ANA SƏHİFƏ / YAZARLAR

"Cəsur ürəy"ə baxıb kədərlənən məsum xalqım... - Eminquey yazır

17285    |   2020-07-21 11:51
Şriftin ölçüsü:
A+ Böyütmək
A+ Balacalaşdır

Və artıq ermənilər öz corab məğlubiyyətlərini tərs üzünə çevirib qəhrəmanlıq nümunəsi adı altında film düzəldiblər. Guyammış ki, bütün hadisələr Tavuşda baş verib. Guyammış ki, biz ATƏT-ə görk olsun deyə UAZ-la bunların ərazisinə keçmişik, duxumuz çatmayıb, geri qayıdanda da ölmüşük. Guyammış ki, təcüvüzkar olan bizik, dinc əhaliyə güllə atan və susdurulan bizik və sairətən və ilaxıratan.

Birincidirmi? Xeyr!

Sizə nümunələr verirəm.

Youtube-da Arshak Zakaryan, Arthur Armenian, Ari Janessian, Khachakirner20 adlı kanalları izləyin.

2004-cü ildə Kanada Milli Film Şurası tərəfindən fransız dilində hazırlanan "My son Shall be Armenian” (Mənim oğlum erməni olacaq) filminə baxın.

2016-cı ildə çəkilən "The Promise” filmini izləyin.

2017-ci ildə çəkilən "Armenia, my love” filmini izləyin.

Bunlar dayanmırlar.

Öz məğlubiyyətlərini belə qələbə kimi dünyaya sırımaqda mahirdirlər.

Bir də ayıq olun, ətrafınızdakı adamları incləyin, ermənilərlə dost çıxa bilərlər. Şəxsən mən elə bir adamın erməni profilləri ilə dostluğunu görmüşəm ki, hələ də özümə gələ bilmirəm. Sizin üzdə tanıdığınız ermənipərəstləri demirəm.

TV-lərimiz nə etmək istəyir?

"Mahmud və Məryəm”in yeridi?

Niyə bu neçə gündə son döyüşlər haqqında iki-üç videorolik hazırlayıb göstərmirlər?

Niyə əllərində olan efirdən təbliğat üçün istifadə etmirlər?

"Haber qlobal” kimi türk kanalları bizim başımıza gələnləri bizdən yaxşı analiz edir. Niyə?

Əlimizdə bu qədər bəla varkən niyə müharibə filmlərimiz azdır?

Niyə qazilərimizin, Qarabağ döyüşçülərimizin başlarına gələnləri filmə çevirmirlər?

Axı bu 30 ildə çox şey edilməli idi?

Axı bu 30 ildə sərsəm filmlərə xərclənən pullardan neçə-neçə müharibə filmi çəkmək olardı?!

Axı Ədil Arifoğlunun kadrlarına baxanda Qarabağda döyüşən əsgərlərimizin üzündən vəhşilik, terrorçuluq yağmır. Axı o adamlar uşaq başı kəsənə, hamilə qadın zorlayan oxşamır.

Müharibə təkcə cəbhədəmi olur?

Axı kifayət qədər aktyorumuz, rejissorumuz var. 

Ssenarimiz də ki taleyimiz, başımıza gələnlər. Xammalımız boldur.

Dərd bizim deyilmi?

Allahaqqı, biz özümüz dünya boyda dərdik. "Fəryad"ımızdan mələklər diksinər, danışmağa bəs qədər "Yarımçıq xatirələr"imiz var, "Atılmamış güllələr"imiz qayıdıb özümüzə dəyir, "Arxada qalmış gələcəy"ə baxıb köks ötürürük və gözlərimiz "Dolu", "Haray"ımız ağrılı, "Yaddaş"ımız qan içində deyirik ki, bu "Dönüş" düşmənə xeyirli olmayacaq, "Girov" götürülmüş intiqam hissimizi azad edib, "Son nəfəsədək" döyüşüb, "Canavar balası"nın boğazını üzüb "Biz qayıdacağıq".

Ağrılarından film düzəldə bilməyən, "Köhnə tüfəng"ə, "Pianoçu"ya, "Apokalipsis"ə, "Cəsur ürəy"ə baxıb kədərlənən məsum xalqım...




İmza:

YAZARIN ARXİVİ

SON XƏBƏRLƏR
2020-08-15
2020-08-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (87.95%)
Pullsuz (12.05%)

ÇOX OXUNAN
GÜNÜN LƏTİFƏSİ
Vəli Xramçaylını dostlardan biri qonaq çağırır.

Qonaqlığa tez gəlmiş şair süfrə düzələnə kimi dostunun dərs hazırlayan oğlu ilə başını qatmağa çalışır.

Əlini uşağın telinə çəkib qabağındakı riyaziyyat dəftərinə baxır.

-Nağayrersan?

Uşaq:

-Vəli əmi,ən kiçik ortaq böləni axtarıram..

Şair təəccüblə:

-Ayə,hələ onu tapbeflarmı,mən uşaq olanda da onu axtarerdılar)

Paylaşdı: Ayaz Arabaçı



digər lətifələr
ARXİV
FACEBOOK