş, demək.
Həm də, təbii ki, başı boş olanlarçın...
Elizanı görməmişdən o da belə düşünürdü.
Düşünməyə, qərar verməyə qoymurlar. Sanki pultla idarə edirlər onu. Düşündüklərindən də xəbərləri var. Görüşlərə çağırır, müxbirləri, operatorları dalınca salırlar. Qaçmaq istəsə də alınmır. Telefonlar işləmir, taksilər saxlamır...
Fantastik hadisələr baş verir. Beynini dəyişdirmək, öz proqramlarını yerləşdirmək istəyirlər...
(Zəhləm gedir fantastikadan!)
Reallıq həmişə gözəldi. İşimizə yarasa da, yaramasa da...
"Sən dünyanı dəyişdirməyə qadirsən. Ancaq O yanında olsa, bacarmayacaqsan..." Yerinə olsaydım mən belə cavab verərdim: "O yanımda olmayacaqsa, dünyanı dəyişdirəcək güc nəyimə gərəkdi?! Onsuz da, O mənimçin elə dünyanın dəyişdirilmiş formasıdı. Yaşadığıma bənzəməyən, arzuladığım forması..."
Ona təklif olunanlardan ötrü başqası dünyanı verərdi. O isə...
Onun dünyası Elizadı...
Mən də kişi olsaydım o gözəl dodaqların xatirinə lap prezidentlikdən də imtina edərdim...
Kişi olsaydım?! Maraqlı səslənir. Həm də cazibədar. Əks cinsin nələr düşündüyünü, hiss elədiyini duymaq pis olmazdı. Ancaq həmişə yox. Hərdən iş yoldaşlarımı qeyri-ciddilikdə qınayanda deyirlər ki, kişi olsaydın sən bizdən də beşbetər olardın. Bəlkə də haqlıdılar. Axı, natura məsələsi var. Yox ey, belə asanlıqla təslim olmaq istəmirəm. Qadınların naturası olmur, bəyəm?!.
***
Təqiblər səngimir. Lap əsl qırsaqqızdılar. Belə çıxır ki, onun karyerasına özündən çox can yandırırlar. Hər halda məqsədləri var... Mümkün qədər onu sevdiyindən ayırmaq istəyirlər. "Eliza dünyanın məşhur balerinası olmalıdı. Səninlə olsa, uzaqbaşı bağçada rəqs müəlliməsi olacaq..."
Ay Allah, lap mənim çevrəmdəkilər kimi cansıxıcıdılar. Yaxşı ki, oğlanın ağlı var. Ağlı yox ey, ürəyi var. Çox az adamlardandı ki, hisslərinə xəyanət eləmir. Gözəl bir həqiqəti anlayır: alqışlar da boldu (həm də ucuzdu), kürsülər də. Ürəyin istəyən isə çox-çox, lap çox azdı. Hər dəfə rastına çıxan da deyil...
Bu dünyada çox şeyi qazanmaq olar...
Əsl sevgidən başqa...
O, əlçatmazdı...
Onların əli çatdı buna.
Sevgi onları xilas elədi...
***
Bir nəfər ona kömək eləmək istədi. Tərəddüdlərdən sonra... bacardı. Tezislərin (onu bu tezislərlə idarə edirdilər) yerini dəyişdirməyi öyrətdi. İmprovizələr eləməknən təqib edənləri çaşdırmaq olar. (Yaxşı ki, ən qəddar qurumlarda da emosional adamlar var).
Filmə ("Dəyişən reallıq") axıracan baxmaq fikrim yoxdu. Həqiqət yerini tutsa da, tamaşaçıya düşünməkçin çox şeylər qalır. Müsbət sonluq həyəcanı azaldır, ardınca peşmançılıq, təəssüf buraxmır. Amma gerisini özüm istədiyim kimi düşünmək həvəsimi də aparmır. Tale və qismət deyilən şeylər barədə başıma o qədər qarışıq fikirlər dolur ki, artıq filmin qurtardığını da hiss eləmirəm...
***
Hamı möhkəm və hündür divarlar arzusundadı. Nə var o ürək üşüdən soyuq dünyada?! Niyə kimsə sevgi dolu isti yuva axtarmır?!.
Baxışlarda etiraz qığılcımları görünür, deyəsən. Özünü aldatmaq fayda yoxdu. Ömrümüz göstəri deyil, təkcə özümüzə aid bir aləmdi. Bizdən asılı olmayan çox şeylər kəsir qabağımızı. İstəmək, xəyallar qurmaq ki, bizlikdi. Bəs, onda günlərin birində o xəyallar çin olub qarşımıza çıxanda necə?! Bu qədər asılılığımızın günahını kimin boynuna yıxaq?!
Ürəyimiz istəyənlərin məcməyidə gətirilib bizə verilməsini gözləməyimizin adı nədi?!
Çox şeyin uğrunda vuruşuruq, sevgimizdən başqa. Ən sonda yada düşür qəlb istəklərimiz.
Sonra da gec olur. Çooox gec...

P.S. Ötən həftə qəzetə yazı göndərə bilmədim. Keşkə bu filmə əvvəlcədən baxmış olaydım. Heyf... Kişilərə dərs deməkdə bir həftə gecikdim...
Cəmi bir həftə?!
Bəlkə bir ömür?!.


Vəsilə USUBOVA
vasila-usubova@mail.ru


İmza:

YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-12-13
2019-12-12


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88%)
Pullsuz (12%)

ÇOX OXUNAN
GÜNÜN LƏTİFƏSİ

Yayın cırhacırı Abdal Qasım oturubmuş, görür iki erməni bərkdən danışa-danışa gəlir.

Yanındakı dostuna deyir:

- Ə, bu köpəyuşağları bu istidə bu dildə nətəhər danışırlar ey?!




digər lətifələr
ARXİV
FACEBOOK